الموضوع: تحذير من التعامل مع محل إكسسوارات جوو اكسيسوريس

انا محمد عثمان صاحب محل جو كار اكسسوريز و قريبآ جدآ بمشيئة الله افتتاح فرعى الثانى جو كار تيونينج مش عايزكم تتسرعوه وتقولوه ده داخل يعمل دعايه لنفسه زى ما سمعتوه الموضوع من طرف واحد و اتسرعتوه فى الحكم عليا انا بس قصدت ابدأ كلامى كده عشان اقول للناس اللى بتهاجمنى انى الحمدلله ناجح اوى فى شغلى و ليا زباينى اللى عارفه مين هو محمد عثمان وده طبعآ بفضل الله و الدليل انى بفتح فرع تانى و تالت ولو انا زى ما بتقولوه كده ما كانش زمانى طولت ولا وصلت للى وصلتلوه و خصوصآ فى المهنه دى لأن مفيش فيها اكتر من المنافسيين و مش جاى ادافع عن نفسى لأن ربنا وحده هو اللى عالم انا اد أيه براعى اكل عيشى اما بالنسبه للموضوع اللى كاتبه الأستاّذ اللى حصل فى كلأتى و ربنا يشهد على كلامى جالى الأستاذ المحل ونا مكنتش موجود اصلآ و كان معا شخص تانى وقبلهم واحد بيشتغل معايا طلبوه منه تويترات ماركة جى بى ال جبهالهم و لأن الشخص اللى بيشتغل معايا ده كان جديد فى المحل ف أتصل بيا عشان يسألنى عل السعر فقولتلوه 300 جنيه هما حبوه يفصلوه فقلت للولد اديهونى كلمتوه و عرفت ان ال شخص اللى كان معا ده كان بيشتغل فى شركة جى بى ال فى دبى و على كلامه ان التويترات دى تمنها 175 درهم اماراتى على اساس انه شغال فى الشركه هناك وطبعآ ده ما يعادل 270 جنيه مصرى فحسبتهملوه 275 جنيه مش 300 زى ما بيقول و طبعآ مش فارقه كتيير بس انا بوريكم ان دى اول كذبه؛طبعآ استغربتوه ازاى هى تمنها 270 بره فى دبى بكلامه ونا ببيعها ب 275 يعنى الخمسه جنيه دى مصاريف شحن ولا جمرك ولا مصاريف سفرى ولا ايه بس انا فيا طبيعه بحب اكسب زبونى بذات اللى داخلى لأول مره وممكن اتساهل معا لدرجة انى فى اوقات ابيعلوه الحاجه بتمنها وده عشان عايزوه يجيلى تانى و تالت مش لازم اكسب منه من اول مره ده اسلوب تجاره يعنى المهم انا قفلت التليفون وهو دفع ال فلوس للبياع و خد الحاجه،لدرجة ان الولد اللى شغال معايا عاتبنى قالى الناس دى كانت هتدفع 300 و مبسوطين ليه خصمتلهم كده قولتلوه انا عارف بعمل ايه،الولد اللى باعلهم سألوه انتو بتركبوه و لأنه جديد و معندوش خبره فى الكلام فقالهم احنا مبنركبش بس فى ورشة كهربه فى اخر الشارع معرفش يقولهم ان الصنايعى ده شغال معانا و كل تركيباتنا عنده يعنى الورشه دى شغاله لحسابنا فطبعآ الأستاذ معجبوش كلام الولد وده حقه محدش يقدر يعترض و قالوه انا هركب عند الصنايعى بتاعى،راح حضرتوه عمل نفسه بروفيسير صوتيات وركبوه هو راح موصل التويتر على ال جى ام طبعآ التويتر مستحملش خرج ال جى ام ف طير ال كويل بقى يشتغل ويفصل لما شاف كده موصلش التانى طبعآ و جالى؛لما شفت التويتر و سمعت منه من خبرتى عرفت الموضوع كله حصل ازاى بس مقفلتش الباب فى وشه لأنى مش عايز اخسروه و لأنى بحب افضل مع الحاجه للنهايه فقلتلوه حضرتك سيبهوملى و سيبلى رقم موبايلك و انا هخدهم معايا ونا مسافر و ارجع لمصنعهم لأنى انا بشترى زيى زيك و المصنع ما بيدييش ضمان على اى سماعات عمتآ و اكيد الأستاذ صاحبه اللى كان شغال فى الشركه عارف ده بس انا قلت احاول رغم انى متأكد انها محاوله فاشله لأن حتى لو فى ضمان فى برده سوء استخدام و حاولت فعلآ احلله الموضوع وفشلت زى ما توقعت و الناس قالتلى زى ما انا استنتجت بظبط فكلمنى لما رجعت قلتله ولهى اللى حصل كذا كذا و حضرتك ادات للتويتر ده باور زياده هو اللى عامل كده قاعد يزعاء فى التليفون اكتر من 3 دقائق متوصله بيحاول يقنعنى بأى كلام و انا عندى شغل وهو مش عايز يقتنع بكلامى يعنى لو انا كذاب الفنى اللى شافهم كمان كذاب! المهم عشان اعرف اشوف شغلى و اقفل التليفون قلتلوه حضرتك نهاية الكلام همه معليهمش ضمان و قلت لما ييجى احاول اقنعوه وجهآ لوجه بعيدآ عن الموبايل طبعآ جالى متحامل عليا و قعد يزعاْء كعادته قالى اديهونى و قاعد يغلط فى وسط محلى وسط عمالى و محدش قالوه كلمه،فوجئت بى كاتب عل جروب الخاص بالمحل عل فيس بوك و هنا انى انا نصاب،طيب انا نصبت عليك فى ايه انا اداتاك سلعه بفلوسك و الحاجه دى معلهاش ضمان و انت تعلم ذلك و مع ذلك لو كنت صبرت و جاتلى انا كصاحب محل مش البياع اركبهولك او رحت لفنى تركيبات كان ممكن يبقى فى كلام تانى لو زى ما بتقول عيب صناعه و مع ذلك بردوه لو لسه بتدور على حقك تعالى ونا هديك الفاتوره و الأوراق الأستيراديه و ارجع ل جهاز حماية المستهلك وخد حقك وحقى من شركة جى بى ال لو فى عيب صناعه زى ما بتقول فى حاجه تانى اكتر من كده......اما بالنسبه للعضو محمد محسن فأفتكر انك انت زبونى و معاملتنا انت عارفها يمكن باقى الأعضاء معذورين لأنهم ميعرفونيش فأذا كان فى كلآم كويس ممكن يترد بى فى غيابى كان هيبقى افضل من انك تهاجمنى.....الموضوع انا حاكيته كله بتفاصيله وبما يرضى الله ولو فى اى كلمه كذب اتفضل واجهنى يا أستاذ هشام انا فى اتم استعداد


وفى الأول و الأخر انا عندى يقين كامل بأن اللى بيرزق العباد هو اللى خالقها ولو ليا رزق هاخده مهما حصل انا بس حبيت اوضح الصوره مش اكتر

محمد عثمان