إفتخروا بأبو تريكة ! و شوفوا جريدة التايمز كاتبة إيه !

**M.almaghraby** · 17-06-2009 01:28 PM

المشاركة الأصلية كتبت بواسطة Haitham10

خلونا في فرحتنا ياجماعة احسن عشان في ناس غاوية دايما تنكد وخلاص وكل واحد علي اد عقليته برضه

وانا عرفت ليه تريكه بيقطع اي حاجه صفرا فعلا ً

**SeiffoZ** · 17-06-2009 03:55 PM

أنا ماليش فى الكورة و مش بحبها أصلا و لا بتفرج عليها ...

لكن إللى سمعتوا و شفته من و عن أبو تريكة مش عاجبنى ...

أولا الصحافة و الناس بيعاملوه كقديس .. يعنى كلام المذيعين (من مش نفسه أبو تريكة يبقى أبوه أو أخوه) .. إيييه

يعنى ما عملوش كده فى رونالدوا ... الرجل مش نبى عاشن يمجدوه .. ده مجرد لاعب كره قدم بيلعب كويس و أخلاقه

حلوة ... مش أكتر .... لييه بقى التمجيد الزيادة ده ... ده هيأثر عليه داخليا هتقولى متواضع هقولك لأ بردوا هيبدأ فى

الغرور ...

ثانيا المصريين لما حد يعمل حاجة صغيرة يعظموه و يرفعوا بيه السما ... بحسهم بيحبوا المظاهر و خلاص ...

أبو تريكه بردوا الكلام إللى صدر عنه و شفته إنه بقى بيستهبل كتير .. بمعنى كل شوية عايز يقع و يأخذ ضربة جزاء ..

فين بقى التدين و هو أصلا عايز يأخذ أكتر من حقه؟؟؟

اللاعب كويس و محترم .... لكن هو مش قديس و ما تدوهوش أكبر من حجمة ... يا جدعان دا إحنا مسلمين يعنى

بنغظم الخالق بس ...

زى بردوا التعامل مع واحد فى بالى بس مش هتكلم عشان عايز أبات فى بيتنا إنهارده

بس ده رأيى كله ...

و محدش يقوللى إنت متحامل عشان حد, أقولكم أنا بكره الكورة أصلا ....

**OlaOsman** · 17-06-2009 04:08 PM

من غير تحليلات و فلفسات كتيرة.. الراجل ده الناس بتحببببببببببببببه.. و بس

**Eslam.Adly** · 17-06-2009 04:12 PM

المشاركة الأصلية كتبت بواسطة Relentless_mayhem

زى بردوا التعامل مع واحد فى بالى بس مش هتكلم عشان عايز أبات فى بيتنا إنهارده

على فكرة فهمت قصدك اية.
وكل لبيب بالاشارة يفهمو.

**MoToRiZeR** · 17-06-2009 04:36 PM

يا جماعة هو إحنا ليه عندنا جلد الذات و عدم الرغبة في الفرحة دي و التقليل من كل إنجاز !

المشاركة الأصلية كتبت بواسطة olaosman

من غير تحليلات و فلفسات كتيرة.. الراجل ده الناس بتحببببببببببببببه.. و بس

بالضبط يا علا .. حتي الناس برة إبتدت تتابعه و تحبه .. !

المشاركة الأصلية كتبت بواسطة relentless_mayhem

أنا ماليش فى الكورة و مش بحبها أصلا و لا بتفرج عليها ...

لكن إللى سمعتوا و شفته من و عن أبو تريكة مش عاجبنى ...

أولا الصحافة و الناس بيعاملوه كقديس .. يعنى كلام المذيعين (من مش نفسه أبو تريكة يبقى أبوه أو أخوه) .. إيييه

يعنى ما عملوش كده فى رونالدوا ... الرجل مش نبى عاشن يمجدوه .. ده مجرد لاعب كره قدم بيلعب كويس و أخلاقه

