الفانوس الغامق

**fahd_628** · 07-10-2007 01:55 AM

اية الميزة في الزينون(بيني وبينك انا مش فاهم يعني اية زينون اصلا؟؟)

الزينون دة نوع اضائة بيبقى اقوى كتيير من العادى و بيدى اضائة جامدة جدا و دة بيركب بدل نور العربية العادية و بيبقى سعرة غالى فى حدود ال 1600 كدة ممكن اكتر و ممكن اقل

و مبرووووك مقدما على العربية

اما بالنسبة لأسلام باشا انت ما شاء الله مظبط العربية اخر حلاوة يلا الف مبروووووووووك و انا احب التظبيط الخفيف دة احلى حاجة انت بس ناقصلك الزينون و جنوط 16 كدة و يبقى كدة 100 100 :D

الف مبروووووووك مرة تانية و مخلى شكل العربية جامد جدا :)

**إسلام شاهين** · 07-10-2007 01:58 AM

الله يبارك فيكم جميعا

ملحوظات :-
1- الفاميه ده مخصوص للفاونيس غير بتاع الزجاج
2- النوع ده بستحمل ولا غسيل ولا شمس تأثر فيه وطبعا ده كلام اللي ركبه ولولا إني شرط عليه إنه لو أجرب أو فتح هغيره على حسابه مكنتش ركبته
3- هو رول كبير غير بتاع الفوانيس يا مهاتما وتقيل عن بتاع الفوانيس
4- الإضاءة لم تتأثر مطلقا أنا جربته وأنا راجع على الأوتوستراد عادي جدا
5- الزينون يا باشا إضاءة لونها أبيض نيون يعني بس قوية جدا
6- النوع اللي أنا إن شاء الله هو هيلا كوري واطي + عالي هالوجين يعني العالي مش زينون علشان ممكن أرعش بيه لأني شوفت إن الزينون العالي والواطي مالهوش لازمة لأن العالي مش عالي مجرد بس إن اللمبة بترجع لورا فتدي إضاءة أوسع مش أقوى لأني شفته راكب على لانسر عند سبير كار ولما إدى العالي الفرق عادي يعني ونفس القصة عند كريم منير وإحنا راجعين من إسكندرية نفس القصة العالي مالهوش لازمة
7- إن شاء الله أنا هنزل الحرفيين ضروري يوم الإثنين أشوف أنواع زينون تانية قبل الاستقرار على الهيلا الكوري

ملحوظة :- فوانيس الشبورة للانسر اللي عايز لاقيتهم النهارده الأصلي الإثنين ب 425 ده من بقه بدون فصال .

**اسلام المصرى** · 07-10-2007 02:34 AM

شكرا لردك على أسئلتنا يا اسلام :) كنت أستنيت يا باشا لغايت ما تركب الزينون و تشوف أضائته و بعدين تركب الفميه! الفميه ممكن يكون له تأثير بسيط على الأضائة , أنا أقصد أنك تستمتع بأضائة الزينون كاملة بدون الفميه على أساس أن لون النور شكله جامد و يمكن الفميه يبوظ المنظر ده و الله أعلم :) أنت فاهم حاجة :D

**إسلام شاهين** · 07-10-2007 02:42 AM

شكلك وغنتن بتكتب الكلام كده يا سمسم ضارب حاجة حلوة تقيلة يا إما بتكتب وإنت ماسك الطبق !!!!!!!!!!!!!

بص يا باشا أنا مفيمتش إلا بعد مشفته راكب على لانوس وفيرنا والاثنين مركبين زينون

والإضاءة بسم الله ما شاء الله بعيد عنك عمى ، الانوس مركب زينون عالي وواطي اسمه سباي والفيرنا مركب الهيلا الكوري بصراحة الاثنين جامدين وبعدين في سبير كار قالي هديلك سنة ضمان على المواتير واللمض كمان

**Karim_Monir** · 07-10-2007 03:22 AM

مبروك يا اسلام باشا بس بلاش العالي الهالوجين ده
لو شوفت العالي الزينون هاتعرف الفرق
انت ما شوفتوش على الريو كان عامل ازاي
كان بينور 2 كيلو قدام ويخلي اتخن نقل يوسعلك
الهالوجين ده هايبقي زي العالي اللي انت شوفتة في عربيتي امبارح واديك شوفت الواطي بيتعبلي عينا في السفر
ولو في الشتاء بيبقي الموضوع اصعب او لو في مطر
حاجة كمان مافيش زينون في الحرفيين ممكن تنزل شارع دمش
الحرفيين مش هاتلاقي الكماليات دي

رينا يوفقك ولو عايز اي حاجة انت معاك التليفون

**اسلام المصرى** · 07-10-2007 11:38 AM

شكلك وغنتن بتكتب الكلام كده يا سمسم ضارب حاجة حلوة تقيلة يا إما بتكتب وإنت ماسك الطبق !!!!!!!!!!!!!

بص يا باشا أنا مفيمتش إلا بعد مشفته راكب على لانوس وفيرنا والاثنين مركبين زينون

يعنى حاجه كده بس مش ماسك الطبق :D الله ينور يا باشا كده طمنتنى , وسخنتنى على تركيبه!! ربنا يستر و يسهل :)

**emadfk** · 07-10-2007 12:39 PM

مبروك إسلام باشا عالفيمية بتاع الفوانيس و مبروك مقدماً عالزينون

**Adham** · 07-10-2007 12:42 PM

والله سخنتوتني عالزينون انا كمان بالذات اخوكم لابس نضارة و مع السن بقى مش بيشوف كويس بالليل :shock:

طيب يعني الاحسن اجيب الهللا الكوري و للا السباي يا إسلام باشا و اسعارهم اية

و ياريت أستاذ كريم يقولي اية الزينون اللي مركبة و مرتاح معاهنوعه ومميزاتة و منين بكام
:)