البيرسونا ومشاكلها

**meramor81** · 10-06-2009 01:57 AM

السلام عليكم اخواتى الكرام

اتمنى من الله ان يكون الجميع بخير وبدون مشاكل مع عربيته
الموضوع ده للى معاهم البيرسونا واللى تعبتهم والتوكيل طلع عينهم بدون اى فائده
كل واحد مننا هايكتب المشاكل اللى واجهته والتوكيل عمل ايه معاه لانى هاقدم شكوى بكل الكلام ده
بصراحه تعبت وماليش الا انى ارفع شكوى لمن هو اعلى وليه واحد قريبى هايساعدنى على ده
وهاوصل الشكوى الى ماليزيا المختصر
ان البيرسونا اللى وصلتنلنا منتهى السوء ودرجه عاشره انا والدى دافع فيها كاش ومن غير خصم راح ادلهم الفلوس مره واحده علشان يستلم عربيه كل يوم مشكله وياخد اجازة مخصوص ويروح فى عز الشمس ويسافر بلدان مجاورة يتفسح لغايه مايخلصوا عربيته ويمشى بيها والمشكله مازالت موجوده وكمان يظهر معاها مشكله تانيه لدرجه فكر انه يبعها وبيندم انه سمع كلامى لانى انا اللى اقنعته بعد ماحجز الانسر 2008 والله العظيم خسرته الف جنيه دفعهم حجز علشان البيرسونا دلوقتى بيقولى يارتنى ماكنت سمعت كلامك وبيقول ان العربيه
بتاعته كانت فيها مشاكل وبعوها واتخلصوا منها وفيها عيوب تقفيل ووووووووو
اولا والدى عربيته بيرسونا فضى تختلف عن باقى العربيات البيرسونا فهى فيها فروقات من الشنطه
كان فى نقره فى الكبوت مابنتش الا لما اخدناها وقولتله يابابا مش مشكله دى ممكن تكون عين قالى ازاى
العربيه لسه بقالها يومين المهم كسلته انه يروح بعدين السنتر لو والمفتاح كله بيعلق
اقوله يابابا دى مشاكل بسيطه ومافيش عربيه بدون مشاكل يقولى ازاى انا مشتريها زيروووو وكاش
المهم كان فى مشاكل كتير وراح عاملها اخر حاجه بقى صوت الطقه اللى فى الدريكسيون قالوله العربيه عاوزة كلوك اسبرينج وده هايجلنا على اول شهر 7 طبعا اكيد حضرتتكم عارفين ان عربيه جديده فيها مشكله فى علبه الدريكسيون ده شىء مش سهل بالعكس ده خطر ووالدى هايسافر بيها المفروض الجمعه ان شاء الله
انهردا بقى انا سوقتها لما اجى اخد مطب احس العربيه بشخلل من ورا كأن فيه باب مفتوح او حاجه مكسوره
وفى المطب العربيه بتتهبد حاجه مقرفه فعلا سورى فى اللفظ
بليز كل واحد يكتب مشكلته وهنلاقى حل ان شاء الله لان التوكيل نايمين وبينيموا الناس مع احترامى للجميع
عندهم اسلوب حلو انهم يسجدوا الناس بدون جدوى يافرحتى على زوقهم لكنهم مش فهمين شغلهم
يله ياجماعه منتظراكم

**meramor81** · 10-06-2009 02:02 AM

واسفه جداا لكل اللى بعتلى على الخاص ونصحته يشترى بيرسونا والله مااعرف مشاكلها اسفه جداااا

**pharonicking** · 10-06-2009 02:13 AM

الناس كانت بتهاجمنا لما كنا بنقول ازاى عربية زيرو فيها كل عيوب التقفيل دى"""
وادى النتيجة"

**M.almaghraby** · 10-06-2009 10:47 AM

ايوة طبعا دي كارثة طبعا ان واحد يشتري عربية جديدة و يبقي فيها كل دا بس انا مش حاقدر افيد حضرتك كتير لاني مش عارف ايه سبب الي حصل دا بالظبط بس دي حالة حصلت في عربية والدك فقط اعتقد و مش موجودة في عربيات برسونا تانية.....ربنا يسهل ان شاء الله و الموضوع يتحل

