الموضوع: الى المهتمين بمركز كار كير بتاع الأستاذ تامر timo_crosswind

علي بركه الله كدا انشاء الله علي تاكيد حجز اليوم
وبالنسبه ليا مفيش مشاكل ان العمل يكون يومين او تلاته متتاليين.
انشاء الله تبلغوني اليوم الاكيد وياريت قبلها باسبوع
وجزاكم الله كل خير

السلام عليكم ورحمة وبركاتة

تجربتى مع مركز الفا للعناية الفائقة يوم الجمعة 19- 6 - 2009

دخلت المركز الساعة 11:30 صباحا ووجدت مركز خدمة كار كير بالوهلة الاولى ممتاز ومصروف علية ومنظم

دخلت السيارة وقابلت السيد المهندس تامر استقبلنى استقبال حار و طلبت منة عمل كل ما يخص اعمال الكار كير على

البرنامج c و اضافة غسيل المحرك كيميائى وكذلك عمل تلميع بالبلوش وكذلك عمل واكس امريكى للبودى

جلست فى المكتب والحاجة الجميلة فى المكتب انك شايف عربتك واية الى بيحصل فيها بكل تفصيل لان واجهة المكتب المطلة

على المركز كلها زجاج سكوريت .

1- بداء العمل فى تنظيف السيارة من الدخل بالهوفر وكذلك بداء العمل بغسيل المحرك كيميائى بمواد كيماويه متخصصه

2 - تنظيف السيارة من الداخل بالفرش المركبة على صاوريخ للارضية والطبلوة و الكراسى وازالة اى بقع على اى سطح او فرش

( ملاحظة الفرش ناعمة جدا بحيث لا تعطى اى تاثر ظار على الاسطح )

3 - تنظيف و غسيل الشنطه بكل محتوياتها ومع التركيز على المزانق وتلميعهم

4 - تنظيف الصالون والاهتمام بأدق تفاصيل التنظيف للسقف والارضية والابواب والقوائم الداخليه

5 - تلميع التابلوه والجلود بماده مكسبه للمعان و تحافظ على ليونتة وتمنع التشقق

6 - تنظيف وتلميع كل المزانق وفتحات التكيف بكل احترافية

7 - غسيل الجسم الخارجى بالشامبو والواكس الامريكى

8 - تلميع الجسم الخارجى بالشمع السائل وبالصاروخ

9 - المرور على كل بودى السيارة مرة اخرى بصاروخ التلميع الخاص

10 - تلميع الجسم الخارجى مرة اخرى بالواكس الامريكى باستخدام صاروخ التلميع

11 - تلميع الجنوط والكاوتش بمواد خاصة مستوردة


رأى الخاص

1- مركز ممتاز دون اى دعاية
2- التعامل مع شحض محترم زى المهندس - تامر
3- فنيين على مستوى من الكفائة العالية ودقة متناهية وذلك لحبهم فى عملهم
4 - استخدام مواد اصلية ويتم استخدامها امام عين العميل
5 - التعامل مع كل ملاحظاتك بدون اى تذمر بل بكل ترحيب والصراحة انى اصلا ملقيتش اى ملاحظات
6 - سعر ممتاز فقد تم عمل كل ما اعلاه 155 جنية فقط وتم الانتهاء من السيارة الساعة 9:30 مساءا

بجد وبصراحة اشكر المهندس تامر وطاقم الفنيين وارجو ان يظل المركز على نفس مستواة والمزيد من التقدم

انا بجد رجعت من الاسماعيلية الى الهرم مريوطية بما فيها من تراب المريوطية بسبب الكوبرى الجديد ووصلت للبيت لقيت

السيارة لسة بلمعتها كانى لسة مخرجها من المصنع فى كوريا مش سافرت ودخلت المريوطية ولو كان معايا الكاميرا ساعتها كنت صورتها بجد ياريت يفضل

المركز بنفس المستوى وانا عن نفسى قررت انى حتى لو حغسل غسيل عادى حروح هناك مش شغل العك بتعنا هنا


طولت عليكم بس الاعتراف بالحق فضيلة


والسلام عليكم ورحمة الله

بسم الله الرحمن الرحيم
اولا متأسف للناس اللى كنت هشترك معاهم فى موضوع الشروق
انا مقدرتش استنى بعد كلامكو الجميل عن الخدمه والمعامله وقلت بالمره اشوف الاسماعيليه لانى اول مره اشوفها
ثانيا نا دلوقتى فى الاسماعيليه عند استاذ تامر
وصلت الساعه 11:30 وقابلنى المهندس تامر مقابله جميله والناس اللى
بتشتغل معاهوالمركز مشاء الله جميل ومنظم
انشاء الله هغسل العربيه الغسيل الشامل(البرنامجc)وغسيل كيماوى للموتور
وتلميع من بره بالبوليش والواكس الامريكى
هما بدأو الشغل.......سنعوووووود وبالصور بأذن الله

المشاركة الأصلية كتبت بواسطة hamadamomo

السلام عليكم ورحمة وبركاتة

تجربتى مع مركز الفا للعناية الفائقة يوم الجمعة 19- 6 - 2009

دخلت المركز الساعة 11:30 صباحا ووجدت مركز خدمة كار كير بالوهلة الاولى ممتاز ومصروف علية ومنظم

6 - سعر ممتاز فقد تم عمل كل ما اعلاه 155 جنية فقط وتم الانتهاء من السيارة الساعة 9:30 مساءا

