الفرق بين الوكيل وجابر عبد الشهيد

**egyprog** · 08-06-2009 03:35 PM

اعزائى......

ممكن حد يعرفنا ايه الفرق بين الوكيل و الخليجى من حيث

1- الضمان
2- الصيانة
3-الكماليات
4- السعر

**ahmadyusuf** · 08-06-2009 03:51 PM

كان فى موضوع عامله الاخ dasboot لمناقشة الموضوع ده خصوصا , و ان شاء الله حضرتك تلاقى فيه اجابات على كل الاسئله دى

الرابط :

https://www.nilemotors.net/Nile/71983-new-cerato.html

و تقبل تحياتى

**egyprog** · 08-06-2009 05:26 PM

شكرا على الرد

بس انا لما سألت الوكيل عن الضمان قالى 40000 ك او عامين والصيانة توهنى
فانا عاوز اعرف الخليجى صيانته فين وضمانه ايه ظروفه

شكرا على المداخله
تحياتى

**ahmadyusuf** · 08-06-2009 11:46 PM

هو فعلا الخليجى زى ما سمعت ضمانه كده و هو اقل من الوكيل اللى ضمانه 5 سنين او 100 الف كيلو , لكن صيانة الخليجى فى التوكيل عادى و مفيش اى مشكله

**Ahmed Samy** · 09-06-2009 01:11 AM

موضوع الفرق بين جابر و التوكيل معلوماته قديمة

انا طبعا باتكلم على النيو سيراتو الهاي لاين بالذات لأن دي اللي سألت عليها كويس

....جابر : ضمان 40 الف أو عامين (و بيقوللى أنا ممكن أغير موتور كمان) الله أعلم بقى بس مش مصدق الحقيقة
الصيانة ...مركز الصيانة في اخر مكرم عبيد
الكماليات أكتر من الوكيل حاجة بسيطة
السعر .أكتر من الوكيل بفرق شاسع 8 الاف جنيه

لو تقدر تستنى عربية الوكيل ...استناها

عموما ..دي مواصفات الوكيل ..

ودي مواصفات جابر

**a7mednour** · 12-06-2009 04:13 PM

أستاذ أحمد ... هوة كان في سؤال بما ان حضرتك شفت الهاي لاين ...انا لاحظت إن في بعض الصور وخصوصا في الهاي لاين في مكان زرارين فوق الفتيس على اليمين والشمال ... ولما دورت عليهم في المانيوال عرفت انهم تقريبا بيسخنوا الكرسيين الأماميين .. كرسي السائق والراكب الأمامي .. واسم الخاصية دي تقريبا
(seat warmer) فايه رأي حضرتك ... هل هي موجودة فعلا في كل الهاي لاين ولا الهاي لاين الخليجي ولا الاتنين الخليجي والتوكيل ... اصل انا ماشفتهمش في البروشيرات بتاع الاتنين ...
جزاك الله كل الخير وان شاء الله تستلم على خير وربنا يباركلك
الصورة على فكرة اهي علشان تكون واضحة برضه ...

**Ahmed Samy** · 12-06-2009 09:00 PM

المشاركة الأصلية كتبت بواسطة a7mednour

أستاذ أحمد ... هوة كان في سؤال بما ان حضرتك شفت الهاي لاين ...انا لاحظت إن في بعض الصور وخصوصا في الهاي لاين في مكان زرارين فوق الفتيس على اليمين والشمال ... ولما دورت عليهم في المانيوال عرفت انهم تقريبا بيسخنوا الكرسيين الأماميين .. كرسي السائق والراكب الأمامي .. واسم الخاصية دي تقريبا
(seat warmer) فايه رأي حضرتك ... هل هي موجودة فعلا في كل الهاي لاين ولا الهاي لاين الخليجي ولا الاتنين الخليجي والتوكيل ... اصل انا ماشفتهمش في البروشيرات بتاع الاتنين ...

جزاك الله كل الخير وان شاء الله تستلم على خير وربنا يباركلك

الصورة على فكرة اهي علشان تكون واضحة برضه ...

لأ يا عزيزي

الكراسي الساخانات مش موجودة لا في دي ولا في دي

انا عرفت كمان شوية حاجات ..

- العربية بتنزل في كوريا بمرايات ضم ...

- العربية موجود منها مجهزة بـGPS بس مش موجود لا في مصر ولا الخليج

- جابر عبد الشهيد ما عادش هاينزل سي دي 6 اسطوانات خلاص ...كله هايبقى اسطوانة واحدة (بيقول علشان
مالهمش لازمة العربية فيها Aux in + iPod + USB + MP3 علشان كده بيقول هايبشيل الست اسطوانات ...

- جابر عبدالشهيد بيتعامل مع مراكز صيانة كيا القديمة بتاعة وليد توفيق و بيعتمد عليها في الصيانة لكيا ..