**Osama.shihata** · 10-06-2009 11:41 AM

طبعا انا متعاطف مع مشكلة والد حضرتيك
ومتابع كل المواضيع الخاصة بحضرتيك عن الجين 2 و البرسونا الى جيبها والد حضرتك
بس انا عايز اطمن حضرتيك
ان معايا البرسونا كان فى مشاكل تقفيل بسيطة واتحلت فى صيانة الالف
ومبقاش فى مشاكل والحمد لله
بس انا هعترف بحاجة
انا عدت صيانة ال 1000 كيلو فى توكيل العجوزة بعد معملته فى توكيل الصحراوى
لانهم هناك مضغوطين جدا جدا
مبيصلحوش كل حاجة زى ما الواحد عايز
انا سمعت نصيحة زميلى ورحت توكيل بروتون فرع العجوزة
الصراحة حاجة تانية خالص
طبعا مش زحمة خالص
عربيتك بتتصلح قدام عنيك
اهتمام بكل مشكلة بتقولها
وكمان الاهم من كدة ( انهم بيجربه معاك المشكلة بعد حلها للتاكد من اصلاحها ) وده اهم اهم حاجة
وطبعا الى جانب سرعة صيانة السيارة عندهم بالمقارنة بعدد الساعات الكثيرة الى بتحصل فى الصحراوى
ممكن حضرتيك تتوجهى بالسيارة البرسونا هناك
وان شاء الله تحلى مشكلة مشكلة
وانا تحت امر حضرتيك فى اىاستفسار بخصوص البرسونا
وربنا يصلحلكم الحال - أمين

**eng_mh1980** · 10-06-2009 12:00 PM

السلام عليكم,
انا معايا العربية من شهر فبراير 2009
المشاكل اللي ظهرت
1- كاوتشة الباب عاوزة تثبيت ( اتحلت في صيانة الاف)
2- المرايا الشمال كانت معكوسة يعني على النظام الاوربي على اساس ان السواق قاعد يمين مش شمال ( وتم تركيب مرايا جديدة)
غير كده العربية كويسة جدا معايا.

**ahmedsiyam** · 10-06-2009 12:07 PM

الاخت الفاضلة

هل تم ابلاغ السيد المهندس / مدير خدمات مابعد البيع بالمشكلة دى ؟؟؟
و اذا تم ابلاغه فعلا هل رد على حضرتك او تم اتخاذ اى اجراء من شانه انه يرضيكم

انا متفق معاكى طبعا ان فى عربيات زيرو و ماركات كبيرة كمان فيها مشاكل و ممكن تكون معقدة و انا معاكى ان بروتون فيها مشاكل تقفيل و كتير موش قليل
انما انا من رايى ان حضرتك تبلغى المهندس المسئول عن خدمات مابعد البيع على الايميل الخاص به و تستنى الرد و بهدوء علشان ماتضيعوش حقكم

**meramor81** · 10-06-2009 12:33 PM

المشاركة الأصلية كتبت بواسطة ahmedsiyam

الاخت الفاضلة

المشاركة الأصلية كتبت بواسطة ahmedsiyam

هل تم ابلاغ السيد المهندس / مدير خدمات مابعد البيع بالمشكلة دى ؟؟؟
و اذا تم ابلاغه فعلا هل رد على حضرتك او تم اتخاذ اى اجراء من شانه انه يرضيكم

انا متفق معاكى طبعا ان فى عربيات زيرو و ماركات كبيرة كمان فيها مشاكل و ممكن تكون معقدة و انا معاكى ان بروتون فيها مشاكل تقفيل و كتير موش قليل
انما انا من رايى ان حضرتك تبلغى المهندس المسئول عن خدمات مابعد البيع على الايميل الخاص به و تستنى الرد و بهدوء علشان ماتضيعوش حقكم

السلام عليكم استاذ احمد

طبعاا تم تبليغ الاستاذ امر وهو اللى حدد موعد على 1_7 هايجلهم كلوك اسبرينج بس العربيه ازاى تمشى الفتره دى كلها والدريكسيون بيرعش منك انا ذنبى ايه انهم ماعندهمش علبه دريكسيون وبعدين باقى المشاكل الفروقات والسنتر لوك ووووو كل ده تحت اشراف استاذ امر والمشاكل مش بتتحل بتفضل زى ماهى
والمفروض كمان اننا على صله بالاستاذ سعيد فراج مدير فرع العجوزة وهو اللى بيكلم استاذ امر عشان يهتم بموضوعنا بس مافيش اى جديد ؟كلمت حد اعرفه فى توكيل عز العرب الصحراوى قالى اتوجه للاستاذ احمد عبد الحميد وهو هايحل معايا كل المشاكل فده اخر حاجه هانعملها وان بقت العربيه كماهى هانشتكى وهحتاج حضرتتك ساعتها فى بعض الاشياء اذا سمحت

