هو فعلاً في ناس كده ؟؟؟

**ahmed elsherif** · 16-06-2009 06:32 PM

لا متضيعهاش من ايدك مش هتلاقي عروسه ارخص من دي
بس ياريت تقابل ابوها وتقوله بنت مش من مستوايا انا عاوز حد مستواه اعلي من كده

**Ahmed Selim** · 16-06-2009 06:36 PM

المشاركة الأصلية كتبت بواسطة hamedo0

هو ممكن اسائل حضرتك ايه السعره مناسب ده 120الف واحده من دول يجوزوني واجيب عربيه صغيره بس هما فين

20 ألف بس يا باشا...ال 1 ده أول حرف فى كلمة " ألف"
يعنى حاجة ببلاش كده

المشاركة الأصلية كتبت بواسطة iceheartedgirl

دا مقلب فلعريس صح؟

هههههههههههههههههههههههه

المشاركة الأصلية كتبت بواسطة freeefair

صحبك ده لازم يقلب
وخليها قاعده جنب ابوها
لما فى الاول وديه الطلبات
امال كمان شويه هيحصل ايه

هو فعلاً صرف نظر.........بس تقريباً عن الجواز عموماً

المشاركة الأصلية كتبت بواسطة نور القمر

انا بصراحة مش غايظني الا الكوافيرة والفستان ب 20 ألف ليه الاميرة ديانا ولا ايه ههههههههههههههه
طبعا ده شغل تطفيش
ولو هي موافقه والدها على كدة يبقه يسيبه منها خالص
يعني يبقه جواز وخراب ديار

10 ألاف بس يا نور........متظلموش الراجل بقى

المشاركة الأصلية كتبت بواسطة baskota

انا معترضة على الاسلوب نفسه بغض النظر عن الاسعار نفسها معلش يعنى من غير زعل فى واحد بيتجوز بال 20 الف دول بتوع الكوافير والفستان

لكن اعمل قائمة بالطلبات وبالاسعار هو رايح سوبر ماركت

ده زواج ونسب وتكوين اسرة مش عملية بيع وشرا وهو مش من حق اصلا يحددله اسعار اى حاجة ان شاء الله يجيب العفش كله ب 10 الاف جنيه هو حر

انا اتعصبت ليه كده مش عارفة

هو صاحبك حالته ايه بعد ما شاف الورقة دى لسة هادى وعاوز يتجوز

صرف نظر تماماً :)

المشاركة الأصلية كتبت بواسطة nadernabil

ربنا يخليلي حمايا :)

نفس اللى أنا قلته يا نادر و الله

المشاركة الأصلية كتبت بواسطة emadkamel

انا عايز يا احمد اعرف سيناريو كتابه الفاتورة ... اقصد الورقة دى

بجد بجد ... نفسى اعرف يعنى الكلام فى القعده كان عامل ازاى ... والراجل قاعد بيكتب .. ولا هو كان محضرهاله ولا ايه ... وايه راى العروسة ... انا مش قادر لحد دلوقتى اتخيل ايه اللى يخلى اب يعمل كده ... هل مثلا بالذوق بيعرف صاحبك انه مش قد الجواز ... ولا بيعة وشروة

فعلاً مش عارف يا عمدة التفاصيل بالظبط بس اللى فاكره أن بعد كذا قعدة مع الراجل أداله الورقة دى و كان عامل منها نسختين.........واحده لصاحبى و واحده ليه :)

على فكرة........أنا نسيت حاجة مهمة جداً صاحبى قالى عليها بعد لما بعتت الموضوع
صاحبى عنده شقة بس الراجل جايب شقة لبنته فى نفس العمارة اللى هما ساكنين فيها و عاوزه يسكن فيها........يمكن عشان كده بيطلب طلبات كتير على أساس أنه مش محمل العريس تمن شقة...........بس برضه الأسلوب مش عاجبنى.

**Ahmed Nouh** · 16-06-2009 07:13 PM

طيب متعرفش عرف يخلص معاه على كام ؟؟

اصل بصراحه مش شايف معنى للورقه دى غير مجرد بيعه معاك حمل وادفع وشيل على بركه الله

**elassar2010** · 16-06-2009 07:17 PM

هو كدة حدد انة عايز عريس يشترى بنتة يعنى بايدة هو خلى بنتة سلعة للى يدفع اكتر يعنى بيتاجر فيها
وكدة الى هيقدر يشترى بنتة يا واحد فى سن والدها لان هو دة الى هيكون معة التمن لان اى شاب فى بداية حياتة مستحيل يكون معاة التمن دة
او يبعها لواحد عربى يتجوزها ويسافر بيها ويشغلها خدامة لمراتة الاصلية وتبقى مراتة باليل فقط زى اغلب الى باعة بناتهم لعرب علشان شوية ريالات ودينارات

**Drift_Lover** · 16-06-2009 07:38 PM

انا مش لاقي كلام أقوله...
لأن الموضوع فعلا مستفز...

**OlaOsman** · 16-06-2009 07:52 PM

المشاركة الأصلية كتبت بواسطة Ahmed A.Maksoud

على فكرة........أنا نسيت حاجة مهمة جداً صاحبى قالى عليها بعد لما بعتت الموضوع
صاحبى عنده شقة بس الراجل جايب شقة لبنته فى نفس العمارة اللى هما ساكنين فيها و عاوزه يسكن فيها........يمكن عشان كده بيطلب طلبات كتير على أساس أنه مش محمل العريس تمن شقة...........بس برضه الأسلوب مش عاجبنى.

طيب بلاش الشقة اللي جايبها لبنته دي و خللي صاحبك يصر على إنه يتجوز في الشقة اللي جايبها هو من حر ماله، و يبيع الأستاذ والد العروسة الشقة بتاعة بنته و يجهز بتمنها مع العريس النص بالنص أو حسب الاتفاق. انما بالطريقة دي انا آسفة يعني ده حد مش عايش في الدنيا أصلا