الموضوع: حوار من القلب للقلب - الجزء الثاني

المشاركة الأصلية كتبت بواسطة A7MED_PHARMA

من هو العميل القادم
أسئلة كثيرة
أسئلة مثيرة
أسئلة خطيرة .. تنتظر

إنتظرونا













مع
......

ضيف الحلقة
شيف الطبخة


ألا وهو

















.
koshary

العضو البرونزي
نلحقه قبل مايصدي مننا

ماتخافش ياكبير عمرى مابهرب من المواجهه

.
الأسئلة كالأتي

.
1. إسم وسنك وعنوانك .. ورقم حساباتك في البنوك والرمز السري

محمد جلال قربت عال19 ساكن فى حدايق الاهرام وحاليا قاعد فى بيت جدى فى الكيت كات لظروف الدراسة ...... وقاعد مع جدى انا وهو بس

2. شايف نفسك شخص طبيعي
طبيعي يعني تقليدي زي بقيت خلق الله..وللا ليك دماغ مختلفة

تقليدى عادى بس بحب اقعد لوحدى وافكر مع نفسى كتيييير بحب اساعد الناس كلها بصرف النظر عن مقابل بس احيانا الناس بتفهمنى غلط .......

3. متجوز ؟؟ لو مش متجوز يبقا ماتجوزتش ليه ؟
لو متجوز ... إيه الي خلاك تغلط الغلطة الكبيرة دي ؟ وياتري هتصلح غلطتك دي إزاي ؟

انا خاطب متجوزتش علشان اما اخلص بقية دراستى بالنسبالى مش غلطه لان البنت دى متربيين مع بعض وعارف اخلاقها كويس وطول عمرها قدامى مادام فى تفاهم مابينى ومابينها وشخصيتها هاديه مثلى هيبقا فيه خلاف ليه يعنى وربنا مايجيب خلاف ........

4. روحت التحرير............... في أي يوم من أيام الثورة ؟
لو روحت .. روحت ليه ؟
لو ماروحتش .. ماروحتش ليه ؟

روحت يوم احداث محمد محمود كنت عاوز انزل اشوف التلاحم اللى بيقولو عليه بين الشعب واخلاق الميدان والكلام الكتيير ده نزلت الميدان لقيت ناس مرميه فى الارض وناس بلطجيه يخبطو فيك وناس ماسكه عصى واى حد غريب شكلو غريب يعنى يمسكوه يقلبوه ويطلعو عيشتو معجبنيش الحوار دخلت من الشوارع الجانبيه اتفرج لحد ما عنيا تعبت وكان هيغمى عليا من القنابل المسيلى للدموع رجعت يومها قابلت صحابى فى الاسعاف وكملنا يومنا عادى وندمت انى نزلت التحرير

5. بتخاف ؟

بخاف لو معايا ناس بخاف عليهم مبحاولش يجيلهم اى ضرر واحيانا بخاف على نفسى لو مكان فيه ضرر ليا مبروحوش ولو روحتو ببقا حزر جداااااااااا ....... مبخافش من اى حاجه طبعا غير ربنا سبحانه وتعالى

6. يهمك رأي الناس فيك ؟

ميهمنيش رأى الناس اهم حاجه شخصيتى قدام نفسى لان فى ناس كتير بتفهمنى غلط لانى علطول ببقا لوحدى مبحتكش بشخص الا لما هو يتكلم معايا

7. إمتى ممكن تقعد تعيط ؟ إيه الي بيخليك تبكي ؟

اليوم الوحيد اللى عيطت فيه يوم وفاة ستى كنت يومها بايت عندها فى الشقه وكانت تعبت جدااا وسر الاله طلع وانا جمبها قعدت اعيط جداااا وانهرت لان الموضوع حصل فجأاااه وطبعا كلمت بقيت اهلى كنت رحت جبت دكتور وجيت كانت هى اتوفت .....
غير الموقف ده ماظنش انى عيطت ابدااا

8. لو الناس متقسمة فصيليتن(الذئاب , الخراف ) تحط نفسك في أنهي فصيل

اكيد الخراف لان مبحبش اظلم حد او افترى على حد الا لو كان ظلمنى واكل حقى وساعتها بفضل اجيب حقى بأيدى بس لما اتأكد ان كل اللى حواليا مدعمين لى

