اقتباس المشاركة الأصلية كتبت بواسطة BASKOTA مشاهدة المشاركة
مع الاحترام لرأى حضرتك

لى تعليق بسيط على كلمة مفيش مستوى اجتماعى مافيش مستوى اخلاقى .......

الكثير من البسطاء ممن يرتادون مدارس حكومية على مستوى اخلافى عالى جدا وافضل ممن يرتادون مدارس اللغات والجامعات الاجنبية
اما بالنسبة للمستوى الاجتماعى فلو حضرتك تقصد المستوى المادى فاكيد طلبة المدارس الحكومية من البسطاء والا كان زمانهم فى مدارس لغات وانا ضد الحكم على شخص من مستواها المادى
واذا كان هناك انحدارا فى المستوى الاخلاقى داخل المدارس فالعيب مش عالتلاميذ اكتر منه خطا من ادارة مثل هذه المدارس والقائمين عليها والاساتذة المختصين بالتربية والتعليم
وان كان موضوعنا الرئيسى هو ماهو الاختيار الافضل التعليم العربى ام اللغات للتاهيل الافضل لسوق العمل بعد التخرج
ولكن الاخلاق والتربية والبيئة الجيدة المحيط بالاولادنا تهمنا اكثر وفى المقام الاول
بالنسبه للمستوى الاخلاقى دى ياريت حضرتك تراجع تانى على الموضوع ده على شان المدارس دى يمكن الى فيها على المستوى الى حضرتك بتقول عليه ده واحد ولا 2 فى المدرسه كلها دول الى هما ولاد ناس على قيمه اخلاقيه عاليه غير كده اقول لحضرتك لا وانا واحد من الى كانو فى المدارس دى وكنت فى التجربه بنفسى بعد الابتدائى وطبعا كانت بالنسبه لى كارثه بجد فعلان خارج من مستوى يمكن 80% لمستوى اقل من ال 1% ده كان عندنا فى المدرسه واحد اسمه ماندو ده كان صايع وبلطجى وفيه كل شىء قزر

اما موضوع المدارس اللغات الى فيها ناس على مستوى اخلاقى اقل زى ما حضرتك بتقول احب اقول لحضرتك انه العكس صحيح المدارس اللغات او الخاصه طبعا مش كلها انا عن نفسى خارج من مدرسه عارفه يعنى ايه تربى التلاميذ الى فيها والتلاميذ كلها كانت كلها ولاد ناس وعلى خلق الحمد لله اما لو حضرتك تقصد المستوى الاخلاقى فى ثقافه تانيه مثلا فحضرتك لازم تعرف ان مش كل المدارس فيها كده وان كان فيها مفيهاش بلطجيه وصيعين الحمد لله لسه مدخلوهاش ولا هيدخلوها منتظر ايه من واحد اسف فى الكلمه البيئه المحيطه ومنطقه كل الى فيها بيشتمو وبيضربو بالكراسى والسكاكين وزى مقال اللمبى واحد مصاحب على علوكه واشرف كوخه عاوزنى اطلع طيار
وبالنسبه للغات الناس الى فيها الحمد لله على خلق عالى جدا والحمد لله الى كمل فيها من اصحابى دلوقتى شوفهم وشوف المراكز الى هما فيها عربى ايه الى فيه تربيه وتعليم ده

واداره المدارس الى حضرتك تقصد ان هى السبب احب اقول لحضرتك ماندو كان بيضرب المدير ويحدف عليه وعلى المدرسين طوب ومش هو لوحده كان فيه كتير غيره هما اصلا مش قادرين عليهم ومحدش عرف يعمل معاهم حاجه

وفعلان التربيه على البيت بس برده البيئه اساس التربيه يعنى مينفعش اعلم ابنى فى جو من الصياعه وقله الادب واجى اقوله كده عيب وخصوصا وهو فى سن مراهقه او سن فوق ال 10 سنوات ولا ايه
الحمد لله