استطلاع : أبيع السفنتينا ... أم ... لا

**نور العمر** · 14-06-2009 06:00 PM

دخلت في مووود اكتئاب مالوش نهاية
ومواردي كلها اصبحت مستنفذة في بلاعة السفنتينا هانم
أنا كنت مصلية صلاة استخارة قبل ما اشتريها
ومؤمنة بالنصيب والقدر
وقدر الله ولطف
لوكانت عربية زيرو كان ممكن التعليم عليها يؤدي لكوارث مادية فادحة ... مش مهم الخسارة إللي خسرتها
ولازلت بعمل أي حاجة فيها بقلب وبضمير
بس والله تعبت وزهقت
ومش مرتاحة فيها كعربية في السواقة
لا تابلوهها عاجبني
ولا عزمها ... ولا وسعها .. ولا كرسي القيادة مريحني
عاوزة حد أقصر مني ... أنا قربت اخبط في السقف
الناس بتفتري في سعر الشراء .. وكلهم تجار
اعمل إيه
اصبر عليها وزي ما تصرف
واللا اعمل اعلان في الوسيط وانا ونصيبي في البيع
أرجو المساعدة

اختكم المكتئبة المحبطة
ظلام العمر :K_crying[1]:

فيورا - موديل 87 - خمسة غيار - رقم كارتيرة - بيضاء - مجددة

**ainshouka** · 14-06-2009 06:09 PM

ينهااااااااااااااااااار اول مرة اشوف نتيجة الاستفتاء تكون 100% دى ولا الانتخابات

**hkyfgvyiyu** · 14-06-2009 06:12 PM

ملوش داعى الاكتئاب شوفى انتى نافعاكى ومش هتقدرى تجيبى حاجا بعديها حلوا خليها تقضى بيها المنشاوير ناويا تجيبى حاجا تانيا تريحك خلاص بعيها وشوفى هتبيعيها على كام واقوليلى ممكن حد تبعى يكون عايزها بس لازممممممممممم تربطى سعرها بحالتها ال انتى مشردها خالص فى المنتدى

**نور العمر** · 14-06-2009 06:17 PM

العربية مش متشركة ولا حاجة
انا حصورها وأحط صورها عشان تشوفوها
بس .. الكل بيقوللي كل المستعمل كدة
صحبتي .. معاها ريجاتا وواخداها من أخوها
وعملت معاها عمايل نقص محصلتش رغم إنها عربية بيتي وكانت تحت نظرها مش مخمومة يعني
في النهاية العربيات أقدام ونصيب وقدر ... حتى لو زيرو .. سبحان الله
ه

**أشرف فتحى** · 14-06-2009 06:25 PM

شوفى يا نور......زى ما قلنا قبل كده دى أول عربيه ودايما بتكون للتعليم ومتزعليش ....السفنتينا كل قطع غيارها رخيصه مش هتبقى مضلعه ولا تضطرى انك تركنيها لغايه ما يتوفر معاكى مصاريف القطع غيار..........كمان علمتك ايه الابلاتين والكوندينسر والدبرياج والكربراتير...يعنى اتعلمى فيها.....

هى كده عملت اللى عليها والخساره اللى هتخسريها ...وإن شاء الله ميبقاش فى خساره.....تعتبرمقابل استخدام وتعليم......أنا أول عربيه إشتريتها خسرت فيها حوالى 5 الاف جنيه بس اتعلمت يعنى ايه عربيه.......

يمكن لو كان معاكى عربيه جديده مكنتيش هتعرفى اى حاجه فى الميكانيكا ولا حتى هتفكرى تفتحى الكبوت وتعرفى تحته أيه؟...صح؟؟

أنا أقصد من كلامى انها مش شاذه عن كل العربيات...أى عربيه مستعمله بيطلع فيها عيوب...ساعات تبقى بسيطه وساعات تبقى مزمنه.....

توكلى على الله واوقفى نزيف الخساره ولو تقدرى إشترى جديد

بالنسبه لطريقه البيع من تجربتى اقولك متبيعيش للى بيفطس فى العربيه...أنا كان الميكانيكى يطلعلى فى العربيه البدع وفى الاخر يختم كلامه.....بتحب أشوفلك حد ياخدها؟ وأقوله لأ.....

ممكن تنزلى لها اعلان على مواقع البيع والمستعمل وفى موضوع مثبت عن المواقع دى ولينكاتها فى البيع والشراء وإن شاء الله يجى اللى يقدرها ويشتريها بتمنها....

ربنا يوفقك ونسمع حكاياتك مع السوناتا ولا الاوكتافيا بدل السفنتينا....

**Samah AbdAllah** · 14-06-2009 06:52 PM

توكلى على الله وبيعيها اذا كنتى تقدرى تجيبى جديد

او تنتظرى لحين توافر الظروف اللى تسمحلك تشترى جديد اذا كنتى ماتقدريش تستغنى عنها ولو انى افضل انك تبيعى قبل ما تخسرى اكتر والمستعمل سعره بينزل

**ams** · 14-06-2009 07:11 PM

الجزء المليان من الكوب :
-انك اتعلمت ميكانيكا السيارات
-اكيد مهاراتك فى القيادة زادت و العربيات الجديدة اسهل
-اتعرضت لمشاكل و كان مطلوب منك حلها و دى خبرة مفيدة جدا
-لما تجيبى عربية جديدة هتعرفى قدرها كويس لانك عارفة ايه اللى ممكن يحصل لو كانت مستعملة ففرحتك بيها هتبقى اكبر

فالموضوع مش سىء قوى كده زى ما حضرتك شايفاه
انا شايف انها لو مضايقاكى فعلا كده بعيها احسن مش مهم الفلوس على قد ما الرضا و راحة البال مهم لان هو ده السبب الاصلى فى دفع الفلوس البحث عن راحة

**YaSSerwIN** · 14-06-2009 07:18 PM

فعلا ً العربية دة ما بيضمرشى فيها انا صرفت فيها 13 الف جنية علشان أحس انى راكب عربية عدلة وابقا مرتاح نفسيا ً ولاكن للأسف لا حياة لمن تنادى مشاكلها لم تنتهى أطلاقا ً

مبدئيا ً صورى العربية وأعملى أعلان فى قسم البيع
وحطى على العربية For SALE

ولاكن فكرى كويس قبل البيع هل يتوفر لديكى مبلغ حتى تستطيعي انك تشترى عربية أخرى فى وقت قصير

هل أستقريتى على عربية معينة ؟

حيث ان الواحد بدون عربية بيتعذب خصوصا ً للى أتعود على العربية

-

مشاهدة نتائج الإستطلاع: ابيع السفنتينا ... أم ... لا

الموضوع: استطلاع : أبيع السفنتينا ... أم ... لا

LinkBack

أدوات الموضوع

عرض

استطلاع : أبيع السفنتينا ... أم ... لا - انشر الموضوع فى :

-

-

-

-

-

-

المواضيع المتشابهه

إلى عشاق السفنتينا ... عودة أجزاء السفنتينا (المجموعة كاملة )

السفنتينا (127) بتاعتي صوت موتورها عالي

على بال ما السفنتينا تتباع ... ترشحولي إيه؟

الجزء التاسع : يا أنا يا السفنتينا ... ومفيش بيع

السفنتينا .... بتكون ماشية وفجأة!!!!!!

الكلمات الدلالية لهذا الموضوع

المفضلات

المفضلات

ضوابط المشاركة