بخصوص مقارنة الالنترا و البيرسونا

**nesta** · 08-09-2009 05:11 AM

انا اسمي محمد وشغال محلل مالي بشركة تداول اوراق مالية واستثمار

واسمي على المنتدى Nesta وانا كنت طرحت ايهم افضل النترا ام بيرسونا

وفي الحقيقة انا استقريت على الالنترا بعد طول لف ودوران وسؤال اصحابي بشركة عز العرب و كمان اصحابي بشركة هيونداي وكمان ذهابي للتوكيلين مع خالي (مهندس بشركة جنرال موتورز ومدير الضمان بالمملكة السعودية)
ودي خلاصة اللف والدوران و رأيي خالي المهندس:

اولا: اعترف خالي ان معلوماته عن البروتن مش كبيرة وشاف معايا البيرسونا وقال:

1- العربية شكلا كويسة ومقاومة للهواء.
2- صاج العربية قوي.
3- خامات التبلوه جودته مش جيدة وده بعد فحصه الدقيق ليه.
4- فتح الباب وقفله حوالي 20 مرة و الادراج بالعربية ونقل الفتيس ما يقرب من 25 مرة وشد فرامل اليد حوالي 7 مرات وقالي ان الفنش بتاع العربية مش عالي.
5- سمع صوت الموتور و قال انه تصميم رياضي وبالتالي صوته عالي شويه ( لانه رياضي)
6- التكييف جيد.
7- صالون العربية حجمه جيد.
8- الشنطة كبيرة جدا.
9- قالي انا معرفش اداء العربية وسأل مهندس مصري بالسعودية قاله ان اداء العربية جيد وقارن بينها وبين النيو اكسنت فقال ان الجين تو (او الجين تو سيدان) افضل من النيو اكسنت.

وسأله خالي بين الالنترا و الجين تو ( او الجين تو سيدان) بس هقول الرد في الاخر.

بعد كده شوفنا الالنترا في احد المعارض

وبعد فتح الباب وفحصه للعربية الدقيق كم زي ماعمل في البيرسونا قال:

1- شكل العربية جيد.
2- خامات التبلوه والكراسي جيدة.
3- الفنش بتاع العرية جيد جدا.
4- العربية اوسع من البيرسونا بس الشنطة اصغرمن اليرسونا.
5- سمع صوت الموتور وقالي ان صوته منخفض وده يدي نعومة.

وكان رايه النهائي:

1- اعاده بيع الالنترا افضل من البيرسونا مع الاحتفاظ بقيمة سعرية .
2- قطع غيار الالنترا موجودة بوفرة داخل وخارج التوكيل.
3- الصناعة الكورية للسيارات افضل واكثر خبرة من الصناعة الماليزية للسيارات.
5- الوسائد الهوائية وال abs - ebd مش هحسه في العربيات زي 1000-1300-1500-1600سي سي لكن في 2000 سي سي فيما اكبر (طبعا زي السعودية) يبقى مهم لان العربية بتبقى قوية جدا ويتعوض بفرامل جيدة اـ 1500-1600 سي سي.
6- بعد انتهاء الضمان الكوري معروف بدرحة كبيرة للميكانيكي.

وكان رأي المهندس المصري بالسعودية ان الانترا افضل وشرح حاجات فنية وميكانيكية كتيرة كان طبعا صعب على مستخدم سيارة عادي يفهمها وطبعا انا مفهمتش 1/2 كلامه.

ياريت اكون وضحت الصورة واعتذر عن اي خطأ املائي

**K!ShO** · 08-09-2009 05:47 AM

حضرتك قارنت بنفسك لنفسك
اولا
تعتبر مقارنه مميزه
لأنها تهم ناس كتير
لكن السؤال بقي
هل دا موضوع مقارنه حضرتك عامله عشان الناس تستفيد
ولا بتاخد رأينا في المقارنه ؟
لو الاولي
يبقي شكرااا جداا عالمقارنه
ولو التانيه
يبقي رأيي الالنترا
ومش هقول اكتر من اللي انت قولته في كلامك

**Ghost2** · 08-09-2009 08:29 AM

انت عامل موضوعين ليه .. عموما مشكور هنا وهناك

**tutankhamoun** · 08-09-2009 08:44 AM

مبروك عليك العربية . و الإلنترا عربية ممتازة ........... تستلمها على خير .

بس أنا لي تعليق .
عوامل الأمان من الحاجات اللي بترفع من قيمة العربية في التقييمات العالمية .
مفيش حاجة أسمها ملهاش لزمة مع العربيات ام مواتير صغيرة .

تعالى أشرحلك الحاجات دي بتعمل أيه علشان تعرف هي لزمة و لا لاءة :
الوسائد الهوائية ...... دي بتفتح عند الأصطدام الأمامي لحماية صدر الركاب من الأصطدام بتابلوه العربية أو الزجاج الأمامي و محاولة تقليل الخسائر البشرية في الأصطدام .

فرامل abs
و دي فرامل مانعة للأنزلاق
و الموضوع ملوش دعوة بحجم الموتور ...... ( في أوروبا العربيات مواتير 1300 و فيها وسائل أمان )
يعني لو عربية فيها النوع ده من الفرامل و عربية تانية مفيهاش
و الأثنين ضربوا فرامل على زلط خفيف ........ أو مياه على الأرض
هانفرض أن الأثنين أضطروا يضربوا الفرامل بقوة و شدة
اللي فيها abs هاتقف من غير ما العجل يقفش ........ و التانية هاتلف حوالين نفسها علشان العجل هايقفل و العربية تبدأ تلف و تزحف

النوع الثالث من وسائل الأمان أو الفرامل ebd
و ده نظام الإلكتروني لضمان أن الأربعة عجلات يلفوا نفس العدد من اللفات علشان متبقاش عجلة أسرع من التانية و أنت بتفرمل و بكدا بيعمل توازن و توزيع لقوة الفرملة مظبوط علشان العربية ما تحدفش تجاه العجلة الأقل سرعة أو الأكثر سرعة .

