الموضوع: الخامس من يونيه...

طبعا التاريخ دا بيفكرنا كلنا بالنكسه
وحضرتك بتقولي انه عدا علينا مرور الكرام علي اساس اننا لازن نروح نزور المقام في سينا مثلا ؟؟
زياره اوباما والسياسات اللي بتحصل الفتره دي لعدم تكرار النكسه ولاحلال السلام علي مصر والعرب
ابويا وابوكي والناس اللي استشهدوا في النكسه اخدنا حقهم في 6 اكتوبر
ولا كان من المفروض اننا نعمل هجمات انتقاميه في كل ذكري للنكسه علشان ناخد حقهم
واظن انهم اخدوا اكبر واعظم حقوق الاخره وهو نيل الشهاده
حضرتك وناس كتير جدا الي بيتكلموا عن الحرب لما بيسمعوا صاروخ من صواريخ الاعياد بيملواالدنيا صريخ
يا تري حضرتك سمعتي صوت رصاصه قبل قبل كده؟؟؟؟؟؟؟؟؟
او قنبله او سيبك من اللي ماتو شوفتي حد محروق بالنابالم ؟؟؟؟؟؟؟؟
او مضروب باي سلاح حربي في الدنيا ؟؟؟؟؟؟؟؟؟
انا حقول لحضرتك ايه الي اتغير في اخر 30 سنه علي حسب معلوماتي الشخصيه ويا ريت لو حد ياكدهالي
دول اول 30 سنه من قرون مصر تعيش في سلام فيهم من غير حروب ولا مجاعات ولا اوبئه
30 سنه مصر اتعمرت فيها وشوفنا شوارعها منوره ومتسفلته وركبنا عربيات وحضرتك واختي وامي واهلي كلهم بينزلوا الشارع واحنا متطمنين عليهم مش خايفين من قنبله ولا صاروخ ممكن يخلينا منشوفهمش تاني

بالنسبه لنظريه المحارب الي مش بيتشد من قفاه دا مش حيبان غير ساعه الحرب فقط لا غير وحتلاقي بطولات من ناس لا تتخيلي انهم ممكن يعملوا حاجه
ساعه الحرب الحرامي بيبطل يسرق والجبان بيبقي شجاع والناس بتترابط ودا برضه مش حنشوفه غير لما الحرب تقوم
عبد الناصر واسباب التنحي ويا تري هنا حيتنحوا زيه ولا لاء فدي مينفعش نقول انها حاجه كويسه ولا لاء
شرم ودهب وسينا دول ارضنا ومن حق اي واحد فينا انه يتمتع بيها
لاني متعودش اخد بظواهر الامور والله اعلم ما في باطنها
انا شايف ان بلدنا اتصلحت ولسه حتتصلح اكتر واحسن
بس نبدا بنفسنا بدل ما كل واحد عمال يقول نحارب ونقتل وندفن ونحرق وهو اول واحد حيخاف يبعت حد من اهله يحارب
تخيلوا كلكم اخواتكم واصحابهم وهما رايحين يحاربوا وربنا يكرمني واكون اولهم
حتيقوا قاعدين مرتاحين اننا بنحارب؟؟؟؟؟؟؟؟؟؟؟؟؟؟؟؟؟؟؟ ؟
مبسوطين علشان بناخد حق شهداء النكسه
كل الحروب ليها خساير حتي لو انتصرنا فيها
الحاكم حيصدر امر الحرب انما احنا اللي حنحارب
وساعتها بقي انسوا اي متعه من متع الحياه تكون موجوده
حنرجع للبدائيه
في اول برج محمول حيتضرب ولا اول كابل نت حيتقطع كله حيقول ان دي نهايه العالم وان الحياه ملهاش طعم
الحرب مش مجرد كلمه
استراتيجيه الحرب مش بتاثر علي الجيش وبس ولا ميزانيه الجيش وبس
لا
دي بتاثر علي كل جوانب اقتصاد البلد
وبيتهيالي ان بدل ما ندور علي مين حيحارب
ندور الاول علي مين حيعمر البلد بعد الحرب خصوصا انها لسه محتاجه تتعمر ومش ناقصه حروب
نسمع اراء الاعضاء ونكمل كلام ومناقشه