الموضوع: تاخد مليون دولار؟

بسم الله الرحمن الرحيم
اللهم صلي على محمد وعلى آله وصحبه أجمعين
السلام عليكم ورحمة الله وبركاته

من واقع قراءتي للموضوع والردود إكتشفت ( أيوه إكتشفت ) إن الشعب المصري من أجمل وأطيب الشعوب في العالم ، وده ليييييييييييييييييه لأنه معتقد إنه هيبيع نصيبة بمزاجة ده غصب عنه وعن .......... ولكن مش هو اللي هقبض الثمن ولكن هناك إناس طيبون محترمون ودودون لا يقبلون ظلم المواطن لأخيه المواطن هم من سيقومون بالبيع نيابة عنك بالوكالة و بدون سند وكالة لأنك معملتوش من الأساس لا وآيه مش هتعبوك في عد فلوس أو إزاي هتشيلهم أو هتغير لدولار أو لمصري أو لساسونة حتى لأنك ببساطة مش هتشوف الفلوس دي أصلاً لإن الناس الطيبة دي هتشيلهملك برة في بنوك سويسرا علشان إحنا مسافرناش سويسرا من قبل وممكن حرامي يقابلنا في المطار ويضحك علينا ويبعلنا التروماي السويسري شوفت بئه الناس دي بتحبك وتخاف عليك ازاي وبعدين دي بالنسبه ليهم حاجة بسيطة جداً ومتجربة من قبل ومحدش مننا حس بأي مشكلة صح ولا غلط حد حس ببنك الأسكندرية ـ أو بحديد الدخيلة ـ أو بعمر أفندي ـ أو بمصانع الأسمنت ـ أو بمصانع الغزل والنسج ـ أو بشركة بيبسي كولا ـ أو بشركة الأهرام للمشروبات إلخ إلخ ...........) والعرض القادم النصر لصناعة السيارات ، الناس الطيبة دي فاهمة هي بتعمل إيه كويس جداً فمحدش منكم يتعب نفسة ويسهر يحسب هيبيع إزاي وهيعمل إيه بالفلوس إحنا ربنا رزقنا بمن يفعل ذلك بالنيابة عنا غصب عنا .

آه على فكره أنا عمري ما أبيع مهما كان المقابل

والسلام عليكم ورحمة الله وبركاته

ابيع وانا مغمض

مش هيبع طبعا مهما كان العرض

انت عاوز تبيع علشان انت مش عايش حياه كريمه فى بلدك صح

طب لو سفرت بره وبرضوا معرفتش تعيش حياه كريمه بسبب مثلا دينك هتبيعه هو كمان

اللى يبع وطنه يبع اى حاجه

زى الجاسوس بيبع وطنه مقابل الفلوس هو ده اللى بيعمله مش اكتر ماهو مش هامه الوطنه هو عايز الفلوس وباع الوطن لاى حد بس اللى يدفع اكتر

وعلى فكره انا مش قصدى اى حد من اللى قال يبع اتهمه بالخيانه ولا حاجه لقدر الله الموضوع طبعا كله هزار بس انا حبيت اقول راى فيه او انا شايفه ازاى

انا هدفع المليون وامشي هههههههههههههههههههههه
انا عاوز اقول حاجه مهمه اوي
اللي عاش واتربى بره مصر لفتره كبيره ورجع عاش في مصر تاني
عمرو ما هينساها ولا ينسى ناسها واهلها وترابها وشوارعها وجمالها
وكل حاجه فيها
حلوه بقى وحشه مش هتفرق المهم انها مصر
والله العظيم اخر مره سافرت بره مصر وكانت لمدة سنه للدراسه واول ما نزلت من الباخره كان نفسي اسجد شكرا لله اني رجعت مصر بس خفت الناس تقول عليا مجنون هههههههههههههههههه
واللي بيسافر بيتمنى يرجع بس الفلوس اللي بتصبر الواحد


انا شفت قصص ومنهم قصتي والله والله ما هنلاقي زيها في الدنيا
معلش نكدت عليكو

على فكره مش هبيع

مع اني ناوي خلاص ...

انما ابيع "مصر" ؟

لأ

انا مش ماشي علشان مصر وحشة

انا ماشي علشان فيها أوغاد حولوها لجهنم

و عمري ما ابيع بلدي


(بس لو بحبحوها شوية ...افكر برضه)