و وسائل الأمان بتبان مهمتها في الطوارئ و ليس القيادة العادية ...........
القيادة الآمنة ............... بتحافظ على عربيتك و حياتك ......
إنما وسائل الأمان موجودة لتزويد هذا الأمان أو زيادته ........ و تقليل المخاطر .

و الموضوع مش مرتبط خالص ............. بحجم الموتور .... اللي قالك كدا ...... لامؤخذة مش فاهم حاجة .

لأن أصلا العربية أم موتور كبير لها عفشة تانية و نظام تعليق مختلف علشان يستحمل الوزن و قوة المحرك و فرامل أقوى بكتير . علشان تقدر توقف العربية .

و أنا قلت أن وسائل الأمان مش علشان توقف العربية ....
أي فرامل هاتوقف العربية
و لكن علشان توقف العربية بأمان ..........

ده الفرق بين الفرامل العادية و الفرامل المتطورة .

بالمناسبة فيه أنواع تانية بس مش منتشرة في العربيات اللي أقل من 120 ألف جنيه زي نظام الثبات اللي موجود في الفيات البرافو و السيات اللليون .........و الأثنين موتور 1400 ....... و موتور 1600 ...

و مبروك عليك الإلنترا ...... عربية جميلة ........ و سحبها ممتاز .

**nesta** · 08-09-2009 12:20 PM

شكرا لكل من اهتم بالرد عليا:

اولا:انا اخترت الالنترا والمقارنة دي علشان اعضاء المنتدي يستفيدوا من دراستي للعربيتين
ثانيا:انا كتبت الموضوع في المقارانات وفي قسم الهيونداي والبروتن بس تم نقل الموضوع بواسطة ادارة المنتدى.
ثالثا:بالنسبة لموضوع الفرامل والوسائد الهوائية مش العلاقة مباشرة بين الموتور والفرامل(الاستاذ توت فهم كلامي غلط) بس بالنسبة لسواقتي وعدم خروجي بالسيارة خارج القاهرة وبالطبع الزحمة الفظيعة بالشوارع كان رأي خالي انه مش مؤثر بالنسبة لحالتي وعدم خروجي خارج القاهرة.
ومتأسف للاستاذ توت لعدم التوضيح التفصيلي فكان الرأي السابق بموضوعي طبقا لمعرفة خالي بسواقتي الشخصية .

**tutankhamoun** · 08-09-2009 12:42 PM

المشاركة الأصلية كتبت بواسطة nesta

شكرا لكل من اهتم بالرد عليا:

اولا:انا اخترت الالنترا والمقارنة دي علشان اعضاء المنتدي يستفيدوا من دراستي للعربيتين
ثانيا:انا كتبت الموضوع في المقارانات وفي قسم الهيونداي والبروتن بس تم نقل الموضوع بواسطة ادارة المنتدى.
ثالثا:بالنسبة لموضوع الفرامل والوسائد الهوائية مش العلاقة مباشرة بين الموتور والفرامل(الاستاذ توت فهم كلامي غلط) بس بالنسبة لسواقتي وعدم خروجي بالسيارة خارج القاهرة وبالطبع الزحمة الفظيعة بالشوارع كان رأي خالي انه مش مؤثر بالنسبة لحالتي وعدم خروجي خارج القاهرة.
ومتأسف للاستاذ توت لعدم التوضيح التفصيلي فكان الرأي السابق بموضوعي طبقا لمعرفة خالي بسواقتي الشخصية .

يا باشا مفيش أي مشكلة و حضرتك على رأسنا من فوق .
أنا كنت بوضح أهمية عوامل الأمان بعيدا عن المقارنة بين العربيتين .

أنا لي نصيحة .
أدام أنت أكتر سواقتك داخل القاهرة و ما أدراك زحمتها زي ما أنت قلت .
طيب ما تفكر في عربية أصغر في الموتور و توفر البنزين !!

و عندك الكيا ريو ........ مثال كويس لعربية موتورها صغير ..... و موفرة في البنزين ..... و برضه كيا تبع هيونداي .

**abohalmos** · 08-09-2009 01:54 PM

الاخوة الاعزاء : بعد التحية

بالنسبة للالنترا مانوال اللى هيا اول فئة ...... هل فيها ايرباج و ABS ........دلوقتى و سعرها كام ؟؟؟؟؟؟؟

**Ahmed.TV** · 08-09-2009 02:10 PM

مشكور على المقارنة وبالنسبة الى الاختيار لو حصره بين الاتنين دول يبقا الالنترا افضل بالتاكيد وتوكل على الله ومتنساش التقيم لما تشترى عشان الاخوة فى المنتدى يستفادوا

-

-

الموضوع: بخصوص مقارنة الالنترا و البيرسونا

LinkBack

أدوات الموضوع

عرض

-

-

-

-

المواضيع المتشابهه

مقارنة بين البيرسونا والنيسان صنى 2011

مقارنة مبيعات الجين2 vs البيرسونا ؟

بخصوص مقارنة الالنترا و البيرسونا

مقارنة بين السوزوكيsx4 و الالنترا

الكلمات الدلالية لهذا الموضوع

المفضلات

المفضلات

ضوابط المشاركة