نعم!! من 11:30 الى 9:30 مساء!!! ايه معلش؟ كام واحد كانوا قبلك طيب؟ وقت العمل الفعلى كان كام؟

متأسف يا جماعه انى مردتش عليكو امبارح تانى وبتأسف لمجموعه الشروق
اناسبقتكو ورحت كانت اول زياره للمركز ومش الاخيره انشاء الله يكفى مقابله
أ/تامر الجميله وتعب واتقان العاملين بالمركز كان يوم صعب ليهم وليا انا غسلت
بالبرنامجC وغسيل موتور كيماوى وتلميع بوليش و واكس امريكى والموضوع خد
10ساعات لذا مش بنص بموضوع الدليفرى لانه مش هيتضمن التلميع خالص
والدقه والنتيجه مش هتبقى هيا هيا بس أ/تامر مش ممانع بالعكس الفكره عجباه
عشان التعارف ببعض...عموما دا رأى
للأسف مصورتش العربيه قبل الشغل بس صورتها بعد ويارب الصور تظهر ليكو عشان
اول مره ارفع صور بس عاوز اوريكو النتيجه مش اكتر ولله العربيه مكنتش كده
بقالها سنتين معايا اول مره اعملها كيير وتلميع
مشاء الله انا مبسوط من المنظر وحتى علقت بعد الفينيش وقلت للبشمهندس
هو العداد هيرجع زيرو ولا ايه؟؟؟؟ المفروض
وشكر خاااااص لميدو سيريون قابلته هناك واصحابو قعدو معايا لحد مخلصت
رنا ركبنا فلتر سبورت رابر للمساحه
http://img37.imageshack.us/my.php?image=69568994.jpg
http://img37.imageshack.us/my.php?image=39104616.jpg
http://img37.imageshack.us/my.php?image=23513078.jpg
http://img37.imageshack.us/my.php?image=16389984.jpg
http://img37.imageshack.us/my.php?image=26275744.jpg
http://img37.imageshack.us/my.php?image=56895683.jpg
http://img37.imageshack.us/my.php?image=93385542.jpg
http://img37.imageshack.us/my.php?image=45046220.jpg
http://img37.imageshack.us/my.php?image=23062009021.jpg

المشاركة الأصلية كتبت بواسطة nile heart

نعم!! من 11:30 الى 9:30 مساء!!! ايه معلش؟ كام واحد كانوا قبلك طيب؟ وقت العمل الفعلى كان كام؟

محدش كان قبلى بس الموضوع بيتاخد بكل التفاصيل يعنى شغل على روقان مش استعجال علشان تاخد احسن كوليتى من الفنى

ماشى بس لو كل الوقت ده فى عربيه واحده! يبقى المركز بيعمل كام عربيه فى اليوم؟ او فى كام واحد بيشتغل فيه؟!!

اصل مش منطقى ان المركز ده كله هايعمل عربيه والا اتنين بس فى اليوم!!

فى حاجه مش منطقيه

المشاركة الأصلية كتبت بواسطة Nile Heart

ماشى بس لو كل الوقت ده فى عربيه واحده! يبقى المركز بيعمل كام عربيه فى اليوم؟ او فى كام واحد بيشتغل فيه؟!!

اصل مش منطقى ان المركز ده كله هايعمل عربيه والا اتنين بس فى اليوم!!

فى حاجه مش منطقيه

انا هفهمك ليه كان التاخير ده
اولا البشمهندس حماده وصل الساعه 1130 وكان يوم جمعه
كان في نفس الوقت في عربيه مرسيدس e240
2006 كنا شغالين فيها برنامج (c)وموتور كيماوي
احنا قفلنا المركز وصلينا وبدائنا الشغل في العربيه الالنترا بعد الصلاه
المركز في هذا الوقت كان فيه 4 عمال منهم اتنين فراوده وواحد تحت التمرين وواحد غسيل عادي وفي عدم وجود الغسيل العادي بيكون مساعد في الشغل الكيماوي
كان في اوقات كتير بتيجي عربيات تغسل موتور كيماوي بس فكان واحد من الاتنين بيروح يعمله
يبقي معظم الوقت كان واحد صنايعي اللي شغال.
الحاجه التانيه م.حماده عمل كل حاجه يعني(c) وموتور كيماوي بالاضافه للتلميع الخارجي والتشميع
وده لوحده وقته كبير جدا .
لكن الطبيعي العربيه (c)والموتور الكيماوي لوحدهم بياخدو من 3 ساعات الي 5 ساعات وده حسب حاله العربيه والفنش اللي هيتعمل فيها لانه بردو بيختلف من عربيه للتانيه.
لكن في حاله 3 عربيات مثلا مع بعض في نفس الوقت وليهم نفس الشغل ليهم نظام عمل مختلف
لانهم بيتعاملو معامله عربيه واحده في طريقه الشغل.
بالنسبه لاخ جادو بردو عمل كل حاجه في العربيه بالاضافه للتلميع
وكانو بردو 4 عمال فيهم واحد كان تعبان جدا
باقي فرود واحد واتنين مساعدات وكان في 3 او اربع عربيات بيتعمل فيهم الغسيل الكامل
وده ادي لحدوث تاخير مبالغ فيه بس الحمد الله نتايج مشرفه وده الاهم عندنا بغض النظر عن الوقت

عدد الفنيين حاليا 4
وانشاء الله قريبا جدا هيكوني 8
لتفادي اي تاخير.
يارب اكون قرت اوصلك الصوره