انا ماقصدش بالخراف انها سبة ..انا اقصد المعنى المجازي منها

فاهمك ياعزيزى

9. ممكن في يوم تضحي بحياتك علشان بلدك بدون مقابل ؟

اكيد طبعا نفسى فى اليوم ده

10.هتنتخب مين لرئاسة مصر ؟

لحد الان مفيش حد ممكن انتخبو

11. لو قلتلك هتسافر تقعد في خيمة لوحدك في صحراا لمدة أسبوع...هتاخد إيه معاك؟

هاخد معايا المصحف الشريف ومصليه ولاب توب وبوتجاز رحلات وشاى وسكر واكل وطبعا لبس بسس وممكن عربيتى معايا اخد شوية قطع غيار اقعد اصلح فيها طوال الاسبوع

ولو لمدة سنة .. هتاخد إيه معاك ؟ بخلاف الاكل والشرب طبعا

اخد مراتى ووالدى ووالدتى

12. أخر مرة أبوك ضربك كان إمتى ؟((إوعى تقول عمره ماضربني))

كنت فى ابتدائى خرجت من المدرسه من غير ما اروح مع الداده روحت محل كشرى وقعدت اكل طبعا قبليها قعدت اتمشى شويه وجالهم الخبر فى البيت انى مروحتش مع بقيت صحابى وقعدو يدورو عليا وانا قاعد فى محل كشرى باكل وشايفهم رايحين جيين ونزلت قولتلهم انا كنت باكل كشرى فى الدور الثانى وشايفكم ساعتها اكلت علقة تمام ومن ساعتها وامتضربتش بعديها هههههههههههههههه

13. الحلم الي كان نفسك فيه.وانت عارف انك عمرك ماهتوصله

نفسى اشوف البلد دى فى احسن حال وشايف ان عمرها ماهتتقدم والحلم الشخصى نفسى اكون عايش فى وسط ناس بتحبنى وبتخاف عليا وبتخاف عليهم مش محتاج اى حاجه تانيه

14. ليك مثل أعلى ؟

الفيلسوف سقراط

15. حصل قبل كده إن حد شتمك أو هزأك لأي سبب...وإنت تقبلت كده وسكت ؟

لا طبعااااااااااا

16. بتشغل ايه على الكاسيت وانت راكب عربيتك ؟

اول مابركب بشغل القرأن وبعدين تامر عاشور ومحمد فؤاد وام كلثوم مبسمعش حد غيرهم

17.شخصية الكارتون الي بتحبها أوي ؟ وإشمعنى الشخصية دي بالذات ؟

شخصية ادد لاعب البوكيمون فى كارتون البوكيمون الاعب المصارع بالبوكيمونات

18. أخر مرة إتخانقت كان إمتى .. وكان إيه سببها ؟

من اسبوعين مع سواق توكتوك وقلبتلو التوكتوك علشان خبطلى الرفرف وعارف انو غلطان ونزل شتمنى وانا دمرتو ساعتها

19. عربية أحلامك إيه ؟

مش طموح عالى بس نفسى اركب هوندا سيفيك sir بس على قد بلدنا مينفعش اركب حاجه عاليه مقدرش اجيبها

20. الفرخة الاول ولا البيضة ؟

مش فاهم سؤال بس ممكن الفرخه لانها اللى بتجيب البيض فكرتنى بمثل لا تعطنى سمكه لاكن علمنى كيف اصطاد

المشاركة الأصلية كتبت بواسطة a7med_pharma

محمد جلال..............

بص ياجميل
الفرخة الاول وللا البيضة ...احم احم احم

بص
دي معناها سؤال((مين الي اتخلق الاول ..الفرخة ولا البيضة ؟ ))
وده بيتقال لما يكون فيه خلاف بين أمرين....مين فيهم الاصح
فبيتقال مثال الفرخة ولا البيضة

.
انا كنت في مسجد عمر مكرم في أحداث محمد محمود
وقتها كان الغاز المسيل صعب جداا لدرجة انه وصل من محمد محمود..لحــــــــــــد عمر مكرم

إشمعنى شخصية البوكي مون دي ؟

انا بحب كابتن ماجد ومازنجر على فكره ههههههههههههههههههههههههه هه
ماهي دي كانت أول أفلام كرتون شوفناها في حياتنا

.
وشخصية تانية بتاعت ماوكلي ... عارف مين ماوكلي ؟
وشخصية الفيل الي كان عمدة البلد بتاعتهم... مش فاكر اسم الشخصية ولا اسم المسلسل

وحبيب قلبي .. ديبوووو
عارف مين ديبو ؟
ههههههههههههههههه

حبيبى ياعم احمد والله بس انا بطبعى بحب المغامره والراجل ده كان مغااااااامر جداا علشان كدا حبيتو وحبيت اسلوبو فى المغامره وازاى يستخدم البوكيمونات اللى معاه وقت اللزوم حسيت بالكرتون ده انى تحت ايدى مسميات وحاجات حواليا لازم استخدمهم صح علشان حياتى تنجح فهمت قصدى ياكبير