التكييف فى السويفت بين الحقيقة و الخيال

**fire333works** · 09-06-2009 12:05 PM

السلام عليكم ورحمة الله وبركاته

قبل أى حاجة بشكر جدا جدا أعضاء منتدى السوزكى لأنى والله لقيت ناس بتفهم أكتر من ميكانيكية فى العربيات دى ...وخصوصا إن السوزكى مش أى حد يفتى فيها ...

مشكلتى هى التكييف

حد يقولى بالله عليكم تكييف السويفت كويس ولا لأ ..حتى هذه اللحظة أنا صارف على التكييف مايقارب من 1200 جنيه ((عندى سويفت موديل 97) ..ولا جديد التكييف ضعيف جدا بالعافية يشتغل فى العربية ربع ساعة
وتيتدى العربية تبطل منى كل شوية و تبقى العربية بتموت منى ...بالإضافة إنه مش قوى يعنى بالعافية بحس بنسمة برد منه برغم إنى شحنت مرتين و جايب مكنة جديدة ..ورايح لناس بتصلح تكييف يقال إنهم أجمد ناس فى السوق

فسؤالى ..التكييف بتاع السويفت هو كده يعنى ؟؟ ولا أنا بيضحك عليا والتكييف ممكن يبقى 100 100 ..لو حد يعرف يساعدنى بشخص يثق فيه فى تصليح التكييف يبقى جزاه الله خيرا

حلم حياتى يا جماعة أنزل من العربية مش غرقان عرق وكأنى نازل من أتوبيس نقل عام

**josephedward** · 11-06-2009 12:21 AM

انا معايايا سويفت 94.... Gl لو تفتكر دي كانت مانيوال و تكييف فقط... لأن والدي موسوس و لا يثق في الزجاج الكهرباء ولا السنتر لوك... وكدة كدة هايلف يأكد على كل الأبواب كل ماينزل منها....
المهم.... التكييف عندي حلو لو مسافر و مافيش شمس مباشرة.... اما لو جوة البلد مع شمس مصر الجميلة يبقى اطفيه وافتح الشباك اهون لأن العربية بتبقى صوبة زجاجية فعلا....
و لازم اكبس كام مرة بنزين عشان يسقع بسرعة.... موضوع انها بتبطل دة كان بيحصل معايا من فترة بس أظن طلعت الكهربا واطية شوية....

**aymoonoo** · 12-07-2009 08:08 AM

والله انا عندي مش بطال مع انه لما يكون في شمس لازم اشغل المروحه عاللأخر عشان يديني اداء غير كده ممكن اخليه على التاني

**nav man** · 14-07-2009 10:53 PM

دة مشكلة اللي اتلعب في التكييف بتعة انا فشلت اني ارجعة زي الاول يعني في التسعينات واوال ال 2000 ابتدي من 2004 يبوظ وطبعا ناس كتيرة لعبت فية واخيرا واحد قالي ان العربية مش هتستحمل التكييف كفاية عليها كدا, قولتلوا شكرا وسبتة , اخر حاجة هعملها وبجملت التكليف اني هروح للتوكيل وربنا يستر, اة انا كنت مدوم علي الصيانة لغيت 2006 ووقفت.