بشرى لكل من يريد اقتناء اسبرنزا

**hanisosta** · 15-06-2009 04:16 PM

يا جماعة انا بالصدف رحت ابو الفتوح المركز الرئيسى فى كورنيش المعادى

وعرفت هناك ان ابو الفتوح يتعامل مع بنك ABC وبيدى فائدة 6% دة رقم مش موجود فى مصر دلوقتى
انا مشيت ف الاجراءت وهى سهلة جدا
وان شاء الله سوف اقتنى محبوبتى A516
وادعولى

**rms1986** · 15-06-2009 05:59 PM

اخي الكريم

بارك الله فيك

احذر من الفوائد فهي من الربا من اكبر الكبائر
وعاقبته وخيمه وما حدث بالازمه لعالميه جراء مثل هذه الفوائد ليس ببعيد

نصيحه لوجه الله دور على نظام تقسيط اسلامي بنظام المرابحه وبدون فوائد تماما

**أحمد فاروق سيد** · 16-06-2009 03:21 AM

بسم الله الرحمن الرحيم
الَّذِينَ يَأْكُلُونَ الرِّبَا لاَ يَقُومُونَ إِلاَّ كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ذَلِكَ بِأَنَّهُمْ قَالُواْ إِنَّمَا الْبَيْعُ مِثْلُ الرِّبَا وَأَحَلَّ اللّهُ الْبَيْعَ وَحَرَّمَ الرِّبَا فَمَن جَاءهُ مَوْعِظَةٌ مِّن رَّبِّهِ فَانتَهَىَ فَلَهُ مَا سَلَفَ وَأَمْرُهُ إِلَى اللّهِ وَمَنْ عَادَ فَأُوْلَـئِكَ أَصْحَابُ النَّارِ هُمْ فِيهَا خَالِدُونَ
[البقرة : 275]

بسم الله الرحمن الرحيم
يَمْحَقُ اللّهُ الْرِّبَا وَيُرْبِي الصَّدَقَاتِ وَاللّهُ لاَ يُحِبُّ كُلَّ كَفَّارٍ أَثِيمٍ
[البقرة : 276]

بسم الله الرحمن الرحيم
يَا أَيُّهَا الَّذِينَ آمَنُواْ اتَّقُواْ اللّهَ وَذَرُواْ مَا بَقِيَ مِنَ الرِّبَا إِن كُنتُم مُّؤْمِنِينَ
[278]
فَإِن لَّمْ تَفْعَلُواْ فَأْذَنُواْ بِحَرْبٍ مِّنَ اللّهِ وَرَسُولِهِ وَإِن تُبْتُمْ فَلَكُمْ رُؤُوسُ أَمْوَالِكُمْ لاَ تَظْلِمُونَ وَلاَ تُظْلَمُونَ
[البقرة : 279]

بسم الله الرحمن الرحيم
يَا أَيُّهَا الَّذِينَ آمَنُواْ لاَ تَأْكُلُواْ الرِّبَا أَضْعَافاً مُّضَاعَفَةً وَاتَّقُواْ اللّهَ لَعَلَّكُمْ تُفْلِحُونَ
[آل عمران : 130]

بسم الله الرحمن الرحيم
وَأَخْذِهِمُ الرِّبَا وَقَدْ نُهُواْ عَنْهُ وَأَكْلِهِمْ أَمْوَالَ النَّاسِ بِالْبَاطِلِ وَأَعْتَدْنَا لِلْكَافِرِينَ مِنْهُمْ عَذَاباً أَلِيماً
[النساء : 161]

**nav man** · 18-06-2009 12:06 PM

ممكن تجبها من توكيل دايهاتسوا هم بيقسطوا اي نوع

**ashraf229** · 18-06-2009 12:48 PM

مبروك مقدما

يعطيك خيرها و يكفيك شرها أرحم الراحمين..........

