الموضوع: حوار من القلب للقلب - الجزء الثاني

ده واضح شعبيتك الطاغية و حب الأعضاء الرهيب داحنا بقالنا سنة ماحدش هوب ناحية اللينك

المشاركة الأصلية كتبت بواسطة نور القمر

عدنا بعد رحلة شاقة لجوانتانامو ههههههههههههههه قعدين تطلعوا عليا اشاعات اني مفترية وانا اغلب من الغلب الله يسامحكم

انتي عسولة خالص مين قال مفترية

النهاردة معانا ضيفه جديدة اكتسبت شعبية كبيرة في المنتدى بسبب روحها المرحة وموضوعيتها في المناقشات الجادة ده غير مآسيها مع اللي متتسماش السفنتينا هانم
رحبوا معايا بضيفتنا الجديدة
نور العمر

إيه كل الكلام ده
ده كتيير عليا قوي
شعبية إيه بس بسبب روحي المرحة
ده انا ام النكد في المنتدى
ومبقاش حد بيحب الجد قوي كدة
خاليكي فرش
....*
ومن كتر ما الاعضاء تعبو معايا من حركات السفنتينا
وقفت حلقاتها قلت كفاية عليهم كدة
........
أشكرك على ترحيبك الجميل ده
وانت دايما مضيافة

نور العمر ممكن في البداية تعرفينا بنفسك
انثى
مسلمة
مواليد السبعينات
اعمل
زوجة
أم

نور مع اني عارفه سبب اختيار للنك نيم نور العمر بس ممكن نعرف السبب مع كل الاعضاء
ده اختصار مربوط باسم أطفالي نور وعمر
وهما بالنسبالي نور العمر كله

نور واضح من مشاركاتك انك اجتماعية هل انتي في الحقيقة اجتماعية ولا بس من وراء الشاشة زي حالاتي

بحب النااس الطيبة .. بس أكيد مريت بتجارب صعبة في معادن الناس
أجبرتني التمس الحذر ... بس مفيش فايدة
بتإذي كتيير ... وبسامح

نور بتهتمي بالموضه .. ولا بتهتمي بالمناسب ليكي

بحب البس شيك عموما بقدر الامكان
ومش بمشي على الموضة بحذافيرها
المناسب لي في المقام الأول وأكون مقتنعة بي
ده مهم عندي قوي

نور ممكن جملة موجزة عن الاتي
الرجال
هم سبب في اثنين
السعادة او الشقاء
الاطفال
أحباب الله
واحباب قلبي
الحب
من غيره الدنيا غابة غابة غابة
الزواج
حياة كلها مسئولية وتضحية
العمل
من غيره لا معنى لوجودي
لا اكتفي بدوري كأم او زوجة
دي مشكلة صعبة جدا فيا
شغلي هو سبب استقرار حياتي
بدونه تنهار الحياة
وربنا يستر
السيارات
عالم جديد
سعيدة اني دخلته
من قلب نايل موتورز
الاصدقاء
عملة نادرة

نور طبعا مفيش انسان خالي من العيوب والكمال لله وحده سبحانه وتعالى
هل بتعترفي بعيوبك امام نفسك وبتحاولي تصلحيها
طبعا بلا شك
وأنا من النوع القاسي جدا على نفسه

لو شخص واجهك بعيوبك ردة فعلك ايه .. ياترى بتهاجميه بعيوبه هو كمان .. ولا تلتزمي الصمت .. ولا تبكي
حسب الموقف .. لو عاوز ينتقد لمجرد الانتقاد مش عشان ينصحني ويوجهني للأفضل
أكيد بواجهه بعيوبه ... عشان كتير فاقد الشيء لا يعطيه
ساعات بلتزم الصمت لما أجد لا جدوى من الجدال
وساعات ببكي لو صعبت عليا نفسي
امته بتكوني قريبه اوي من ربنا سبحانه وتعالى

ربنا في بالي في كل لحظة
دايما بفكر فيه .. وبخاف من غضبه .. وعلاقتي به سبحانه وتعالى علاقة غريبة شوية
بلتمس الحكمة والرسائل منه سبحانه وتعالى في كل وقت وحين
ومقدرش استحمل احساس انه ممكن يكون غضبان عليا
غفرانك اللهم ورحماك

