سوااال بخصوص الجراند بنتو

**masterzmind** · 14-06-2009 04:53 AM

يا جماعة اة اخبار الجراند بنتو عشان العربية دية عملتلى هوسة فى دماخى الصراحة شكلها رائع وشبابى وجمدة وكفاية انها ايطالى بس فى شىء مخوفنى فى العربية ال hp 77 كانت صدمة علية دى الانوس مع احترامى للعربية دية 90 حصان هل الجراند بنتو بتطلع من اليارس ولة الابترا ولة الانترا

**Haitham10** · 14-06-2009 05:15 AM

انا زيك وفي اوقات عربيات تركبها متحسش بعدد الاحصنة بتاعت الموتور فكان نفسي حد يقول ال77 الي في الجراند بونتو هل العربيه تقيله عليهم ولا بتسحب كويس
وهل صوت الموتور هادي وحلو ولا في تنعير واخبار عزله ايه بشكل عام وعن الكابينة الداخليه

**Ahmed.Ali** · 14-06-2009 09:44 AM

بصراحه سعر العربيه الجديد بقي مغري اكتر و انا نويت عليها انشاء الله و دا لينك لتقييم واحد من ملاك العربيه

http://www.nilemotors.net/Nile/showthread.php?t=79966

**monsif** · 14-06-2009 04:15 PM

المشاركة الأصلية كتبت بواسطة masterzmind

بس فى شىء مخوفنى فى العربية ال hp 77 كانت صدمة علية دى الانوس مع احترامى للعربية دية 90 حصان هل الجراند بنتو بتطلع من اليارس ولة الابترا ولة الانترا

مش بالأرقام لأن اللانوس 86 حصان بس نصهم ميتين و الباقى بين الحياة و الموت غير أن اللانوس 1500 سى سى
بالنسبه للعربيه ال 1.4 8 صمام هي سريعه فى تجميع السرعه لحد 100 و بعد ال100 هى بطيئه شويا فى تجميع السرعه لحد ما توصل ل 170 و هى السرعه القصوى بتاعتها ده لأنها مزوده بمحرك أقتصادى

أما العربيه ال 1.4 16 صمام تيربو فهى 120 حصان و تطلع من اليارس و الأوبترا و الألنترا سعرها 125 ألف

**masterzmind** · 14-06-2009 04:51 PM

ماشى انا معاك ان العربية اقتصادية فى البنزين بس الى بكلم فى العربية لما تيجى تشغل التكيف والعربية 77 حصان مفتكرش انها هتشد غير مع 128 وياريت حد جرب يا جماعة فى الشد مع اى عربية وكمان العربية بقى سعرها مغرى اوى 87 ولة 87 حاجة زى كدة .................... النهردة كنت ماشى فى مدينى نصر امام النادى الاهلى العربية ماشية جنبى صوت الموتور بتعها عالى والراجل كان مشغل التكيف ............ الاستاذ loodaa قال انا مكنتش بشد مع حد العربية اعلى سرعة هى 90 انا كدة معرفتش هل العربية بتجمع بسرعة ولة لا هوة دة الى بكلم فى وشكرا على الاهتمام والرد

**Haitham10** · 14-06-2009 05:17 PM

كل الي معاه هنا لسه بيلينوا بيها ومحدش وصل حتي صيانة ال5000 ومتقدرش تحكم علي حاجة اصبر الصبر جميل لو عجباك

**masterzmind** · 15-06-2009 02:43 AM

والله يا هيثم انا صابر عشان بجد انا نفسى فى العربية دية انا مستنى بس حد يقولو انو شد مع البولو ولة الجولف وخيطها صدقنى هتبقى تحفة

**monsif** · 15-06-2009 01:41 PM

بالنسبه لموضوع التكييف فى موضوع أسمه " تقييم جراند بونتو مانيوال " هتلاقى فيه رد على تسألتك عن العربيه
هو كان بيقول فى الموضوع أن التكييف مش بيأثر على السحب بشكل ملحوظ
لكن بالنسبه لموضوع السحب و الشد معتقدش أنها هتكون أسرع من السوزوكى سويفت أو الديهاتسو سيريون 1.5 اللى هما فى نفس فئتها برضه
بس اللى بيشترى العربيه دى بيفكر بطريقه مختلفه شويا يعنى شكلها عجبه - أقتصاديتها - التكنولوجيا الموجوده فيها - زهق من العربيات اليابانى و الكورى - مش فارق عنده موضوع السرعه - عايز عربيه مدينة

**abou_ruqi** · 15-06-2009 01:45 PM

المشاركة الأصلية كتبت بواسطة monsif

بالنسبه لموضوع التكييف فى موضوع أسمه " تقييم جراند بونتو مانيوال " هتلاقى فيه رد على تسألتك عن العربيه
هو كان بيقول فى الموضوع أن التكييف مش بيأثر على السحب بشكل ملحوظ
لكن بالنسبه لموضوع السحب و الشد معتقدش أنها هتكون أسرع من السوزوكى سويفت أو الديهاتسو سيريون 1.5 اللى هما فى نفس فئتها برضه
بس اللى بيشترى العربيه دى بيفكر بطريقه مختلفه شويا يعنى شكلها عجبه - أقتصاديتها - التكنولوجيا الموجوده فيها - زهق من العربيات اليابانى و الكورى - مش فارق عنده موضوع السرعه - عايز عربيه مدينة

توضيح بس
يعني ايه "آسرع" في مشاركة حضرتك؟

**monsif** · 15-06-2009 01:47 PM

المشاركة الأصلية كتبت بواسطة masterzmind

النهردة كنت ماشى فى مدينى نصر امام النادى الاهلى العربية ماشية جنبى صوت الموتور بتعها عالى والراجل كان مشغل التكيف ............ الاستاذ loodaa قال انا مكنتش بشد مع حد العربية اعلى سرعة هى 90 انا كدة معرفتش هل العربية بتجمع بسرعة

فعلا أنا واحد صحبي عنده عربيه بونتو موديل 2005 و هى مشغله التكييف كان صوتها عالى جدا بس من بره بس من جو مكنش الصوت عالى