**meramor81** · 10-06-2009 12:47 PM

المشاركة الأصلية كتبت بواسطة amecath

طبعا انا متعاطف مع مشكلة والد حضرتيك

ومتابع كل المواضيع الخاصة بحضرتيك عن الجين 2 و البرسونا الى جيبها والد حضرتك
بس انا عايز اطمن حضرتيك
ان معايا البرسونا كان فى مشاكل تقفيل بسيطة واتحلت فى صيانة الالف
ومبقاش فى مشاكل والحمد لله
بس انا هعترف بحاجة
انا عدت صيانة ال 1000 كيلو فى توكيل العجوزة بعد معملته فى توكيل الصحراوى
لانهم هناك مضغوطين جدا جدا
مبيصلحوش كل حاجة زى ما الواحد عايز
انا سمعت نصيحة زميلى ورحت توكيل بروتون فرع العجوزة
الصراحة حاجة تانية خالص
طبعا مش زحمة خالص
عربيتك بتتصلح قدام عنيك
اهتمام بكل مشكلة بتقولها
وكمان الاهم من كدة ( انهم بيجربه معاك المشكلة بعد حلها للتاكد من اصلاحها ) وده اهم اهم حاجة
وطبعا الى جانب سرعة صيانة السيارة عندهم بالمقارنة بعدد الساعات الكثيرة الى بتحصل فى الصحراوى
ممكن حضرتيك تتوجهى بالسيارة البرسونا هناك
وان شاء الله تحلى مشكلة مشكلة
وانا تحت امر حضرتيك فى اىاستفسار بخصوص البرسونا

وربنا يصلحلكم الحال - أمين

اخى الكريم ربنا يحفظلك عربتك من كل سوء والحمدلله انك حليت المشاكل البسيطه وعاوزه اقول لحضرتتك على حاجه
احنا اصلا اشترينا العربيه من فرع العجوزة والناس كلها عارفانا هناك ومدير الفرع على صله بوالدى وللاسف
المشاكل دى كلها حلها مع الفرع الرئيسى وخصوصا الكلوك اسبرينج ووالدى ان شاء الله هايروح انهردا لفرع العجوزة يشوف حل فى السنتر لوك والفروقات والصوت اللى وره ده وربنا يسهل ربنا يصلح حال الجميع

**ahmedsiyam** · 10-06-2009 12:49 PM

شوفى يا اختى الفاضلة

حضرتك قبل ماتشترى العربية كنتم بتدخلوا على المنتدى و تشوفوا الاراء بتاعة الملاك
وانا متذكر كويس انه الناس اتفقت على ان فى نقص دائما فى قطع الغيار الخاصة بالسيارة زيى المالتى فنكشن و ماكينة الزجاج و الكلام البسيط اللى بيعطل على طول ده

اعتقد انه قرار شراء سيارة بروتون عموما بالكماليات الكتير اللى فيها و بالسعر القليل ده لازم هايكون فى مقابله حاجات تانية زيى قلة قطع الغيار او زحمة التوكيل او سعر اعادة البيع و الكلام اللى احنا كلنا عارفينه و موش عايزين نعيده

احب اوضح لحضرتك ان انا واحد من الناس واجه مشاكل من 15/4/2008 و تم حلها بصورة مرضية الى حد ما و ليس كما كنت متوقع فى تاريخ 15/1/2009 بنتكلم يعنى فى 9 شهور

معلش انا شايف برضه انكم تفضلوا مع الردود الرسمية من الوكيل و تنتظروا حتى الميعاد المحدد من قبل المهندس أمر و بعد كده ان ماحصلش جديد يتم رفع الموضوع للسيد المهندس احمد عبد الحميد

انما من فضلكم خلوا مراسلة الشركة الماليزية اخر حاجة بعد استنفاذ جميع الحلول مع الوكيل علشان يحصل اهتمام

الموضوع: البيرسونا ومشاكلها

LinkBack

أدوات الموضوع

عرض

-

-

-

-

-

-

المواضيع المتشابهه

طلمبة المياة ومشاكلها ؟

الشتاء ومشاكلها مع عربيتك

زفة العربيات والموتوسيكلات ومشاكلها عالمرور

السيينا ومشاكلها...

هام للغاية السمارا ومشاكلها

الكلمات الدلالية لهذا الموضوع

المفضلات

المفضلات

ضوابط المشاركة