صيانة وشحن التكييف بين الحرفة والنصب

**ahmed_h_g** · 16-06-2009 03:15 AM

على فكره علبة فريون 134 بتعمل حوالى 95 جنيه للكيلو و 15 جنيه تغيير زيت للكباس وممكن تحتاج الدايره لفلتر عند اعادة الشحن ولو فيه تسريب كمان بتحتاج فحص ولحام وغسل الدايره وشحن تجربه وتفريغ وشفط الهواء من الدايره واعادة الشحن بالفريون بعد التأكد وكمان لو عندك ترموستات الكابينه عطلان ولا الكباس عطلان........... وشغلانه طويله ملهاش حدود والتكلفه بتبقى من 120 جنيه ل 200 جنيه حسب حالة التكييف لو عطل معروف زى الشحن أو ثقب الدايره أو ...............
وبعد كل ده زعلان على 180 جنيه ؟؟؟

**ZALABANY** · 16-06-2009 08:05 AM

المشاركة الأصلية كتبت بواسطة ahmed_h_g

على فكره علبة فريون 134 بتعمل حوالى 95 جنيه للكيلو و 15 جنيه تغيير زيت للكباس وممكن تحتاج الدايره لفلتر عند اعادة الشحن ولو فيه تسريب كمان بتحتاج فحص ولحام وغسل الدايره وشحن تجربه وتفريغ وشفط الهواء من الدايره واعادة الشحن بالفريون بعد التأكد وكمان لو عندك ترموستات الكابينه عطلان ولا الكباس عطلان........... وشغلانه طويله ملهاش حدود والتكلفه بتبقى من 120 جنيه ل 200 جنيه حسب حالة التكييف لو عطل معروف زى الشحن أو ثقب الدايره أو ...............
وبعد كل ده زعلان على 180 جنيه ؟؟؟

طبعا زعلان على 180 جنيه لأن ولا حاجه من اللي سيادتك بتقول عليها اتعملت سوى وضع الفريون
لم يتم تغيير زيت الكباس ولا دايرة الفلتر ولا كان في تسريب وتم لحامه ولا تم شحن هواء ثم تفريغه وكل الترموستات شغاله زي الفل والشغلانه لا طويله ولا حاجه والشحن كله اخد 10 دقايق والشغلانه بتاعته كانت ظبط دايرة الكهربا بتاعة التكييف ودي اخد عليها مصنعيه لوحدها 220 جنيه على مرتين طيب بالله عليك مش يبقى اسمه سرقه ونصب

**kh_talaat** · 16-06-2009 09:30 AM

المشاركة الأصلية كتبت بواسطة ahmedhilmy

خالد بيه لو يننفع تحطلنا رقم الراجل يبقي كتر خيرك لانك في الجيزة و بتروح لواحد في دار السلام و انا في المعادي و بروح لواحد في الجيزة هو للامانة كويس بس ده اقربلي كتير

ده رقم الراجل 0107700978
وحضرتك لما تكلمه قوله انا من طرف خالد طلعت اللي معاه الفيرنا النبيتي وان شاء الله هيعمل معاك واجب حلو في السعر وخليني برضه متابع معاك

**ahmed_h_g** · 16-06-2009 02:57 PM

المشاركة الأصلية كتبت بواسطة zalabany2007

طبعا زعلان على 180 جنيه لأن ولا حاجه من اللي سيادتك بتقول عليها اتعملت سوى وضع الفريون
لم يتم تغيير زيت الكباس ولا دايرة الفلتر ولا كان في تسريب وتم لحامه ولا تم شحن هواء ثم تفريغه وكل الترموستات شغاله زي الفل والشغلانه لا طويله ولا حاجه والشحن كله اخد 10 دقايق والشغلانه بتاعته كانت ظبط دايرة الكهربا بتاعة التكييف ودي اخد عليها مصنعيه لوحدها 220 جنيه على مرتين طيب بالله عليك مش يبقى اسمه سرقه ونصب

لو على كلامك يبقى فعلا" نصاب ولو للمره التانيه يبقى فيه تسريب وهوه فى الضياع :b4_556:

**ابو حسين** · 17-06-2009 09:25 PM

المشاركة الأصلية كتبت بواسطة tananybasha

السلام عليكم
من لسان بتوع التكييفات هى شغلانة نصب
العربية بتاخد من 500 إلى 750 جم فريون و لو فى تسريب اخرها 1 كجم
يبقى العبوه اللى هى 13.6 كجم بتشحن من 18إلى 22 عربية مع احتساب الهدر
انضف خرطوشة فى مصر حالياً الهارب الأنجليزى و دى بتعمل حوالى 800 جنيه
يعنى العربية اللى بتتشحن هنقول الحد الأدنى 120 جنيه بتأخد فريون فعلى بكام
بحسبة بسيطة 120*20 عربية متوسط = 2400 جنية
تكلفتهم على انضف فريون = 800 جنيه
مكسب الخرطوشة صافى = 1600 جنيه
الفكره هنا ان معظمهم حرامية و بيوصلوها كمان ل 180 و 200 جنيه يعنى مكسب الخرطوشة يوصل معاه إلى 2500 جنيه يبقى زى الفل
العملية مفيهاش مصنعية من اساسه و لو العربية بتتشحن و مسقعتش يقولك مليون سبب
الكباس بايظ
السربنتينة مسدوده
الكويل عايز يتنضف
السسبشن مفوت
الفلتر لازم يتغير
الخراطيم ضغطها ضعيف
و تسمع بلاوى و عمرة ما يغلط نفسه ابداً انا عانيت معاهم كتير بلا نتيجة مرضية و متتعبش نفسك بالتفكير لأنك هتتعب و مش هتاخد منهم حق ولا باطل و غير بقى اللى شغالين بالفريون الصينى و دة الخرطوشة ب 250 جنيه و يقولوا امريكى و انواع الفريون المضروبة كتير هندى و صينى و بولندى و اسبانى و كله مكسب ليهم و على قفا الزبون يشرب الطين لو الكباس باظ او الدايرة اتسدت

حسبنا الله ونعم الوكيل

**nasroo** · 23-06-2009 01:11 PM

ايه الاسعار دي يا جماعة انا لسا شاحن التكييف بتاعي من شهر الراجل الصنايعي قال لي اشتريله 1كيلو فريون 134 روحت اشتريته ب55 جنيه الراجل حط نصه تقريبا وقال لي خللي الباقي معاك وخد 20 جنيه وبس على كده -الفريون صنع في مصر في ازازة صفيح فضي

**tananybasha** · 24-06-2009 11:08 PM

الراجل ده مكانة زى الفل بالنسبة ليا و ياريت تليفونه

-

-

-

الموضوع: صيانة وشحن التكييف بين الحرفة والنصب

LinkBack

أدوات الموضوع

عرض

-

-

-

-

-

المواضيع المتشابهه

الفني فك البلف بتاع الفريون وشحن بدون تفريغ هواء!!!!

سؤال عن صيانة التكييف

هومفيش فايدة في الناس والنصب

تحذير هام من السرقة والنصب فى اشارات المرور والزحمة

مشكلة في الكتاوت وشحن الدينامو

الكلمات الدلالية لهذا الموضوع

المفضلات

المفضلات

ضوابط المشاركة