من شاطئ النخيل الكيلو 21 للاسكندريه نفسها

**M.Osama** · 14-06-2009 05:32 PM

مساء الفل يرجاله

دلوقتي انا في شاطئ النخيل ف 6 اكتوبر فاسكندريه.. وعاوز اعرف الطريق لاسكندريه نفسها ازاي يعني عاوز اطلع عالكورنيش

وكمان وانا راجع من اسكندريه نفسها انا كل اللي اعرفه اني حدخل من الشارع اللي بعد المكتبه وبعدييين بقي عشان اروح 6 اكتوبر تاني ؟؟

**mido777** · 14-06-2009 07:05 PM

اطلع من مدخل اكتوبر - خد يمينك - عدى محطة البنزين اللى على يمينك - فيه دوران صغير خش فيه - امشى فى الطريق ده لأخره
حتتطلع على الصحرواوى تاخد شمال طوالى حتلاقى نفسك عند كارفور

او
نفس الكلم السابق بس مع اختلاف انك حتلاقى فى الطريق اللى بيطلعك على الصحراوى كوبرى فى نصف الطريق
تطلعه وتاخد شمالك حتلاقى نفسك بعد كارفور

والطريق الثانى ده اسمه محور التعمير

**islamnabil** · 22-06-2009 05:02 PM

وانت راجع بقى ادخل في الشارع اللي بعد المكتبة (لو انت جاي من محطة الرمل) اللي هو قناة السويس
حتعدي على تقاطع شارع بورسعيد و بعدين الترام (المترو) و بعدين تنزل النفق و تطلع من النفق تخليك شمال حتلاقي كوبري محرم بيك
تطلع الكوبري و تكمل لحد ماتلاقي كارفور على يمينك
بعد كارفور حتلاقي الطريق بيلف بيك يمين انت كده على الصحراوي
بعد كارفور و اللفة بتاعه الطريق ب 500 متر حتلاقي مطلع محور التعمير على يمينك
اطلع محور التعمير و امشي فيه لغايه اخره حتلاقي نفسك في ال 21
وحتلاقي مدخل اكتوبر قدامك

**M.Osama** · 22-06-2009 05:13 PM

المشاركة الأصلية كتبت بواسطة mido777

اطلع من مدخل اكتوبر - خد يمينك - عدى محطة البنزين اللى على يمينك - فيه دوران صغير خش فيه - امشى فى الطريق ده لأخره
حتتطلع على الصحرواوى تاخد شمال طوالى حتلاقى نفسك عند كارفور

او
نفس الكلم السابق بس مع اختلاف انك حتلاقى فى الطريق اللى بيطلعك على الصحراوى كوبرى فى نصف الطريق
تطلعه وتاخد شمالك حتلاقى نفسك بعد كارفور

والطريق الثانى ده اسمه محور التعمير

المشاركة الأصلية كتبت بواسطة islamnabil

وانت راجع بقى ادخل في الشارع اللي بعد المكتبة (لو انت جاي من محطة الرمل) اللي هو قناة السويس
حتعدي على تقاطع شارع بورسعيد و بعدين الترام (المترو) و بعدين تنزل النفق و تطلع من النفق تخليك شمال حتلاقي كوبري محرم بيك
تطلع الكوبري و تكمل لحد ماتلاقي كارفور على يمينك
بعد كارفور حتلاقي الطريق بيلف بيك يمين انت كده على الصحراوي
بعد كارفور و اللفة بتاعه الطريق ب 500 متر حتلاقي مطلع محور التعمير على يمينك
اطلع محور التعمير و امشي فيه لغايه اخره حتلاقي نفسك في ال 21
وحتلاقي مدخل اكتوبر قدامك

الف شكر ليكم فعلا الوصفات كلها سليمه 100 % :b4_388:

**r0xer** · 25-07-2009 04:19 AM

معلش يااسكندرانية انا مش فاهم الوصفة اللي في الردود هنا...يعني مثلا لو انا دلوقتي هنا على خريطة جوجل

ظ…ظپط§ط±ظ‚ ط§ظ„ظƒظٹظ„ظˆ 21 ظ…ظ† ظ…ط.ظˆط± ط§ظ„طھط¹ظ…ظٹط±
لو من هنا أخش على فين؟

لان بصراحة مش فاهم. ولو في وصفة سهلة بالصور او من خلال جوجل او اخش منين حتى عشان اطلع على الكورنيش....واشمعنى في الوصفات مركزين على كارفور رغم إنه بعيد جدا عن الكورنيش حسب علمي؟

اخوكم شبراوي تاءه في اسكندرية.

