المصرية للسيارات...وسيارات موديل فوق سنة 2000 بالتقسيط

**compuland** · 21-06-2009 12:33 PM

مشكله المصريه فعلا فى الحمله الدعائيه اللى بتعملها
كل ده كويس
بس نفرض انى معايا عربيه مستعمله وعايز ابيعها ايه اللى يخلينى اروح عندهم

يا أما ابدل بجديد وادفع الفرق ده لو كاش
وساعاتها هينزلو تمن عربيتى عن سعر السوق

لو هاجيب تقسيط
بردوا اكيد هينزلوا سعر عربيتى عن سعر السوق

ومحدش عارف بقى هيعملوا ايه
اكيد هيقلى خلى عربيتك عندنا لحد لما نبعها وبعدين ابقى استلم الجديد

واقضيها بقى فى التوكتوك لحد لما تستلم

ضيف الى ذلك التقيم اللى عايزينو من التوكيل
على الاقل هيتكلف 500 جنيه
ممكن يكو ن مبلغ قليل لبعض الناس

بس لناس تانيه اكيد لأ
ده فى بيعات ساعات بتقف على ال 500 جنيه دول

لو هاشترى بقى
طبعا لازم يكسبوا من سعر العربيه اساسا
ده غير الفوائد اللى هتغلى تمن العربيه
وفى الاخر هتلاقى تمنها قريب من الجديد

عموما مش عايز اسبق الاحداث هاحاول اروح يوم الجمعه اللى جاى واقولوكو الاخبار

وبالتوفيق عموما

**YaSSerwIN** · 21-06-2009 01:47 PM

فعلا المصرية مش كويسة بالمرة
انا روحت مرة الفرع بتاع مصر الجديدة

دخلت علشان أسئل على نظام القسط والمطلوب وكدة لقيت الموظف مكسل يقول اى حاجة وكل الى عليه لما تنوى ياباشا

**compuland** · 23-06-2009 08:19 AM

المشاركة الأصلية كتبت بواسطة ahmed000

مين هايقدر يروح الاسبوع الجاي؟؟؟؟
ياريت لو الجمعه والسبت دول حد هايقدر يروح ويجبلنا التفاصيل

ان شاء الله هاحاول اروح يوم الجمعه اللى جاى
بس لو لقيت وقت

**ahmed000** · 26-06-2009 07:46 PM

المصرية عاملة اعلان النهاردة في ملحق سيارات الاهرام على صفحتين كاملين
جايبين صور للمركز وفيه صور للعربيات المستعملة
بس العربيات اللي جايبين صورتها على اساس انها مستعملة كانت مرسيدس وبي ام دبليو عالي :K_crying[1]::K_crying[1]:
بس اللي طمني كان في صورة سبيرانزا ايه516
وده معناه ان في عربيات مستعملة في الاسعار المتوسطة
جايبين كمان صور الاستراحه والكافتريا وتقريبا حديقة للاطفال وكمان صور للمركز
كمان في صور لعربيات زيرو وفي صورة سبارك شيفروليه واقف جنبها مزتين شكلهم من البنات اللي شغالة في المركز
بيقولوا في الاعلان كمان انهم خلوا السوق بناءا على رغبة العملاء 3 ايام في الاسبوع جمعه وسبت واحد
وكمان بيشكروا العملاء اللي راحوا اول اسبوع ونجاح منقطع النظير وكلام كبير
وفي ايميل لاي حد عاوز يبيع عربيته المستعملة او يبدل بزيرو يبعتلهم عليه بشرط تكون موديل 2000 وطالع وحالة ممتازة
الايميل: used.car@elmasriallsayarat.com
وفي تليفونات لاستعلام الافراد: 0121100122 - 0121100133 - 0120002762
اي خدمة يارجالة
يالله بقى حد يروح ويسألنا على تفاصيل تقسيط المستعمل بالتفصيل الممل:
المقدم القسط الفايدة الاجراءات الضمانات.....وكل حاجة
وهل في تقسيط مباشر ولا لأ وكل التفاصيل

**goofy301** · 27-06-2009 11:34 AM

طب ياريت حد من الاعضاء اللى قالوا هيروحوا الاسبوع ده يقولنا النظام ايه...لآنى حاسس ان الدخول المعرض هيكون برسوم لأنه واضح من الصور اللى فى الاهرام والحدائق وحمام سباحة وكافيتريا ...اكيد كل ده مش ببلاش...!!!