لنفرض حضرتك إن ده صح .. هل دي تبقي غلطته ولا غلطة الصحافة ؟ تاني حاجة من حقه كل تمجيد .. شوف إنجازاته إيه مع الأهلي و المنتخب .. شوف كام مرة كان سبب الفوز للأهلي ببطولة أبطال أفريقيا و أبرزهم الجول الحاسم في الصفاقسي .. جون الفوز للمنتخب في نهائي بطولتي أفريقيا 2006 و 2008 .. دائماَ هو العمود الفقري للفريق اللي بيلعب فيه و لمساته سحرية .. لاعب زي ده مش من حقه كلمتين حلوين ؟! معملوش كدة لرونالدو لأنه مش مصري .. و لو حضرتك شفت بيعملوا إيه لرونالدو في البرازيل هتعرف إننا مبنعملش حاجة .. الناس برة بتعمل للعيبة تماثيل و ترسم صورها علي دراعاتها بالوشم ! و مارادونا كان فيه إتجاه في الأرجنتين إنهم يحجبوا رقم 10 من الفريق عشان محدش يستحق يلبسه بعده ! رغم إنه بتاع مخدرات و فضايحه لا تقل عن إنجازاته و موهبته .. يبقي الموضوع ملوش علاقة إن المصريين بتوع مظاهر و يحبوا يعملوا من الحبة قبة .. و أكيد أبو تريكة مش بيروح لكل صحفي يحطله عشرين جنيه في إيده زي ما بنعمل ما أمناء الشرطة !

الناس دلوقت من البرازيل و أمريكا و كندا و ألمانيا و إنجلترا بتقول إن فيه لاعب من صفوة لاعبي العالم بيلعب في منتخب مصر .. و إحنا نيجي نقول و الله ده لاعب معموله بروباجندا و ممثل و علي إيه كل ده يعني .. يبقي المصريين مش بيحبوا المظاهر و يعملوا من الحبة قبة .. لأ ده يبقي المصريين بيحبوا جلد الذات و التقليل من نفسهم و فقدوا الإيمان بإن فيه أي شئ حلو ممكن يطلع من البلد دي! فا منتعبش نفسنا و نشوف العالم بيقول إيه عن الراجل ده و نهدي شوية بقي من الكلام عنه هو كان عمل إيه يعني !

**Lord_Fouad** · 17-06-2009 04:41 PM

يا باشا انا عاجبني تعليقك كله لانه بيناقش مشكلة عامة في مصر كلها مش فقط مع ابو تريكة ، بس اسمحلي اسجل اعتراضي على حاجة انت قلتها و هي

المشاركة الأصلية كتبت بواسطة Relentless_mayhem

أبو تريكه بردوا الكلام إللى صدر عنه و شفته إنه بقى بيستهبل كتير .. بمعنى كل شوية عايز يقع و يأخذ ضربة جزاء ..

فين بقى التدين و هو أصلا عايز يأخذ أكتر من حقه؟؟؟

يعني ميصحش تحكم على حاجة فنية في الكورة و انت اصلا اعترفت في اول كلامك انك ملكش فيها

... و لذلك انا مش هناقشك اكتر من كدة لان المناقشة هتكون ظلم في حقك ... ارجو تتقبل نقدي بصدر رحب و ايضا تتقبل تحياتي

**Terrible_DaRsH** · 17-06-2009 04:51 PM

انا بقي بتكلم عن تجربه شخصية الحمد لله مع ابو تريكة و حوار عملته معاه و ده سر حيرتى فيه

**OlaOsman** · 17-06-2009 05:18 PM

المشاركة الأصلية كتبت بواسطة terrible_darsh

انا بقي بتكلم عن تجربه شخصية الحمد لله مع ابو تريكة و حوار عملته معاه و ده سر حيرتى فيه

طيب يا ريت توضح أكتر.

**Terrible_DaRsH** · 17-06-2009 05:29 PM

المشاركة الأصلية كتبت بواسطة olaosman

طيب يا ريت توضح أكتر.

مفيش داعى , خصوصا اننا قطعنا فى فروة الرجل من الصبح :) :) .

انا كنت فاكر انه متواضع لدرجة لما حد يحب يعمل معاه حوار هيكون مرحب بالفكرة زى عبد الحليم كده و الناس المتواضعة دى ..

لكن رفضه لاسباب مش مقنعة حيرنى مش اكتر .

**itsonlyme** · 17-06-2009 05:51 PM

المشاركة الأصلية كتبت بواسطة terrible_darsh

مفيش داعى , خصوصا اننا قطعنا فى فروة الرجل من الصبح :) :) .

انا كنت فاكر انه متواضع لدرجة لما حد يحب يعمل معاه حوار هيكون مرحب بالفكرة زى عبد الحليم كده و الناس المتواضعة دى ..

لكن رفضه لاسباب مش مقنعة حيرنى مش اكتر .

رفضه انه يعمل معاك لقاء ده مش معناه انه مش متواضع.
الراجل غالباً صحفيين وغير صحفيين كتير بيطلبوا منه حوارات.
سببه الغير مقنع للرفض ممكن يكون عشان هو ضاق به من كتر طلبات الحورات وببساطة مش عايز يعمل حوار معاك. اتضطر يقوللك حجة واهية لم تقنعق.