رأيكم فى اقتناء ال zx

**captain3ssam** · 20-09-2009 06:29 AM

كل عيد فطر وانتم طيبين هذه اول مشاركة لى واريد من اهل الخبر النصيحة
انا بسمع اغلب الناس يسمعوا ستروين يقولوا بلاش منها واللى معاه العربية بيشكر فيها جدا
رأيى الشخصى مع انى مجربتهاش ان عربية فيها الكماليات دى وارخص من الماركات الثانية اللى فى نفس كماليتها فى حدود 10.000 جنيه تبقى فرصة كويسة وموضوع الخسارة لما تيجى تبيع لو العربيات كلها رخصت هتبيع رخيص زيهم وتشترى من الماركات التانية بالرخيص برده
دى وجهة نظرى واتمنى من اهل الخبرة رأيهم
لأنى مقدم على شراء zx واريد نصيحتكم

**elansary** · 20-09-2009 11:10 AM

هقولك علي حاجة مميزتها عربية قوية جدا صاجها قوي والمحرك معقول استهلاك البنزين كويس واسعة من جوا عفشتها مريحة جدا ثباتها كويس
عيوبها قطع غيار غالية جدا ومش موجودة في اي مكان بتسخن وطبعا فيها حاجات انا مبحبهاش ذي مكان الكلاكس ومكان الزجاج الكهربي بس بصراحة هيا افضل كتير من عربيات موجودة زي اللانوس والفيرنا وغيرهم بس حظها شوية ومشكلة قطع الغيار مودياها في داهية

**elansary** · 20-09-2009 11:13 AM

نسيت اقولك مش اي ميكانيكي بيفهم فيها

**mostafa3000** · 20-09-2009 12:58 PM

انا كان معايا ax من 97 الي 2003 والعربية كانت معايا زي الفل كنت بحط بنزين وزيت وفلاتر وخلاص
بصراحة الستروين عربيات محترمة ومش واخدة حقها في مصر بسبب الوكلاء السيئون
عموما دي عربيات بسعر ال 28
وبامكانيات العربيات الكبيرة
اتوكل علي اللة وهاتها بس بص علي العربية كويس ودايما اعملها الصيانات الدورية كل 10000
وربنا يوفقك للخير

**captain3ssam** · 20-09-2009 06:33 PM

اشكركم لاهتمامكم
لكن الاخ اللى بيقول انها بتسخن دى اول مرة اسمع عنها كدة
اللى معاه zx هل هى بتسخن فعلا
اللى اعرف ان مشكلتها السخونة وملهاش حل هى الفليشيا
مش كدة برده؟

**captain3ssam** · 20-09-2009 06:35 PM

وعلى فكرة انا من اسكندرية قطع غيار العربية موجودة وسعرها غالى نسبيا فعلا لكن مش غالى قوى لكنها معمرة
قطع غيار zx ارخص من ax

**captain3ssam** · 20-09-2009 07:56 PM

ممكن من اصحاب ال zx معلومات عن الاعطال الشائعة فيها
ولكم جزيل الشكر
وشكرا لادارة المنتدى

**ramy_gamal** · 22-09-2009 12:16 AM

انا معايا العربيه من 97 لحد دلوقتى وشغاله زى الفل محصلش معايا اى عطل والحمد لله هى اساسا مفيهلش مؤشر للحرارة ... لمبه بس ولغايه دلوقت اللمبه منورتش خالص عربيه متينه وسعرها رخييييييييييييص جدا