الموضوع: التكييف باظ والموضوع شكله كبير

شكرا مره تانيه لجميع الردود المفيده .....ويابشمهندس سمير معنى ان انا سمعت تكه من الكمبريوسور ان فيه فريون ؟ ...وهي المروحه بتتصلح ولا لازم تتغير؟ وهل لو هيعمل شغل في المروحه هيفك التابلوه كله ؟ ... وياريت متكونش المشكله في دورة التبريد ..لان كل حاجه كانت ماشيه تمام ومش معقول مره واحده كده المروحه ودورة التبريد هيبوظو مره واحده؟ ولا ايه

وياريت اللي يعرف عنوان المراكبي اللي في جسر السويس بالتفصيل

.....ويابشمهندس سمير معنى ان انا سمعت تكه من الكمبريوسور ان فيه فريون ؟

نعم

وهي المروحه بتتصلح ولا لازم تتغير؟

حسب حالة الريش.....وده حيبان مع الكشف ......لو العيب بلى والريش سليمه يبقى تتصلح عادى

وهل لو هيعمل شغل في المروحه هيفك التابلوه كله ؟

نعم لأن المروحه فى المنطقه تحت التابلوه من اليمين

وياريت متكونش المشكله في دورة التبريد

نتمنى لك ذلك ...........ويجب البدء بالمروحه فقط فى البدايه والتوفيق من عند الله بدون شك..............

لان كل حاجه كانت ماشيه تمام ومش معقول مره واحده كده المروحه ودورة التبريد هيبوظو مره واحده؟ ولا ايه

كلامك ده اللى مخلينا نقولك أبدأ بالمروحه وجرب ........لأننا بدون شك عاوزين مصلحتك وعدم السماح للصنايعيه بتكبير الأمور ........

النهارده روحت كشفت على التكييف عند واحد معرفه في عين شمس ..المهم انه حط بتاعه كده فيها عدادين والعداد التاني كان بيلعب ..وقالي ان العربيه فيها فريون لكن المشكله من الكنترول بتاع الكباس والعربيه هتتكلف 250 ( 150 كنترول (جديد بضمان سنه ) + 100 شحن فريون انجليزي ) ...وان شاء الله هعملها يوم الاثنين ..بس عايز رايكوا