هل جربت المشط الاكتروني الصيني

**you147** · 20-01-2010 01:08 AM

لالالا هاتو من عزبة شلبى استيراد الفابريقه لو بقالو عمر انا شغال بواحد من عزبة شلبى وربنا يديمو ويعيش العمر

**HRH_Sameh** · 21-01-2010 12:12 PM

المشاركة الأصلية كتبت بواسطة amrbakly

و لية صيني يا عمنا

انا جايب الإية سي الإيطالي من عند الكيلاني بـ 100 جنية .........

روح هاتة انا لسة مغيرة من شهر و الدنيا زي الفل

......

ده انا مركّبه عندي من سنه و 3 شهور كان بـ 97 جنيه بالظبط
وتمام و100 100

**ابوهاشم** · 24-01-2010 07:24 PM

البياع ده اكيد بيستعبط
معظم قطع غيار الشاهين
فى منها الايطالى والتركى والمصرى والصينى
وفى حاجات المانى كمان
بس انت وامكانياتك فى الشراء
بس نصيحه ماتستخسرش علشان يعمر معاك

**brakebooster** · 24-01-2010 08:19 PM

السلام عليكم انا رايى ان الكهربائي ايللي هيشتغل في العربيه هو ايللي يحدد احسن نوع لانه اكيد جرب كتير وعارف الحلو من الوحش بخبرته

**mohamed777** · 25-01-2010 01:05 AM

المشاركة الأصلية كتبت بواسطة samirayad

المشط الألكترونى ....وظيفته بيأخد فولت البطاريه الصغير ويقطعه ويوديه للبوبينا (لأن البوبينا بنعتبرها محول لرفع الجهد الكهربى وعلشان نرفع الجهد لازم يتم تقطيع الفولت بتاع البطاريه جوه المشط ....لأن أى محول كهربى بيشتغل على تيار غير ثابت الموجه .....متقطع يعنى ) علشان يتم رفع ال12 فولت الى آلاف الفولتات العاليه(جوه البوبينا الأول ) اللى حتروح للأسبراتير ويوزعها على البوجيهات ( وهو بيقوم بنفس دور الأبلاتين والكوندسر فى الأسبراتير العادى )...........يعنى بيقوم بدور الأبلاتين تقريبا ............بس بطريقه الكترونيه

السلام عليكم ياباشمهندس سمير
حضرتك بتقول ان المشط الالكترونى بياخد فولت البطارية وبيقطعه وبيودية للبوبينه
وكمان حضرتك بتقول انه بيعمل عمل الابلاتين اللي فى الاسبيراتير الميكانيكى العادى
انا كده اتلخبط
طيب هو موجود فى العربيات القديمة على اساس انه بيقوم بوظيفتة بين البطارية والبوبينة؟

**samirayad** · 25-01-2010 07:19 AM

السلام عليكم ياباشمهندس سمير

وعليكم السلام
يامتر
أتمنى أن تكون بخير

طيب هو موجود فى العربيات القديمة على اساس انه بيقوم بوظيفتة بين البطارية والبوبينة؟

نعم هو وسيط بين البطاريه والبوبينا وخط أنتاج البوبينا سيتعطل عند حدوث عطب للمشط

**emad_ms** · 25-01-2010 02:25 PM

المشط الاكترونى مش موجود فى العربيات القديمة لان فى السيارات القديمة بها ابلاتين وهو الى بيقوم بتقطيع فولت البطارية المستمر حتى يمكن تكبيرة داخل البوبينة وهذا العمل يقوم بة الابلا تين فى السيارات القديمة والمشط الاكترونى فى السيارات الحقن الاكترونى

**mohamed777** · 25-01-2010 06:43 PM

طيب على كده بقى المشط الالكترونى دقيق اكتر من الابلاتين فى ضبط توقيت الشرارة؟

كمان اذا كان الابلاتين بينظم توقيت الشرارة عن طريق عمود الكامه
امال المشط الالكترونى بيعمل كده ازاى؟