السلام عيكم جميعا
أولا أنا أحب أشكر أعضاء المنتدى الجامد ده وكمان البروتوناويه و الجيناوية الجدعان أوي
أنا حجزت البيرسونا يا جماعة من شهرين والله من أول مايو وكان المفروض أستلم أخر مايو بس محسن فى عز العرب قاللي إن طلبي لسة ما جاش
أصلى طالب بيرسونا مانيول فول أوبشن فمحسن قاللي أنها هتيجي 25 يونيه و أستلم وطبعا أنا حاسس أن انا خللت من المده الطويلة ديه
ما علينا كله يهون بس أبقى بروتوناوي بيرسوناوي مش عارف أوصف لكم من كتر ما شوفت كلام الناس على المنتدى هنا عن بروتون أنا إتعلقت بالعربية ديه قد إيه وطبعا كان عندي أسئلة كتير عن الإستلام وعن العربية وكل ما يجي فى دماغي سؤال أقول أدخل أعمل بيه مشاركة ألاقي السؤال وإجابته موجودين سبحان الله ناس جامدة والله وخصوصا الديناموهات اللي ربنا يباركلهم على مساعدتهم للناس فى كل حاجة وعلى رأسهم أستاذ توت وأستاذ أيمن اللي أحب أخصه بالشكر على العرض والخصم اللي جابه للناس هنا ربنا يكرمه يا رب بجد
معلش على الإطالة أنا بس عندي سؤال وقلت ألحق أشارك بيه قبل ما ينزل ومش بعيد يكون نزل وأنا بكتب الكلام ده
سؤالي أنا حاجز العربية زي ما قلت فول أوبشن مانيول ومحسن كان قاللي أنها هتبقى بجنوط سبور فا كنت عاوز أعرف هل الإستبن بتاعها بيبقى بردو بجنط سبور ولا عادي
وشكرا للجميع ومعذرة مرة أخرى على الإطالة.
أخوكم أحمد عزت
المفضلات