شكر واجب لكل العاملين بمركز خدمه ما بعد البيع

**mby** · 09-06-2009 12:50 AM

اولا اود ان اقدم جزيل شكري للزملاء الافاضل العاملين بمركز خدمه ما بعد البيع بطريق الاسكندريه الصحرواي واخص بالشكر

السيد المهندس / امر الكوفي

وكذا الشكر لجميع العاملين معه

هذا الشكر واجب علي ان اقدمه واعلنه لكم جميعا لتصلوا الي الحقيقه لان كنت ذاهب الي التوكيل وفي خيالي ان الامور والاجراءات تسير بطريقه غير مرضيه لنا كعملاء واننا لن نصل الي حقوقنا او حتي جزء منها الا بعلو الصوت والذي وضع في مخيلتي ذلك هو ما كنت اقراءه هنا من مداولات ومحادثات من واقع تجارب الاخرين مع التوكيل ولكني وجدت العكس تماما.
- اعتذر لطول الحديث ولكن مضطر لذلك لكي اوضح الامر
حينما تسلمت السياره من التوكيل كان بها بعض العيوب الظاهره وسبق ان ذكرتها لكم تفصيلا (هنا) وكان من اكبر هذه العيوب بندين هما وجود نقطه غريبه في كبود العربيه والاخري هي اختلاف شكل العتب في الجانبيين عن بعضهما.
هل تعلموا انه قد تم حل هاتان المشكلتان في صيانه ال1000 كيلو باستبدال الكبود والعتب باخرين من سياره جديده وقد تم ذلك بمجرد عرض المشكله علي المهندس/ امر فقد كلف احد المهندسين (م/ ايمن) بتولي الموضوع وظل الرجل طوال ما يقرب من 3 ساعات واقفا علي قدميه - في وجودي - لمتابعه الاجراءات من فك واعاده تركيب و تلميع الدوكو في الاجزاء الجديده حتي اصبح كل سئ علي ما يرام و تم ذلك دون اي مجهود مني او اثاره ازمه او علو صوت كما ورد في احاديث بعض الاخوه علي ان هذا هو الاسلوب الامثل للتعامل مع التوكيل كما وتم نهو باقي الملاحظات وعمل الصيانه المطلوبه وفي وقت يعتبر مناسبا للاعمال التي تمت
اما من جهه باقي المهندسين والمحاسب وجميع العاملين فان اسلوبهم في التعامل راقي جدا حتي انه عند الانتهاء من كافه الاعمال وبعد المحاسبه اعتذر المحاسب عن تاخيري معهم وهو اسلوب نادرا ما تجده في التعامل لانني لم اتاخر لديهم فقد تم نهو ذلك كله في 5 ساعات من العاشره صباحا حتي الثالثه بعد الظهر وطوال ذلك الوقت السياره كان يتم بها اعمال
ومن جهه التكلفه وهو ايضا من البنود التي دائما ما اجد احاديث بانها مغالي فيها وان لولا الخوف من الغاء الضمان لكان تم عمل الصيانه خارج التوكيل اؤد ان اقول ان التكلفه النهائيه لهذا اليوم بالكامل هي 96 جنيه سعر الزيت + 36 جنيه سعر فلتر الزيت+الضريبه فهل سعر الزيت او الفلتر خارج التوكيل اقل من ذلك لااعتقد
الافاضل اعضاء المنتدي اكرر اعتذاري لكم لطول الحديث واكرر شكري لجميع العاملين في قسم خدمات ما بعد البيع وشكر خاص لكل من المهندس امر الكوفي والمهندس ايمن

**Ayman_52** · 09-06-2009 01:01 AM

الصراحه فعلا المهندس/امر من الشخصيات المحترمه جدا جدا ... وبجد ربنا يباركله

وبشمهندس/ايمن ... راجل قمه فى الاخلاق والادب .... وخدوم جدا

يارب يكونوا كل اللى فى التوكيل مثل هؤلاء الرجال ....

الف مبروك ... وربنا يباركلك فيها يارب ويحفظهالك

تحيـــــــــــــاتـــــــ ــى

**Ayman_52** · 09-06-2009 01:25 AM

لان كنت ذاهب الي التوكيل وفي خيالي ان الامور والاجراءات تسير بطريقه غير مرضيه لنا كعملاء واننا لن نصل الي حقوقنا او حتي جزء منها الا بعلو الصوت والذي وضع في مخيلتي ذلك هو ما كنت اقراءه هنا من مداولات ومحادثات من واقع تجارب الاخرين مع التوكيل ولكني وجدت العكس تماما.

معلش حبيت اوضح حاجه

الصراحه يعنى الكلام دا حصل معايا ومع اكتر من عضو .... حته ان ممكن ماتخدش حقك كامل لو شافوك ساكت ..

بس هو نصيب حضرتك الحمد لله انو جهه مع ناس محترمه جدا جدا جدا ...يعنى احسن ناس فى التوكيل فعلا ... ويارب ماتقبلش الاسلوب التانى اللى الناس كانوا بيشتكوا منه...

تحيــــــــــاتـــى

**ahmad alshaaer** · 09-06-2009 03:59 AM

دي اخلاااااااااق مهندس ااامر
وهو اخونا في التوكيل
ربنا يجعل كل ده في ميزان حسناته

تحياتي

**dya2008** · 09-06-2009 08:48 AM

معلش يا اخي عايز اعرف نوع الزيت اللي ب 96 جم ؟
موبيل1 لل3000 كم ؟

**tutankhamoun** · 09-06-2009 10:11 AM

أولا أحب أشكرك على نقل التجربة الأيجابية مع التوكيل كما نقل الأخوة قبلك تجاربهم السلبية .

أحب أنوه على حاجة مهمة جدا يا جماعة ........ مفيش أحسن من الأدب و الأحترام لأستخلاص الحقوق ....
يعني الواحد يروح يطلب حقه بكل أدب و بكل أحترام و صدقوني بنسبة 99 % هايرجع حقك إن شاء الله .

و خصوصا ان المهندس آمر الكوافي ربنا يباركله لا يتأخر أبد عن مساعدة أي منا لحل أي مشكلة تظهر في أي سيارة .

الشئ الأخر اللي أحب أنوه عنه .
أن اللي بيروح و عنده مشكلة ....... و يرجع من غير حل .
هاييجي هنا و يقعد يشتم في التوكيل للصبح ......... طبيعي يعني مش هاييج يقول أن التوكيل عسل و لبن ......... و الدنيا جميلة .
بس الأغلب ان أغلب الناس ........ بتردد كلام غيرها من غير تجارب شخصية و ده مُلاحظ أوي مع ناس كتير أو في مناقشات المنتدى يعني كمان تلاقي ناس أصلا مش معاها العربية و بتدخل معانا في مناقشات عن مدى كفاءة التوكيل من عدمها .

و بصراحة في التوكيل أي قطعة تالفة بسبب عيب صناعة بيتم التغيير فوريا و بدوأي مناقشات ووجع دماغ .و بصراحة في أغلب الأحيان ..... التوكيل من نفسه بيغير على طول حتى بدون سؤال العميل للتغيير و ده لما بيكتشفوا ان العيب عيب صناعة .

و من هنا أنا كمان بحب أشكر المهندس آمر الكوافي و الفريق المعاون له في ارضاء عملاء بروتون اللي هو أحنا .........

مع كامل التحية لهم جميعا ........ و أعانهم الله على عملهم .

و شكرا و السلام عليكم و رحمة الله و بركاته