- حاجة ظريفة كمان ...لو حطيت المفتاح الذكي ونسيته جوه الشنطة ..الشنطة مش هاترضى تقفل على المفتاح ...مش عارف مش هاترضى تقفل ازاي بس المهم انها مش هاتحبسك من غير المفتاح بره

هادور عن امكانية استيراد الGPS و المرايات الضم

**a7mednour** · 12-06-2009 10:54 PM

المشاركة الأصلية كتبت بواسطة Ahmed Samy

لأ يا عزيزي

الكراسي الساخانات مش موجودة لا في دي ولا في دي

انا عرفت كمان شوية حاجات ..

- العربية بتنزل في كوريا بمرايات ضم ...

- العربية موجود منها مجهزة بـGPS بس مش موجود لا في مصر ولا الخليج

- جابر عبد الشهيد ما عادش هاينزل سي دي 6 اسطوانات خلاص ...كله هايبقى اسطوانة واحدة (بيقول علشان
مالهمش لازمة العربية فيها Aux in + iPod + USB + MP3 علشان كده بيقول هايبشيل الست اسطوانات ...

- جابر عبدالشهيد بيتعامل مع مراكز صيانة كيا القديمة بتاعة وليد توفيق و بيعتمد عليها في الصيانة لكيا ..

- حاجة ظريفة كمان ...لو حطيت المفتاح الذكي ونسيته جوه الشنطة ..الشنطة مش هاترضى تقفل على المفتاح ...مش عارف مش هاترضى تقفل ازاي بس المهم انها مش هاتحبسك من غير المفتاح بره

هادور عن امكانية استيراد الGPS و المرايات الضم

يعني انا عاوز أفهم ... هي جات على المرايات الضم وسخانات الكرسيين ...

عموما انا والله بفكر اجيب العربية من بره بالكماليات اللي انا عاوزها ... يا ترى هيكون نظامها ايه في الجمارك ..

وسعرها هيزيد كتير ولا هيكون نظامها ايه...ويا ترى هتدخل برده الضمان ولا هيعفونا منه ؟؟؟

وربنا يوفق لما فيه الخير ... وياريت اللي عنده اخبار عن مواعيد التسليم يقلنا ...

**Ahmed Samy** · 13-06-2009 03:12 AM

المشاركة الأصلية كتبت بواسطة a7mednour

يعني انا عاوز أفهم ... هي جات على المرايات الضم وسخانات الكرسيين ...

عموما انا والله بفكر اجيب العربية من بره بالكماليات اللي انا عاوزها ... يا ترى هيكون نظامها ايه في الجمارك ..

وسعرها هيزيد كتير ولا هيكون نظامها ايه...ويا ترى هتدخل برده الضمان ولا هيعفونا منه ؟؟؟

وربنا يوفق لما فيه الخير ... وياريت اللي عنده اخبار عن مواعيد التسليم يقلنا ...

انت لو جيبتها على كتفك من كوريا ممكن تكون ارخص كتير

و في زميل لينا جاب الدايو لاسيتي اللي هيا الكروز بـ110 تقريبا

ممكن تسأله ....

بس نصيحة ...

بلاش سخانات الكراسي ده ..

بلاااش

انت اتجوزت ولا لسه ؟؟

**a7mednour** · 13-06-2009 07:36 AM

المشاركة الأصلية كتبت بواسطة Ahmed Samy

انت لو جيبتها على كتفك من كوريا ممكن تكون ارخص كتير

و في زميل لينا جاب الدايو لاسيتي اللي هيا الكروز بـ110 تقريبا

ممكن تسأله ....

بس نصيحة ...

بلاش سخانات الكراسي ده ..

بلاااش

انت اتجوزت ولا لسه ؟؟

والله يا استاذ أحمد انا سألت عن موضوع اني اجيبها من برة ... قالولي هتدفع جمارك عالية ... والا لازم تكون تاجر

وتطلع بطاقة استيراد وموال...فمش عارف الكلام الصحيح من الخطأ ...

انا ممكن اني اجيب عربية من بره بس المشكلة في الجمارك ... فياريت لو حضرتك عندك معلومات

تفيدنا...وبخصوص السخانات والله حلوة يا دكتور ... ولا ليها أثار جانبية ...
بس ايه دخلها في الزواج ...

الظاهر انها بتأثر عليه ...

عموما أخوك لسة أعزب مستني الفرج

مفيش عروسة

دعواتك يا دكتور

الموضوع: الفرق بين الوكيل وجابر عبد الشهيد

LinkBack

أدوات الموضوع

عرض

-

-

-

المواضيع المتشابهه

الفرق بين الوكيل والخليجى

الفرق بين الوكيل والخليجى

NEW Cerato مقارنة بن الوكيل وجابر عبد الشهيد(الخليجي)

(9 مارس) يوم الشهيد (( الشهيد عبد المنعم رياض))

اية الفرق بين الوكيل و الموزع ؟

الكلمات الدلالية لهذا الموضوع

المفضلات

المفضلات

ضوابط المشاركة