طلمبة المياة ومشاكلها ؟

**ibnelfared** · 01-12-2012 08:21 PM

أنهاردة وأن جاى على الدائرى لاقيت فجأة العربية صوتها هدى وبعد شوية لاقيت مؤشر الرارة أرتفع ؟
بصيت جوة على الموتور لاقيت طلمبة المياة بتنقط مية تنقيط بس سريع شوية ؟
ولاقيت السير طلع من مكانة خالص ؟
المهم زودت المية وركبت السير مكانة ولاقيت أن لما مسكت المروحة وبهزها لاقيتها بتتهز جامد وكأن فى بوش فى الأكس ؟
فدلوقتى أغيرها كلها ولا ببتععغير نصها ولا التعامل معها أذاى من فضلكم ؟
علما بأنى عندى طلمبة أستيراد ؟ ولا هل ليها قطع غيار بتتباع أصلحها بيها ؟

**lada2010** · 01-12-2012 08:27 PM

هات طلمبة جديدة والقديمة مش بتتصلح

**gadoo30** · 01-12-2012 09:22 PM

من الاخر طرمبة جديدة علشان طرمبة المية مبتتصلحش وتنظف دورة المية بالمرة وتحط مية خضرا انا عملت كدة فى الدوجان اول الصيف وعلى فكرة الطرمبات اللى فى السوق ما بتقعدش يعنى فى افضل الاحوال 3 سنوات مش زى الاصلى ووالله جبت اغلى حاجة ومن عند واحد متخصص فى الدوجان فى شارع رمسيس

**ibnelfared** · 01-12-2012 09:40 PM

المشاركة الأصلية كتبت بواسطة gadoo30

من الاخر طرمبة جديدة علشان طرمبة المية مبتتصلحش وتنظف دورة المية بالمرة وتحط مية خضرا انا عملت كدة فى الدوجان اول الصيف وعلى فكرة الطرمبات اللى فى السوق ما بتقعدش يعنى فى افضل الاحوال 3 سنوات مش زى الاصلى ووالله جبت اغلى حاجة ومن عند واحد متخصص فى الدوجان فى شارع رمسيس

أجيبها نوعها أيه وبكام ؟؟؟

**ibnelfared** · 01-12-2012 09:42 PM

المشاركة الأصلية كتبت بواسطة ahmed_gamal777

الطرمبة يا جميل ما بتجيش استيراد
الطرمبة جديد وبتبوظ مع الاستهلاك والصدا داخل الرداتيرا

أجيبها منين وبكام ؟؟

**hassanin_lada** · 02-12-2012 12:54 AM

اي صناعه بعيدا عن الصيني وهي فعلا مش معمره واكبر غلط انك استنيت عليها بالشكل ده

في حاجه ممكن تتطنش عليها لكن تبريد العربيه اساسي واحمد ربنا

**gadoo30** · 02-12-2012 08:29 AM

انا جبت مرة الاسبانى قعدت 3 سنين وكانت بحوالى 200 جم مش فاكر بالضبط واللى راكبة دلوقت تركى كانت ب175 جم من حوالى 8 شهور بس انا عربيتى دوجان موتور تمبرا تكييف علشان الكلام دة بيفرق فى نوع الطرمبة الاولى جبتها من كمال مهران فى شارع رمسيس ودة متخصص فى الدوجان والشاهين والتانية بعد ما جبتها من كمال مهران مكانتش على المقاس فجبت واحدة تانية من جنب الميكانيكى فى شارع دمشق
واهم حاجة نظافة دورة المياة والردياتير من الصدا علشان دة اللى بيأثر على الاويسيلات ويخليها تضرب وتجيب مية يعنى بعد ما تغيرها تروح لواحد بتاع ردياتيرات كويس وربنا يوفقك