الموضوع: هوه الـgps لازمله تصريح

هو الموضوع غريب شوية لأن لسة مفيش اى قرار بالنسبه ليه نزل فى المرور
بس خلى معاك صورة من التصريح اللى كان نازل فى الجريدة وخليه شغال عادى
واللى يسألك وريله التصريح

بس اهم حاجة انك متكونش حاطط الشاشة فى مكان عائق للرؤية لان عربيات الفابريقة الشاشة بتبقة جوه التابلوه فحاول متخليهوش فوق التابلوه عندك

بس عاوز اعرف انت مشغله ازاى ؟
بعنى برنامج ايه والشاشة شكلها ايه والتكلفة كام
وهل هو عملى وسريع فى التقاط الاشارة ولا ايه

ياريت تحكى تجربتك معاه

تقريبا على ما سمعت وانت عارف احنا شعب بتاع انا سمعت هما بيقوله انه الاجهزه الى مسموح بيها فقط من وزاره الاتصالات على شان كده شيله احسن فى اللجنه ممكن يكون اصلا الظابط رخم انا مره جبت الستاره الخلفيه دى وظابط قالى ياتشيلها يا تدفع مخالفه شلتها راح هو قالى ورينى كده ادتهاله راح واخدها قولت فى 60 الف سلامه ومحدش يقولى الى عملته غلط هو معاه قانون يحميه انا لا ثم ان كلمتى ملهاش اى لزمه يعنى هو الكلمه الى هيقولها هى الى صح وانا الغلط فمحدش يقفل معاهم احسن
وانت الجهاز بتاعك مش رخيص فاشيله فى اللجنه وابقى ركبه تانى
واصبور لما يطلع تصريح رسمى من وزاره الداخليه على شان الى فى اللجنه من وزاره الداخليه مش من وزاره الاتصالات وانت عارف هنا كل وزاره مع نفسها.
شكرا

مشكوريين على الرد جميعا
وشكلى كده هفضل على حالى " أخلعه كل ما أدخل على لجنه أو كمين"
كده أضمن بدل ما الجهاز يتصادر ولا حاجه.

بس عاوز اعرف انت مشغله ازاى ؟
بعنى برنامج ايه والشاشة شكلها ايه والتكلفة كام
وهل هو عملى وسريع فى التقاط الاشارة ولا ايه

ياريت تحكى تجربتك معاه

الجهاز عباره عن حاجه كده زى الـ MP4 شاشه
https://buy.garmin.com/shop/store/as...0/en/cf-md.jpg
نوع الجهاز هو Garmin Nuvi 255W
وهو جهاز جى بى اس فقط
ليس به بلوتوث ولا ديفى دى و MP3
مجرد تحديد مواقع .
بالنسبه للخرائط باستعمل خرائط من منتديات أجنبيه "عن طريق جوجل"
ولكنها ليست دقيقه.وبحاول انى أرسم خرائط من جوجل إيرث للمناطق التى استخدمها ولكن الخرائط التى ارسمها لا تدعم التوجيه التلقائى.
الجهاز عملى لو فى خرائط كويسه ليه
جبت خريطه العالم وكان بها الطرق السريعه فى مصر وكانت جيده جدا ولكن للطرق السريعه "أخر تحديث لمصر كان قبل الدائرى ما يتعمل" هههههه انت قولوا هى من سنه كام
معدل التحديث سريع جدا لن تلاحظ اى تأخير.
للأسف انا لسه جديد فى الموضوع وكنت ناوى اعمل موضوع عن الخرائط وكيف يمكن رسمها لعل وعسى حد يشارك بمنطقتهز ولكنى منتظر ان ألم ببعض الأمور.
الشاشه بعلاقها فى حامل زى بتاع الموبايل على الزجاج الأمامى.
وفيه معاه مصدر كهرباء شاحن ولاعه.
موقع الشركه
https://buy.garmin.com/shop/shop.do?pID=13431

لو فى اى إستفسار انا تحت أمركم
ولو فى حد عنده معلومات زياده ياريت يضيفها

انا اتفرجت عليه فى المعرض كان الجهاز نازل بالبرنامج بتاعه كامل وبيتعمله ابديت مجانا
وفى احجام من 3.5 بوصة الى 7 بوصة
مش فاكر الراجل قالى البرنامج (Sygic) بتشتريه ب 300 دولار ولا كام ومش عارف الشاشة بكام دولار ....ارقام غريبة

المهم ان شوفته بردو فى المعرض شاشة بالبرنامج نوعه سيمفونى ب 1300 جنيه

بس انت لو عملت بحث كويس ودورت على النت هتلاقى الخرايط الجديدة وكل حاجة ليه