الموضوع: انا عملت حادثة

الف سلامة عليكي يانور
انا اسفة والله لسة شايفة الموضوع حالا

المهم انك بخير وولادك بخير والحمد لله.

عموما احييكي علي تصرفك مع سواق التاكسي وان شاء الله يطلع انسان محترم ويقدر تصرفك النبيل معاه خصوصا انك بتقولي معندهوش اضرار.
عموما حمد الله على السلامة مرة تانية واعذريني بقالي كتير مش بدخل المنتدي فمشفتش الموضوع غير دلوقتي بالصدفة.

شكرا رنا .. شكرا نور العمر .. شكرا مسلمة
ربنا يخليكوا
الموضوع لسه النهاردة يا رنا من كام ساعة كدة

ميرسي على ردودكم
انا خلاص هديت ونسيت الموضوع
كنت مشدودة وقتها بس

حمدا لله على سلامتك يا قمر

المشاركة الأصلية كتبت بواسطة نور القمر

شكرا للجميع على مشاعركم الطيبة
انا عارفه ان اي اضرار في العربية مش مهمة مدام اولادي بخير الحمد لله
بس معرفش المرة دي متضايقة اوي ومخنوقه بجد
طبعا الناس اتملت عليا لان صوت الخبطة كان جامد
وفي ناس شوفت على وشوشهم ابتسامة غريبة ونظرات شماته مع اني مفيش بيني وبينهم اي تعامل ولا صلة لا بالخير ولا بالشر
انا كنت هعيط من نظراتهم ومسكت نفسي قدامهم
بصراحة ملقتش غير نايل موتورز ادخل افضفض فيه من الخنقة اللي انا فيها

انا نزلت بصيت على العربية تاني لقيتها محتاجة سمكرة من يمين الفانوس

اولا لازم حضرتك وانتى بتسوقى تهتمى بالجانب اليمين مش الشمال بس لان كل البنات تقريبا كدا وحصلت معايا كتير ولولا انهم جمال مكنتش سكت ثانيا فيه ناس بتحب تشوف ناس زععلانه وفى مشكله علشان تتبسط دول نفضيلهم ثالثا انا بشكرك انك مطنشتيش وكمان تعبتى نفسك وروحتى لصاحب العربيه ديه قليل اوى مبتحصل انا ساعات بقوم الصبح الاقى العربيه المركونه فى امان الله مخبوطه بس مبسكتش وبجيب الخبطها الا لو كان يعنى واحد غريب واهم حاجا حمد الله على سلامتك انتى والاولاد