**bassam266** · 25-07-2009 09:08 AM

معلش يااسكندرانية انا مش فاهم الوصفة اللي في الردود هنا...يعني مثلا لو انا دلوقتي هنا على خريطة جوجل

ظ…ظپط§ط±ظ‚ ط§ظ„ظƒظٹظ„ظˆ 21 ظ…ظ† ظ…ط.ظˆط± ط§ظ„طھط¹ظ…ظٹط±
لو من هنا أخش على فين؟

لان بصراحة مش فاهم. ولو في وصفة سهلة بالصور او من خلال جوجل او اخش منين حتى عشان اطلع على الكورنيش....واشمعنى في الوصفات مركزين على كارفور رغم إنه بعيد جدا عن الكورنيش حسب علمي؟

اخوكم شبراوي تاءه في اسكندرية.

يا باشا ولا يهمك بص الوصفه ديه من جوه البلد علشان متهش فى الصحراوى و المحور و النزلات بتاعتهم

ملحوظه:
1-(كبر الصور علشان تشوف كويس)

2-خلى بالك من التريلات و متعاندش معاهم

3-سوق على مهلك :)

بص يا معلم حتطلع من اكتوبر عادى و بعدين تمشى زى الصور

و دى بقى و انت رايح الكورنيش بالبنى و انت راجع اكتوبر بالاحمر و بعدين تكمل الطريق عكس ما طلعت على الكورنيش

و لو فيه اى حاجه مش واضحه قلى و انا اوضحهالك.

و لو احتاجت اى حاجه و انت فى اسكندريه كلمنى و انا تحت امرك 0177664747

اخوك بسام

**Eng. Rafy Samy** · 25-07-2009 01:37 PM

10 على 10
وصف احسن من 100 GPS

**r0xer** · 25-07-2009 02:24 PM

ألف ألف شكر يا أستاذ بسام...بس الظاهر اللفة دي زحمة جدا في الاوقات العادية + طويلة حبتين إلا إنها أسهل واحدة بصراحة ومفيهاش لف كتير ولا عك.

طيب مفيش طريق تاني زي salik كدا؟ يسهل الأمور لو الواحد مستعجل مثلاً او الدنيا زحمة؟

معلش بتقل عليك لكن زي منت عارف الامر ميسلمش.

**bassam266** · 29-07-2009 08:39 AM

ألف ألف شكر يا أستاذ بسام...بس الظاهر اللفة دي زحمة جدا في الاوقات العادية + طويلة حبتين إلا إنها أسهل واحدة بصراحة ومفيهاش لف كتير ولا عك.

طيب مفيش طريق تاني زي salik كدا؟ يسهل الأمور لو الواحد مستعجل مثلاً او الدنيا زحمة؟

معلش بتقل عليك لكن زي منت عارف الامر ميسلمش.

هو فيه اللى الاخوه الكرام قالو عليه فى الاول بس المشكله فى نزلات الدولى لازم تشوفها بنفسك لانها حتى على الماب مش حتبان و ممكن تتلخبط فيها و لو نزلت نزله غلط ممكن تروح بلد تانيه اساسا فا انا مرضتش احطهالك احسنلك انزل بدرى شويه و السكه مش زحمه قوى يعنى حتمشى فيها عادى.

و اسف على التأخير بس ظروف الشغل بقى :)

و لو احتاجت اى حاجه و انت فى اسكندريه رقم تليفونى فوق كلمنى و انا تحت امرك