هل دموعك قريبه .. وايه اكتر حاجة تبكيكي ؟؟

دلوقتي بقت قريبة وقريبة جدا
ثلاثة يبكوني عمري كله
الجحود والقسوة والظلم
ومستحملش اشوف
موقف صعب لطفل صغير
أو ام ملكومة
او شيخ مسن

ايه افضل نصيحة وجهت ليكي وهل عملتي بيها ولا لأ

الصبر
وبتعذب معاه جدا
ولو نجحت فيه شكلا بكون فاشلة موضوعا

ماذا تعني لك الحياة

اختبار تقيل قوي على القلب
ربنا يعدينا منه على خير

ياترى سعيدة بشغلك

سعيدة إن بشتغل
لكن مش لاقية نفسي في الشغل
بيموت أي طموح او افكار أو حداثة
بعافر
وربنا معايا
ايه رأيك في الزواج المبكر للبنت وقبل ما تكمل تعليمها

مرفوض مرفوض مرفوض يا بنيتي

بتحبي الوحدة ؟؟.. وامته تكون اختيارك ؟؟

أنا دايما لوحدي حتى ولو في وسط الناااس
بختارها لما أكووون في قمة الحزن لإن محدش بيقدر يهون عليا
ومحبش أدايق حد معايا

مرسيه على الورد الجميل ده

نور نتكلم شوية عن نايل موتورز
ايه اللي شدك في المنتدى وياترى وصلتي لمرحلة الادمان
شدني تقسيماته وأي نوع عربية عاوزة تعرفي عنها أي حاجة تلاقي كل حاجة ممكن تتخيليها
وبعدين اتشديت للاجتماعي بعد 6 شهووور من دخولي المنتدى
وعن طريقه اتعرفت على ناس كتيير حبتهم في الله
وحسيت إن في بيت وعيلة ولمة وصحبة وراحة
فأدمنته شر إدمااان
مفيش منتدى تاني في حياتي
تقريبا
ممكن 5 اسماء لاعضاء هنا بتهتمي بقراءة مواضيعهم بشكل خاص

خمسة بس ... دووول كتيييير قوي يا نووور
ده لو دخلتي بس حكايات البشر حتلاقي 4 ( مسلمة - وبوب3 - وأشرف فتحي - وزهير فكري ) وغير كدة طبعا - نور القمر - علا عثمان - بسكوتة - سبعاوي - المهندس سمير عياد
AIF - BEE - وشنوري - وكفراوي - مؤمنة
وغيرهم كتييييير .... حرااام أنا زهايمر
5 أسماء لاعضاء قريبين من قلبك
طب ليه الاحراج ده
أنا بحبكو كلكو
حلقة مين عجبتك اكتر حاجة
بسكوتة
مش حاسة انك بقيتي مجنونة اكتر بالعربيات بسبب نايل موتورز؟؟
ده حقيقي
ياترى لو ربنا رزق بفلوس كتير هاتشتري عربية ايه؟؟
مش طماعة قوي
اتمنى بيكانتو على الأقل
هل نايل موتورز اثر عليكي بالسلب في جزئيات معينة؟؟
أخد من وقتي كتيير - مش بتصفح تقريبا على النت بسببه
هو بيجبلي كل حاجة جاهزة لحد عندي
هههههههههه

معظمنا عندنا فضول نشوف بعض لكن في حاجات كتير تمنع ده
ياترى انتي عندك الفضول ده؟؟ وتتمني تشوفي مين (( عايزة 5 أسماء))

أتمنى أشوف الراس الكبيرة طبعا هههههه
والله كتييير نفسي اتعرف عليهم يا نور
انا شوفت تلاتة على الحقيقة
غيرهم
أتمنى أشوف مسلمة
وعلا عثمان
وبسكوتة

يبقا كدة ستة
3 شوفتهم وتلاتة لسة

مرسيه على الورد
كلك رقة وجمااال

الحمد لله عدت الأسئلة على خير
ووبصراحة كنتي حونينة عليا

عقبال الباقي