شقه فى التجمع

**أحمد سالم** · 12-06-2009 02:50 AM

السلام عليكم
معروض عيا شقه فى التجمع بسعر ممتاز
لاكن المشكله انى عرفت ان مافيش هناك نقل ملكيه للشقق لانها ممنوع بيعها
وممكن تتسحب من الجهاز لو عرفو ان صاحبها الاصلى باعها
والبائع بيقولى هعملك توكيل عام علشان مافيش توكيلات هناك بالشقق فقط
وكمان هيدينى ايصال امانه بالمبلغ
انا محتار
ومحتاج ارائكم
وجزاكم الله خيرا

**msms_ms2001** · 13-06-2009 12:12 AM

السلام عليكم اخى الكريم
اولا انا عندى شقه هناك من بتوع مبارك للشباب وهما الى ممنوع بيعهم حتى لو بعد مليون سنه
ثانيا انا كنت عاوز ابيع وكنت هبيع بنفس الطريقه دى ماعدا وصل الامانه بس كده الراجل عداه العيب ووصل الامانه ده امان ليك عشان لو هو عمل اى مشكله والشقه هتتسحب منكم انتو الاتنين طبعا ودا مستبعد ان يسببلك مشكله
وبعدين كل الناس هناك شغاله كده توكيلات
وبعدين محدش بيسال ياباشا هو مبارك فاضى
واى استفسار انا موجود

**أحمد سالم** · 13-06-2009 12:42 AM

اشكرك ياباشا على الاهتمام
بارك الله فيك
وجزاك خيرا

**aYaBooY** · 22-06-2009 01:32 PM

معلش بس انا الي اعرفة ان حظر البيع او الايجار في الشقق ديه مدتة 10 سنين بس و المفروض يتفك الحظر في التجمع الاول مثلا كمان سنة و نص تقريبا

**msms_ms2001** · 23-06-2009 12:38 AM

انا اول مخدتها كنت فكر كده والناس قالوا بعد عشره سنين او لما تخلص ثمنها تقدر تتصرف فيها برحتك
بس لما رححت الجهاز وبنك التعمير والاسكان قالولى مينفعش تشترى ولا تبيع الا من تحت لتحت لان الشقه دى دعم من الدوله ليك ازاى هتدليك شقه مدعمه تقدر تتصرف فيها ز
هو داا كل الى حصل

**aYaBooY** · 01-07-2009 12:54 PM

اها عظيم خالص يعني ممكن في يوم و ليلة تقوم القومة من قبل الحكومة و نتكوم كلنا في الشارع علشان الشقق مش باسمنا
لا انا بجد متشكر جدا على المعلومة و عموما انا برده هاسئل في الموضوع تاني في البنك و ممكن يوم اشد على الجهاز
علشان حرام طبعا ادفع 120 الف جنيه و ابقي على كف عفريت
الله يكرمك

**aeltokhy** · 06-08-2009 10:53 PM

ياعم انت فاكر نفسك فى بلد تحترم القوانين دة هم اكثر ناس بيبوزوا الدنيا وعموما اكثر من 50% من الشقق هناك بتاعة الى شغالين فى الجهاز وبتوكيلات وسلملى على الجهاز

**خالد** · 07-08-2009 06:57 PM

المشاركة الأصلية كتبت بواسطة aeltokhy

ياعم انت فاكر نفسك فى بلد تحترم القوانين دة هم اكثر ناس بيبوزوا الدنيا وعموما اكثر من 50% من الشقق هناك بتاعة الى شغالين فى الجهاز وبتوكيلات وسلملى على الجهاز

10000000+ كلام مظبوط 100 فى 100 أكتر من نص الشقق فى المدن الجديدة تبع اللى شغالين فى الجهاز واولادهم وقرايبهم
بس طبعاً برضه فيه مخاطرة ، لو لاقدر الله طلع قانون بإلغاء التوكيلات دى

هاتبقى مشكلة لأن الجهاز أما هياخد منك الشقة

أو تتحاسب من جديد أنها أستثمارى وطبعاً بيبقى البايع خلع