المكيف و الدركسيون

**abo_lamar** · 06-06-2009 09:23 PM

السلام عليكم ورحمة الله وبركاته

كنت عايز اسأل حضراتكم ليه لما بشغل التكيف في عربيتي الانوس الباور بيتقل شوية ؟؟؟ ... ياترى ده طبيعي في العربيات كلها ولا في مشكلة عندي ؟ ولو في مشكلة ايه هي ؟ و حلها ايه ؟

شكرا جدا على مجهود القائمين على المنتدى العظيم ده وعلى السادة المشاركين فيه

**samirayad** · 06-06-2009 09:52 PM

طيب ماتشوف سير طلمبة الباور ......يمكن يكون عاوز يتشد شويه

**abo_lamar** · 06-06-2009 10:00 PM

افهم من حضرتك يا باشمهندس سمير ان في فعلا مشكلة عندي ؟

**samirayad** · 06-06-2009 10:06 PM

هو مفيش مشكله ولا حاجه أن شاء الله ......ومش حتخسر حاجه لما تطمن على شد السير لأن ممكن مع دخول حمل التكييف ....والأثنين بيأخدوا من طنبورة الكرنك ......التكييف بيأثر على حمل الباور شويه .......علشان سير التكييف مشدود شويه مثلا عن الباور .....فعاوزين نعمل معادله بينهم فى أخذ أحمال من الكرنك ( يعنى نخللى قوة شدهم واحده )..............وشوف حقولك ( لو دوست على سير التكييف ولقيته مشدود عن سير الباور والدينامو .........يبقى كلامى صح )

**abo_lamar** · 06-06-2009 11:59 PM

انا جربت نصيحة حضرتك يا باشمهندس سمير بس على حسب خبرتي القليلة بالعربيات متهيألي سير التكيف زي سير الباور بالضبط .. نسيت اقول لحضرتك اني لسه مغير سيور العربية كلها لاني لسه شاريها من اسبوعين تقريبا مستعملة .

**samirayad** · 07-06-2009 12:06 AM

شايف حضرتك الرسم ده............المفروض تضغط بصباع السبابه على السير فى منطقة النصف بين كل طنبورتين بينهم سير ...........وتكون حركة السير للداخل فى حدود 1 سم تقريبا فى أتجاه السهم للداخل