الموضوع: انا عملت حادثة

ألف حمد لله علي سلامتك و سلامة أولادك يانور و فداكي كل عربيات نايل موتورز و معرض أوتوماك كمان
و لا يهمك مهما كانت الخبطة و الاضرار تتصلح لكن المهم أنتي و أولادك بخير , و لو فاكرة منظر عربيتي بعد الحادثة كانت عاملة أزاي هاتعرفي ان أي حاجة تتعوض الا البني أدم

قدر الله وما شاء فعل و عسي أن تكرهوا شيئا و هو خير لكم

ألف سلامة عليكي وعلى الاولاد ..
ويارب كلنا نكون زيك كده والي يعمل حاجه حتى لو حد مش شايفه يدور على صاحبها ويراضيه ..
وانا بحب الكلمة بتاعت الاعلان الارشادي الي بيقول

هذا هو ديني .. هذه هي حياتي ..
خالص احترامي ليكي وحمد الله ع السلامة .. وتحت امرك في اي مساعده في حاجه محتاجاها للعربية

بحييكى على تصرفك اللى قلما نجده هذه الايام

ألف حمد لله علي سلامتك و سلامة أولادك
و ربنا يكفيكى شر الطريق

انا برضه لسه برضه مخبوط الاسبوع اللى فات كنت نازل اجازة لمصر و فى طريق الموقف الجديد واقف فى اشارة و لقيت اتوبيس راح خبطنى من ورا انا قلت له انت اعمى مش شايف ان الدنيا واقفة

قال لى معلش اصل الفرامل سابت منى و ما لحقتش الم نفسى و لقيت ناس مش عارف جت منين و كله الحمد لله يا استاذ انك بخير و انها جات فى الحديد و كله يتعوض المهم انت و الولاد و الذى منه

و الحمد لله ردتها على البارد ب 50 جنيه

اللى يغيظ ان الراجل اللى فرامله سايبه بمجرد ما سبته راح جارى زى الطيارة

هنا بصراحة اى خبطة مهما كانت بسيطة لازم تتصل بالشرطة علشان تثبت حقك سواء كنت غلطان او ما كنتش التامين بيغطى كله و ممنوع اى ورشة تصلح الا بمحضر شرطة رسمى

فحتى لو اى واحد راكن عربيته عمره ما يرجع يلاقيها مخدوشة و لا مخبوطة
اتمنى من كل قلبى ان فى يوم من الايام نبقى زى كده و الناس تخاف على بعضها

الف سلامة لكِ ولأولادك .. وتصرفك حضاري وينم عن ضمير وأخلاقيات عالية (مصر هاتفضل بخير طول مافيها من أمثالك ذوي الضمير الحي)

شماتة الناس وترصدهم لأخطاء السائقات دي عاوزالها أبحاث ومراجع عشان نحلل الموضوع ده في مصر بالذات .. بجد حاجة غريبة جداً.

حمد الله ع السلامة

المشاركة الأصلية كتبت بواسطة aif

الحمد لله قدر الله وماشاء فعل
بعض الناس بيبقو قليلين الذوق والتقدير لشعور الغير بتلاقيهم فيهم نوع من الشماتة الغير مبررة لمجرد ان اللي سايق واحدة ست ... على افتراض ان الستات غلطانين على طول الخط ...
لكن بالمقابل ح تلاقي ناس محترمة وبيقفو جنبك في المواقف دي ....
المهم خلي اعصابك في تلاجة ..... والموضوع آخرة شوية تلفيات وح تتصلح بإذن الله
...

العربية كلها فدا أظافر اولادك ..... الحمد لله ع السلامة
سيبك منهم وخليكي مع اخواتك ف نايل موتورز ....

الحمد لله و ربنا سترها , حاولى تطلعى حاجة لله و بزيادة , و الناس معادن اهم حاجة التماسك .