اكس بلوجن ll ال 1300

**AbO_FaRaH** · 06-06-2009 06:24 PM

السلام عليكم ورحمه الله وبركاته
انا عاوز راى الاخوه الاعزاء عن اكس بلوجن ll ال 1300 ؟؟
-ماهو سعرها؟؟
- الابوبشن الموجوده فيها
-سعر قطع الغيار
-مدى الاعتماديه على الوكيل(المسلمى)
-سعر اعاده البيع

**amr4arab** · 07-06-2009 11:23 AM

1300cc = 65000
1500cc = 70000

**dya2008** · 07-06-2009 12:31 PM

يا عم اتكلمنا كتير عنها بس انت ابحث عنها في الصيني العام و بتلاقي كل التجارب و الاراء و ملخص العربيه مش بطاله و التوكيل مالوش لزوووم مش بيعمل اي حاجة

**AbO_FaRaH** · 07-06-2009 05:34 PM

المشاركة الأصلية كتبت بواسطة dya2008

يا عم اتكلمنا كتير عنها بس انت ابحث عنها في الصيني العام و بتلاقي كل التجارب و الاراء و ملخص العربيه مش بطاله و التوكيل مالوش لزوووم مش بيعمل اي حاجة

شكرا يا باشا على تفعل حضرتك
بس ايمها افضل لانوس هاف ....ولا الفرن هاف.....ولا كس بلوجن 1300

**mmmmgogommmm** · 08-06-2009 12:08 AM

ابعد عن اى عربية نصف كماليات لان سعر اعادة بيعها بيكون وحش جدا وكل واحد يجى يشتريها يقولك حلوة بس مش كاملة وكمان النص كماليات تقيل فى بيعة

**dya2008** · 08-06-2009 02:22 PM

مقدرش اقولك تجيب ايه لان دا حسب احتياجك بس انا مثلا مش عارف اغير حتي الترموستات للمروحة لان التوكيل اكسبلوجن بخييييل جدااااااا و عايز خناقة لكل حاجة
لو بتحب الجري متجبش اكسبلوجن لان الاتزان ضعيف بسبب اللارتفاع و السيارة رفيعه لكن لو موتور افضل من الفرنا و اللانوس اذا 1600 طبعا لانه موتور ميتسوبيشي مش هيوانداي او جي ام من زماااان
معرفش لكن لو رجعت بالزمن كنت ممكن اجيب اسبرنزا او اف3 الحقيقة او حتي فرنا

**AbO_FaRaH** · 08-06-2009 07:21 PM

المشاركة الأصلية كتبت بواسطة dya2008

مقدرش اقولك تجيب ايه لان دا حسب احتياجك بس انا مثلا مش عارف اغير حتي الترموستات للمروحة لان التوكيل اكسبلوجن بخييييل جدااااااا و عايز خناقة لكل حاجة
لو بتحب الجري متجبش اكسبلوجن لان الاتزان ضعيف بسبب اللارتفاع و السيارة رفيعه لكن لو موتور افضل من الفرنا و اللانوس اذا 1600 طبعا لانه موتور ميتسوبيشي مش هيوانداي او جي ام من زماااان
معرفش لكن لو رجعت بالزمن كنت ممكن اجيب اسبرنزا او اف3 الحقيقة او حتي فرنا

الف شكر يا باشا على اهتمام حضرتك
على فكره الموديل الجديد من اكس بلوجن ارتفاعه اقل من الموديل السابق وانا لسه سائل واحده بيغسل
عربيته فى بنزينه والرجل شكر جدا فى العربيه وقالى انها ثابته جدا على سرعه 140 وان المسلمى كويس
جدا معاه........وانا قطع الغيار فيها الرخيص جدا والغالى جدا على سبيل المثال الاشاره بـ 100

بس انت لم ترد على ايهما افضل اكس بلوجن ...ولا فرنا هاف .......ولا لانوس هاف؟؟؟؟
-الفرنا الناس بتقول انها عربيه ضعيفه جدا
-لانوس شكلها قديم
-اكس بلوجن شكلها حلو وعصرى لكن لا توجد اراء مؤكده عن درجه الاعتماديه عليها كما ان سعر اعاده
بيعها غير مضمون ولا متانتها

