اللى عندة سوبارو 2009 اتوماتيك سيدان يدخل

**Ahmed Hassan** · 03-09-2009 11:12 PM

المشاركة الأصلية كتبت بواسطة tsakr1979

مساء ال فل شباب
رمضان كريم
أنا اشتريت 2009 سيدان اوتوماتيك عاملة 7000 كم , حالتها زيرو ال حمد لله
كنت عايز اعرف اسعار الصيانة بتاعتها العادية و اللي بيغير فيها سير الكتينا و التنابير ....الخ
ويا ترى إيه اخبارها مع بنزين 92
شكرا
طارق

الصيانه العاديه بتكون في حدود 370 جنيه (تغيير زيت موبيل 1 + فلتر,كشف و تضبيط فرامل, و تربيط عفشه).

بالنسبه للطنابير فدي حسب اسلوب سواقتك. يعني ملهاش معاد تغيير محدد. بس عربيتك 2009 يعني مفيهاش مشكله في الطنابير يعني باذن الله لو استخدامك كويس هتعيش معاك من 20000 الى 25000 على الاقل (على اعتبار انها اوتوماتيك)

سير الكاتينا في الموديل السابق (2007) بيتغير في مصر على 80000 كم (ممكن يتغير بدري شويه او متأخر شويه عن كده). العربيه الـ 2009 اتنين كامه (فعليا فيها 4 كامات) فشكل سير الكاتينه مختلف... وفيه بكر و شدادات اكتر فمعرفش بيتغير على كامززز بس اكيد بردو مش هيقل عن 75000 او 80000 كم... بس في جميع الاحوال لسه بدري عليك

لو مبتجريش جامد و مبتجريش كتير البنزين الـ 92 شغال معاك... بس هتلاقي الاستهلاك زياده شويه.
بالبنزين الـ 95 اجري و شد زي ما انت عايز... هتلاقي العربيه موتورها استجابته احسن كتير... و استهلاك البنزين اقل.

و من الحلول الوسط الكويسه انك تحط نص التنك 95 و نصه 92 و خلي موضوع الـ 92 بس ده للطواريْ بس.

**khalid_adel** · 05-09-2009 04:29 PM

المشاركة الأصلية كتبت بواسطة ahmed hassan

ا

بالنسبه للطنابير فدي حسب اسلوب سواقتك. يعني ملهاش معاد تغيير محدد. بس عربيتك 2009 يعني مفيهاش مشكله في الطنابير يعني باذن الله لو استخدامك كويس هتعيش معاك من 20000 الى 25000 على الاقل (على اعتبار انها اوتوماتيك)
.

طبعا احمد يقصد تيل الفرامل وعلى فكره التيل بتاع السوبارو الاصلي ده محترم جدا وكل مره بغيره وهو لسه فيه كتير وعمره ما صفر معايا ماشاء الله والتيل فعلا يستحسن من 20 ل 25 الف كيلو
اما الطنابير الاماميه انا عن نفسي خرطها على 80 الف وغيرتها اخر مره وكنت عملت 112 الف كيلو بس طبعا ده لان اسلوب سواقتي اجارك الله كل اللي يركب جنبي بيشتكو من اسلوب العنيف مع الفرامل

فاعتقد لو سواقه عاديه مكن تقعد ل 140 الف ولا اكتر وعلى فكرها تمنها كان 780 جنيه بالضريبه والمصنعيه وكلو وانا كنت فاكرها اغلى من كده بس الحمد لله كده تمام

**tsakr1979** · 05-09-2009 11:53 PM

شكرا يا شباب على المعلومات القيمة دي

**sendbad20020** · 10-11-2009 08:57 AM

انا عايزك تفكر كويس لانه السوبارو لازم اللي يشتريها يكون عارف كل شيء عنها ويكون هاويها هي سيارة ممتازة جدا ولا غبار عليها في كل شيء الثبات والقوة لكن طلعتها مش حلوة زي كل السيارات لأنها awd يعني فور ويل أو أول ويل بمعنى أنه قوة الدفع متوزعة على الأربع عجلات انا شريتها وحاولت اني ابيعها لكن بعد فترة رجعت عن قراري لاني بقيت مغرم بالسوبارو اما بالنسبة لقطع الغيار فهي اقرب الى التويوتا والنيسان وما تسمعش انه قطعها غالية انا شريت السفايف بـ 280 ريال يعني تقريبا 400 جنيه ولو قارنت هتلاقيها زي التويوتا بتاعت زميلي غيرلها مرتين سفاييف يعني نفس القيمة

**sendbad20020** · 10-11-2009 08:59 AM

اسف انا شريتهم بـ

**khalid_adel** · 10-11-2009 12:21 PM

يعني ايه السفايف دي ؟؟؟ واشتريتهم بكام بالظبط ؟؟
معلوش فضول بقى :)

**Ahmed Hassan** · 11-11-2009 07:24 PM

المشاركة الأصلية كتبت بواسطة heartman

السلام عليكم
يا جماعة ممكن تقرير عن العربية وبالذات من حيث التسارع من صفر لمية ...
شكراا

كل اللي حضرتك عايزه موجود في غرفة السوبارو. راجع المواضيع اللي فيها

-

الموضوع: اللى عندة سوبارو 2009 اتوماتيك سيدان يدخل

LinkBack

أدوات الموضوع

عرض

-

-

-

-

المواضيع المتشابهه

ياجماعة اللى عندة عداد كهرباء حديث اليكترونى يدخل هنا لو سمحتم للاستفسار

اللى عندة معلومات عن فيات برافا او يملكها يدخل هنا يحكى شويه

.:: سوبارو تطلق امبريزا 2009 سيدان Wrx المعدلة ::. بمحرك أقوى و تعديلات من سوبارو ::.

يا جماعة اللى عندة حاجة عن الموضوع دا يدخل فورا

اللى يستلم او اللى استلم اى عربيه بيرسونا او جين 2 2009 يدخل

الكلمات الدلالية لهذا الموضوع

المفضلات

المفضلات

ضوابط المشاركة