الموضوع: هو فعلاً في ناس كده ؟؟؟

المشاركة الأصلية كتبت بواسطة عزيز محمد

أنا خايف بس إن الصورة دى توصل بأى شكل لوالد العروسة، وساعتها حينظر لصاحب حضرتك نظرة مش كويسة باعتباره "راح نشر الاتفاق بتاعنا على النت علشان يسوء سمعتنا، الحمد لله إن الجوازة ما كملتش".

ربما يكون من الأفضل إن حضرتك تحذف الصورة مع كتابة ما بها من بنود.

اولا انا عمري في حياتي ماشفت ورقه زي دي يعني انا عارف ورقه القايمه انما دي جديده
ومن رايي انو لو ابو العروسه شاف او عرف بهذا الموضوع المفروض يبص لنفسه ويتكسف علي دمه مش العكس

الحمد لله على النعمة الي الواحد فيها
هي الثلاجة الـ 26 قدم زي الي عند الجزارين صح
اصل انا عندي 20 بحس اني ممكن ادخل جواها و انام
لازمتها ايه 26 قدم
الناس دي بتبص تحت رجليها و الله
بالطريقة دي ممكن تعنس فعلاً من غير تريقة
ده الطلبات دي المفروض يطلبها من واحد عدى 40 سنة
مش شاب لسة بيكون حياته
الحمد لله بجد على النعمة الي انا فيها
تصدقوا اني ماجبتش شبكة و حمايا هو الي اصر اني ما اجبش علشان ساعتها الدهب كان 112 للجرام و قالي حرام و ممكن تجيب بالفلوس حاجة تانية في الشقة و كدة و عمره ما قلي تجيب بكام و الله بالعكس لما كنت بجيب حاجات غالية كان بيزعل
و الحمد لله في خلال سنة بعد الجواز
ربني كرمني بشغل احسن من الي كنت فيه و كملت بقيت الحاجات الي ناقصة زي التكيفات
و جبت تليفزيون تاني و جبت عربية سيئة جداً اسمها افيو و الحمد لله كاش و كل ده في سنة بالظبط
انا بقول كدة ليه
المفروض ما يحكمش على الانسان الي قدامة مادياً لان المادة بتتغير يا اما تروح يا اما تزيد
و على راي المثل يا واخد القرد على ماله يروح المال و يفضل القرد على حاله
و عندي جوز اختي بردو
لما جه اتقدملها كان شغال في صيدلية
دلوقتي و بعد 8 سنين بقى مدير انتاج شركة فرنسية كبرى لصناعة الادوية
يعني من الاخر دوام الحال من المحال
و إذا كانت الجوازة ما باظتش خلي صاحبك يخلع و هيلاقي احسن من كدة بكتيييييييييييييييييييييي يييير
و الي هيتجوز ما يفتكرش انه هيتجوز البنت بس علشان في ناس بتفكر كدة يقولك لما تبقى في بيتي انا الي همشيها و محدش ليه كلمة عليها و الكلام ده
لاء الي بيتجوز بيتجوز البنت و اهلها معاً و حط تحت الجملة دي مليون خط
يعني لو واحدة ما فيهاش عيب و زي القمر و اهلها بالنوعية دي اخلع على طول