**dya2008** · 11-06-2009 09:45 AM

اكيد اللي قابلته في المحطة لسه جايب الجديدة و متعاملش مع التوكيل بس اشك في موضوع 140 كم مع اتزان دي !
حتي الكوري ميوصلش للسرعة دي مع اتزان الا الياباني و البروتون و طبعا الالماني
مش عارف اقولك تجيب ايه حسب احتياجاتك ؟
لو مستغني عن الاتزان و هتهدي السرعة قبل كل ملف هات اكسبلوجن
لو عايز عربيه تعيش و عائليه هات الفرنا بس امن عليها لان صاجها ضعيف و اي خبطة بتاثر فيها
و اللانوس نفس الامر بس موتور اضعف من اللانوس و اشيك من جوا

**aYaBooY** · 25-06-2009 02:07 PM

بص يا باشا سيبك من الاكسبلوجن علشان التوكيل بتاعها هباب يعني هوا اصلا بتاع بيع مش ناجح كاتوكيل اوي
يعني و انت بتشتري هايبسطوك اوي بس بعد كدة انسي
العربيات التانية الفيرنا عربية من وجهة نظري فاشلة موتور قوي على بودي ضعيف و نظام فرامل مش كويس على العربية
و صالون داخلي مش هاتكلم عنه بس جرب تشوفها في اي مكان اظبط كرسي السواق بس ابعده بمسافة كويسة عن الدركسيون يعني وضع السواقة المريحة
و بعد كدة حاول تعد ورا انسي
اللانوس و ان كان منصور برده مش كويس بس اهه العربية طبعا تقفيل مصري و اكيد الخامات الي فيها مش اد كدة بس في المقارنة ديه مش هاتفرق كلهم مصري و الاكسبلوجن صيني يعني من مصر لصيني و يا قلبي لا تحزن
شوف القارق بين الهاف و بين الكاملة كام و قسطة يعني لما يكون عندك ار بي ام و زجاج كهرباء و سنتر بجوار التكييف و الباور انت الي هاتنبسط بيهم و الفرق بين اللانوس كاملة و هاف حوالي 3500 يعني مش المبلغ الكبير الي يخليك تضحي
بحاجات في العربية هاتبسطك و اللانوس انتشارها كويس اعادة بيعها كويس
صالون ممتاز اعطالها حلها سهل قطع غيارها منتشرة و مصادرها متعددة
شكلها او موديل شكلها هوا الي قديم بس اهه تغير شكل الشبكة الامامية عملها فارق
اتزانها ممكن تعد معاك كويسة لحد الـ 120 و لو قلبك ميت ممكن توصل اكتر العربية هاتجيب بس مش امان و ده في كل التصميمات الكوري
اما الاكسبلوجن و ان حتى وطوها ده مش هايخليها متزنة على السرعة ديه ابدا و مش ممكن تكون ماسكة نفسها لحد الـ 140 ابدا

**som3aa** · 25-06-2009 03:44 PM

ابعد عن اى عربية نصف كماليات لان سعر اعادة بيعها بيكون وحش جدا وكل واحد يجى يشتريها يقولك حلوة بس مش كاملة وكمان النص كماليات تقيل فى بيعة

العربيات الصينى اساسا مفيهاش حاجة اسمها اعادة بيع لان سعرها بيقع الارض و خصوصا لو بعد سنتين و لا تلاته تكون عملت 40-60 الف كيلو يبقى مع السلامة

الموضوع: اكس بلوجن ll ال 1300

LinkBack

أدوات الموضوع

عرض

-

-

-

-

المواضيع المتشابهه

كيا بيكانتو2009 ولا اكس بلوجن 2 الشكل الجديد 2009

مشكلات بالجملة فى اكس بلوجن الصينية

اشترى هوندا سيتى 1300 وللا لانسر 1300

250 لتر بنزين هدية عند شراء سيارة "إكس بلوجن"

هوندا سيتى 1300 اتوماتك ام ياريس 1300 اتوماتيك هاف اوبشان

الكلمات الدلالية لهذا الموضوع

المفضلات

المفضلات

ضوابط المشاركة