الموضوع: عاوزين يودونى رفح ال هى جمب اسرائيل

الموضوع بسيط بس واضح ان الموظف اللى فى المرور عندك حافظ مش فاهم

ارجعله تانى وقوله ان الشهاده سليمه بدليل ان اللى صلح التاريخ مضى وختم تانى جنبه يعنى معنى كدا انه مظبوط وبعدين ده اساسا تاريخ اليوم يعنى مش السنه ولا الشهر يفرق معاه ايه لو كانت يوم 3 ولا يوم 5 مش فاهم !!!

من راى متقلقش الشهاده سليمه بس دى غلطه قلم مش اكتر واتصلحت وكمان اللى عملها راجل بيفهم ومضى عليها تانى علشان عارف ان اللى هيشوفها بعده هيعترض على التعديل

حاول تراضى الموظف ده علشان تخلص الورقه والا هتضطر تنزل رفح علشان تجيب شهاده مخالفات جديده وبالمناسبه صاحب العربيه القديم كدا خلاص ملوش علاقه بيك

المشاركة الأصلية كتبت بواسطة dddddd

هى الغلطة فى الشهر مش فى اليوم
كانت شهر تلاتة واتصلحت خمسة وانا اصلا مخدتش بالى منها خالص وانا باخدها من صاحب العربية
لو كنت خدت بالى منها مكنتش خدتها اصلا

وكمان احنا معانا شهادة مخالفات تانية لشهر تلاتة بس اتلغت علشان عدى عليها شهر
طب احنا لو عاوزين نزور كنا زورنا القديمة ال معانا

ده ظابط اراضيه ازاى ؟ علشان يعملهالى قضية رشوة وادخل فى مصايب تانية ؟

فضلت افهم فيه وكان معايا بابا وابن عمى محامى فضلم يفهموه مفيش فايدة هو دماغه قفلت على انها متزورة

ده كان ماسك الرخصة وعمال يقلب فيها وبيقولنا ان الرخصة كمان مزورة
هو شكله بيتلكك

وكان فيه ظابط قاعد جمبة قاله عديها مفيهاش حاجة قاله لاء ومرضاش برضو

وانا قلتله العربية باسمى انا هتودينى رفح علشان غلطة قلم ؟ قالى مليش دعوة

مش عارفة بقا اعمل ايه دى استحالة انى اسافر اتناشر ساعة فى الحر ده وارجع تانى باتناشر ساعة

طب من حقى انى اشتكى ؟ ولا مش من حقى لانها متصلحة ؟
ولو اشتكيت اشتكى لمين ؟

كلمي صاحب العربيه و ابعتيله صوره من الرخصه يعملك شهاده مخالفات جديده و يبعتهالك على حسابك.

الحل التاني لو تعرفوا اي ضابط شرطه ممكن يخلص الموضوع بسهوله

انا افتكرت الغلطه فى اليوم

كدا فعلا ليه حق ميرضاش يمشى الورقه وللأسف مفيش اى طريقه تانيه للموضوع ده الا انك تسافرى تجيبى شهاده مخالفات تانيه من شمال سيناء

وربنا يستر وتكون العربيه مفيش عليها مخالفات

لو اشتكيتى الورقه مش سليمه والشكوى هتاخد وقت ومش هتجيب نتيجه وللأسف شهاده المخالفات بتتحط فى ملف العربيه وعلشان كدا الظابط مش هيرضى يشيل مسئوليتها ويوافق عليها