الموضوع: حوار من القلب للقلب - الجزء الثاني

انا جيييت :) ..

معلش بس اصلي مش متابع اوي ..

انا جاهز :)

في الانتظار :)

في البداية ممكن حضرتك تعرفنا بنفسك اكتر يعني اسمك سنك شهادتك وظيفتك الحالة الاجتماعية .........الخ
كريم هشام محمد ..٤٠ سنة .. خريج هندسة القاهرة عمارة .. اعمل مدير قسم الIT في مكتب شاكر للاستشارات الهندسية .. متزوج و عندي ولدين

كريم ايه مفهومك للسعاده .. وهل تشعر بانك سعيد؟؟
السعادة عندي = راحة .. طول مانا مستريح انا سعيد :) .. و انا الآن اشعر "ببعض" السعادة

كلمة ديما ترددها على لسانك؟؟
الحمد لله على كل شئ

لكل انسان ذكريات معينة يتمنى نسيانها .. ياترى تتمنى تنسى ايه؟؟
اتنمنى اني انسى اني عايش هنا :)

ايه كتر حاجة بتحس انك مخنوق منها؟؟
الظروف الغير انسانية البنعدي فيها كل يوم

ياترى ممكن تطلع اسرارك الشخصية جدا لحد ولا بتحب تحتفظ بيها لنفسك .. ولو بتحب تطلعها لحد مين هو ؟؟؟
احب دايما احتفظ باسراري .. مش لأني بخون الناس .. و لكني شخص قليل الكلام بطبيعتي

جات عليك اوقات كنت تبكي وتضحك في نفس الوقت؟؟
مجربتهاش بصراحة :)

اختار 3صفات من الصفات التالية تنطبق عليك اكثر من غيرها
غيور خجول متسرع عاطفي كسول عصبي حساس غير مبالي دبلوماسي
خجول - غير مبالي - دبلوماسي

هل بتحب تلبس وتستخدم ماركات مشهورة ولا الموضوع مش فارق معاك؟؟
ايوان .. و ذلك لاني مش ببقى مستعد اني اشترى الحاجة مرتين :)

لو معاك 3 اوسمة هاتوزعهم عى 3 اعضاء بالمنتدى
وسام خفة الدم - وسام لباقة في النقاش- وسام مواضيع هادفه
هاتديهم لمين
وسام خفة الدم اعطيه للاستاذ شنوري بجدارة :) .. اللباقة في النقاش اعطيها للاستاذ سبعاوي .. مواضيع هادفة صعبة اوي اوي ..ممكن للاجتماعي اعطيه للاستاذة نور القمر :) .. و عن باقي الاقسام ممكن اعطيه لابو وليد .. لان مواضيعه قليلة و لكن الاسئلة البيسئلها بتبقى في الصميم ..

باقة ورد لمن تهديها؟؟
لبرنامجك الجميل و المسلي


هل مريت بهذه الاحزان من قبل وكان ايه شعورك ؟
اكيد مريت بيها .. و لكن لم اعر الموضوع الاهتمام الكافي .. لأني بطبيعتي مش رومنسي او عاطفي .. و اي شئ بيحزني برميه ورا ظهري و لذلك ال٥ اسئلة الجاية ملهاش جواب عندي :)

طيب ممكن تتوسل لها ترجع لك؟
طيب هي لسه بتيجي على بالك؟
تتمنى الايام دي ترجع تاني؟
لو شوفها صدفة في الشارع ردة فعلك ايه؟
ياترى دموعك نزلت قبل كدة بسبب الحب؟

المرأة الجميلة تأسرك ,..... والمرأة الذكية تستأثرك ......
ما رايك في تلك المقولة ؟؟؟؟

اوصف الفراق
انا ارى ان ذكاء المرأة اهم بكتير من جمالها .. و في نظري الذكاء يزيد من جمال المرأة


كريم ماذا يمثل لك نايل موتورز؟؟
نايل موتورز يمثل لي المجتمع المثالي .. الناس بتقتدم المساعدة من غير ما يستنوا اي نوع من انواع الشكر او المقابل ..

