الموضوع: تحذير من التعامل مع محل إكسسوارات جوو اكسيسوريس

محل زى دة لما يتعرف انه مش كويس فى تعامله فى منتدى كبير زى منتدانا اسوأ بكتير من انك تعمل فيه شكوى فى جهاز حماية المستهلك. و خصوصا ان ليه محل تانى منافس جدا و الاتنين مبهدلين بعض على الفيس بوك.
انا واحد من الناس كنت اشتريت فعلا منه فلتر قبل كدة بس لما عرفت حاجة زى اللى حصلت مع استاذ هشام اكيد عمرى ما هخاطر و اجيب منه تانى.

محمد عثمان ..انا لما قلت اللى عليك مجبتش سيرة انك اتعاملت معايا وحش ولا قلت انك نصاب انا زى ما وضحت فى كلامى انى فعلا اشتريت منك فلتر و فعلا شغال كويس و كنت عملت موضوع فعلا عن فلتر الكربرادتير فى المنتدى هنا.
انا وضحت ان ليك منافس و اكيد انت بتحافظ على سمعتك زى ما وضحت فى ردك اللى اتمسح و معرفش ليه.و اكيد بردة انا كزبون دافع فلوس ليا حق. من الاخر انتو كل واحد قال وجهة نظرة و مش هقول الحكم للعضاء و لكن الحكم لربنا يعنى اكيد لو انا اقتنعت بكلامك هاجى اشترى منك مرة و اتنين وتلاته حتى لو سمعت من اى حد كلام يخوف.
ولو العكس و حسيت ان استاذ هشام عندة حق اكيد مش هرمى فلوسى واجيب حاجة و ارجع اندم.
واخيرا اتمنى انى مكونش ضايقت حد بكلامى لانى اكيد مليش مصلحة عند الطرفين.

المشاركة الأصلية كتبت بواسطة gocaraccessories

1- المرايا ركبت عن طريقنا واتسلمت شغالة وتم التعامل بيها لمدة يومين
2- لما استاذ محمد اشترى المرايا كان عارف انها بدون ضمان
3- لما رجعت للفنى وجدنا بيها عيب بسيط وهو اى سى باور وممكن تغييره بسهولة وبدون تكلفة

ايه ده ده كل اللى عندك بقى من غير ضمان و حاجات فيها مشاكل؟
وطبعا مافيش ضمان معناها حسب مزاج صاحب المحل - يصلح - يرجع - يخلع ومالوش دعوة براحته بقى

معلش انا لسه معرفش حاجه عن العربيات ولا المحلات خالص ممكن اعرف مكان المحل ده فين على شان لو فى يوم فكرت اشترى حاجه؟
شكرا

انا متابع اخبار و اسعار المحل على ال facebook من فترة
هوا بيعمل عروض كويسة و اسلوبة فى العرض بيدل على انة كويس
بس انا مرة سئلت على فونيس نوبيرا عدسات اترد عليا انها بى 550 جم و فى نفس الوقت كنت شيفها فى التوفقية بى 300 جم الاتنين.
فا دى الحاجة الوحيدة المريحتنيش

انا ماشوفتش فى مصر حد بيبيع حاجة كويسة ورخيصة
المستوردين أصلا بيجيبوا أسوأ حاجة من برة
والدليل على كده موضوع مافيش ضمان - لو كان منتج كويس كان لازم هتلاقى ضمان محترم - منتج مليان مشاكل او منتهرب او او او يبقى مافيش ضمان