ليه الـgps ممنوع في مصر ؟؟؟

**abou_ruqi** · 04-02-2009 05:12 PM

إذا كانوا منعينوا علشان التجسس (مش فاهم إزاي؟) بس الأجانب كلهم معاهم الجهاز وعليه خريطة مصر و بيعملوا سفاري في مصر أخر حلاوة

أما إذا كانوا منعينوا علشان تجار المخدرات , فتجار المخدرات يعرفوا الصحارى أحسن من الحكومة نفسها فمش محتاجينه أصلا

ده غير إنه متاح بالفعل متهرب وأكيد هما معاهم !!!!

أمل هو ممنوع على الخلق ليه بقه ؟؟؟

هو مش الدستور المصري بيتيح للمواطن المصري حرية التحرك على أرض مصر بدون أن يسأل ؟؟

طيب إيه المشكلة إن المواطن يعرف هو فين ؟ ويروح الحتة اللي هو عايزها إزاي ؟؟؟

حد يعرف أي دولة تانية في العالم منعت الـGPS ؟؟

**M.Osman** · 04-02-2009 05:22 PM

عشان انت اكيد فى مصر

(........................)

**yehia** · 04-02-2009 05:23 PM

من ناحية الدول اللى مانعة ال GPS ...... دول كتييييييييييييير قوى قوى..... لو فاضى شوية وعندك وقت أقولهملك....
شوف يا سيدى....

مصر.....
سوريا....
كوريا الشمالية.....
انتهى.....

شوفت بقى انها ممنوعة فى كل حتة ؟

أما بخصوص جزئية انهم فاكرينا تجار مخدرات فعشان كده مانعينه.... هو منين حضرتك متأكد إن اللى بيتاجروا فعلا فى المخدرات ممعاهمش GPS ونص كمان؟ أكيد يعني اللى حيهرب ممنوعات يقدر يهرب "ممنوعات" تانية... ولا اييه؟

**abou_ruqi** · 04-02-2009 05:40 PM

ما انا قلت كده

ده غير إنه متاح بالفعل متهرب وأكيد هما معاهم !!!!

؟؟؟

بس يا تري ايه هو الرابط بين التلات دول دول ؟؟

**amir** · 04-02-2009 05:43 PM

المشاركة الأصلية كتبت بواسطة abou_ruqi

بس يا تري ايه هو الرابط بين التلات دول دول ؟؟

الرابط يا سيدي الفاضل انها دول تحكم شعوبها بالقهر و التعسف

**heshaaam** · 04-02-2009 07:07 PM

هى دى مصر الجديدة

**elassar2010** · 04-02-2009 07:15 PM

اهى غلاسة وخلاص

**badry** · 04-02-2009 07:50 PM

ماهية دي ثقافة المنع من أجل المنع بتاعت القائمين على البلد.........
نبيل فاروق قعد يكتب في الموضوع بتاع إل Gps ده كتير أوي في الدستور .....

**شاهين - بنز** · 04-02-2009 08:03 PM

أنا بستغرب أوي الموبيلات إللي بتتباع في مصر وسعرها غالي قوي ومن غير gps
على سبيل المثال ال nokia 5800 في مصر ب 3000 جنيه ومن غير gps
5800 جايبه من السعودية ب 2200 جنيه ومزود ب gps
طيب مين العبقري إللي حيزود 800 جنيه عشان يجيب نفس الموبايل وكمان من غير gps إللي أنا شايفها ميزة أساسية مقدرش أسافر من غيرgps خصوصا الأماكن إللي أول مرة أروحها
وكذلك ال htc hd في مصر ب 5600 من غير ال gps وبره ب 4000 جنيه (شامل الشحن لمصر) بال gps ??????????

بيصعبوا عليا قوي بتوع العربيات الفاخرة تلاقيه دافع مليون ونص وفي الآخر العربية مفيهاش gps مسخرة
والله معرفش البلد دي عايزه مننا إيه ماتسيبنا في حالنا بقى مش كفاية الجمارك الخرافية والشوارع المكسرة والبلاعات العجيبة والمطبات الجبلية وكمان ال gps
ومن هنا ببارك لكوريا الشمالية إللي لسه داخلها خدمة المحمول من كام شهر على يد سويرس وعقبال مايخشلهم التلفزيون