فعلا بيت تاني .. غير طبعا عشقي للعربيات .. البيشدني اكتر للمكان دة ..
عايزة اسماء 10 أعضاء اقربهم الى قلبك ((لازم اسماء))
انا هقول الاسماء على اساس الناي البحب اقرا مشاركتهم ..

-استاذ شنوري :)
-استاذ كريم منير
-استاذ سبعاوي
-استاذ ابو وليد المصري
-استاذ احمد عبد المقصود
-استاذ سمير الشهاوي
-استاذ ahmed_su
-دكتور احمد سامي
-استاذ احمد كمال
-استاذ بحري

ايه اكثر قسم بتحبه في المنتدى وبتدخل عليه اول حاجة ؟؟
قسم تويوتا :)

وهل في قسم معين بتكره دخوله؟؟
هو مش لكره دخوله و لكن في اقسام بتستفزني شوية .. بحس في الاقسام دي ان سيارتهم هي الافضل بدون نقاش :)

عايزة اسماء 5 أعضاء لو شوفت لهم مواضيع جديدة لازم تدخلها بدون تردد؟؟ وهل في اعضاء مش بتحب تدخل مواضيعهم (( غير مطالب باسماء في الجزئية دي بس ))
-استاذ احمد كمال
-استاذ ابو وليد المصري
-استاذ احمد (شاركي)
-استاذ يوكو
-استاذ كريم منير :)

و مش بحب اخش مواضيع شنوري عشان مليش في الرعب و بيجيلي كوابيس هههههههه :)

في اعضاء من نايل اتعرفت عليهم وندمت ؟؟
الحمد لله لأ .. و مظنش هتحصل

طيب في اعضاء تتمنى تتعرف عليهم ولسه محصلش ؟؟
اعضاء المنتدى كلهم ههههههههه

هل عالم النت الافتراضي وصداقات النت تُغنيك عن العالم الحقيقي
بما ان معرفش ناس كتير بتحب العربيات في العالم الحقيقي .. فالموضوع هنا مسلي جدا

و اخيرا انا احيكي بشدة على الموضوع الجميل دة ..

انا مشاركتي قليلة ..ده السيرفر اشتكي مني.
س:ما هي السيارة التي اصبحت هدفك وتعتبر الكورولا خطوة للوصول اليها؟
س2:بتحب مصر؟؟؟؟؟؟؟؟؟
اتسلي في السؤالين دول لغاية ما اجيلك.

المشاركة الأصلية كتبت بواسطة ابو الوليد المصرى

انا مشاركتي قليلة ..ده السيرفر اشتكي مني.
س:ما هي السيارة التي اصبحت هدفك وتعتبر الكورولا خطوة للوصول اليها؟
س2:بتحب مصر؟؟؟؟؟؟؟؟؟
اتسلي في السؤالين دول لغاية ما اجيلك.

ركز .. انا قلت "مواضيعك" قليلة .. مش مشاركاتك :)


س:ما هي السيارة التي اصبحت هدفك وتعتبر الكورولا خطوة للوصول اليها؟
المرسيدس c180 و لو مكنش الوضع يسمح يبقا افنسيس او باسات :)


س2:بتحب مصر؟؟؟؟؟؟؟؟؟
بص .. هو ساعة الماتشات .. بموت فيها ههههههههه .. بس بعد مانزل اسوق العربية .. برجع اشتم فيها هههههههه

لأ بحبها بجد .. بس مش عايز اعيش فيها :)

س3:نفسك في ايه تشوفه يتحقق قبل ان تفارق حياتك (اطال الله في عمرك)؟
س4:هل كان هدفك منذ الصغر ان تصبح مهندسا؟
س 5: هل انت من النوع الأنبساطي ام الأنطوائي عند تعاملك مع اناس تعرفهم لأول مرة؟