**arc_sherif_81** · 07-07-2009 11:45 AM

عليه البيئه و التكيف و الكاسيت مشاكل متكرره
اسعار الصيانات الدوريه غاليه
قطع الغيار غير معمره
عربيه مش بتاعت شغل
غير ان التوكيل زحمه ومقرف و لما تروح فيه هتستني العربيه 7 او 8 ساعات
التوكيل فرع واحد في ابو رواش و الباقي مراكز معتمده و اي مشكله في الضمان لازم تروح الفرع الرئيسي و إلا تصلح علي حسابك
الفرع الرئيسي مفوش حجز يعني تروح من الفجر علشان تحجز دور بدري
صيانه ال 30 الف هتكلف 1700 جنيه
صندوق البيئه ثمنه 1200 جنيه غير المصنعيه

نصيحه العايز يشتريها يروح يوم التوكيل الرئيسي في ابو رواش و يعد الخناقات الهناك بسبب مشاكل العربيه و خلو بالكم في توكيل و في مركز معتمد في ابو رواش و الهيدفع 67 او 68 الف مش خساره ان يضيع يوم هناك علشان يتاكيد و ميندمش بعد كده خصوصا ان لو اشتراها هيضيع بعد كده ايام كتير هناك ده كان في ناس بتيجي لنفس العيب 7 مرات و مبتصلحش بردو

**Samehrock2002** · 27-05-2010 04:07 PM

انا روحت توكيل ابو الفتوح كورنيش المعادى وقالولى الفائدة 8.8% على الاسبرانزا a113

**evram** · 27-05-2010 06:58 PM

ان شاري من سيتي بنك بفايدة 11 في المية مقدم 20 الف و قسط 1230 علي خمس سنين

**egypt0777** · 31-05-2010 03:16 PM

المشاركة الأصلية كتبت بواسطة arc_sherif_81

عليه البيئه و التكيف و الكاسيت مشاكل متكرره

الكلام ده نسبى من عربية للتانية و مشكله علبة البيئة انها لازم تتلحم كهرباء ---- وممكن تروح عند شكمانات ابو اليزيد لعمل ذللك --- فعلا علبة البئة غالية تعدى ال 1000 ج و هى مستورده ولو باظت ده تتغير على الضمان (لو التوكيل اصلا محترم)

اسعار الصيانات الدوريه غاليه

اسعار الصيانات رخيصة جدا ---- اغلى صيانة هى ال 30 الف اللى فيها تغير سيور و ده ب 400 جنيه

قطع الغيار غير معمره

كلام سليم لا يختلف عليه اى حد --- وده غعلا مشكله العربية --- ابو الزفت بيحط فيها اسواء ما تتخيله

عربيه مش بتاعت شغل

العربية ده عمليه جدا لو ركب فيها قطع غيار نظيفة بس --- غير كده قلتها احسن

غير ان التوكيل زحمه ومقرف و لما تروح فيه هتستني العربيه 7 او 8 ساعات

كلام مضبوط جدا -----

التوكيل فرع واحد في ابو رواش و الباقي مراكز معتمده و اي مشكله في الضمان لازم تروح الفرع الرئيسي و إلا تصلح علي حسابك

ابو رواش -- هو المخزن الرئيسى لقطع الغيار --- وكلامك مضبوط -- بس ممكن مركز الخدمه تركب تبع الضمان بشرط تيجى موافقة من ابو رواش --- المشوار ده ياخد 3 اسابع او اقل

الفرع الرئيسي مفوش حجز يعني تروح من الفجر علشان تحجز دور بدري

الكلام ده اتغير خلاص و بقى بالحجز و تيجى الساعة 8 صباحا فى معادك و موضوع الفجر ده انتهى خلاص

صيانه ال 30 الف هتكلف 1700 جنيه

التكلفى الاساسية لصيانة ال 30 كالتى

زيت ز فلتر == 300 ج
سيور و بلى == 500 ج
مصنعيات == 400 ج

صندوق البيئه ثمنه 1200 جنيه غير المصنعيه

كلام سليم جدا

نصيحه العايز يشتريها يروح يوم التوكيل الرئيسي في ابو رواش و يعد الخناقات الهناك بسبب مشاكل العربيه و خلو بالكم في توكيل و في مركز معتمد في ابو رواش و الهيدفع 67 او 68 الف مش خساره ان يضيع يوم هناك علشان يتاكيد و ميندمش بعد كده خصوصا ان لو اشتراها هيضيع بعد كده ايام كتير هناك ده كان في ناس بتيجي لنفس العيب 7 مرات و مبتصلحش بردو

الخلاصة العربية ده اللى مبوظها التوكيل الحرامى بتعها --- وهى حرام فى وكيلها انك تجبها زيرو --- لو مستعمله يبقى صفقة رابحة بشرط انك تنسى التوكيل و تصلح عند واحد ميكانيكى محترم انت واثق فيه عشان العربية ده مش كميا

استاذ اسمحلى اعدلك شوية فى مدخلتك من وجهة نظرى الحيادية