الموضوع: التوحيد القياسى للسيارات فى مصر ( فكره للنقاش )

المشاركة الأصلية كتبت بواسطة muhammedsoliman

اهلا يا هندسة انت كمان طلع عندك حساسية :k_crying[1]: على العموم لسه ما فيش علاج ليها للأسف وطبعا مفيش شك فى الكلام اللى حضرتك بتقوله عشان كده قلت معممتش على الكل على أى حال والله يا أبو حميد انا بحب البلد ديه جدا ونفسي فعلا اشوفها احسن بلد وبزعل اوى لما اشوف بره عاملين ايه واحنا فين ولا اقللك بره ليه شوف ماليزا ياسيدى ولا كوريا طولت عليك يا عزيزي تحياتى ليك ودعمى الكامل ليك:_alshmokh22[1]:

والله يا دكتور انا كمان زييك بالظبط بحب البلد دى و دائما عندى يقين انها تستاهل اكتر من كده بكتير بلد ربنا اداها

تقريبا من كل الخيرات هات لى بلد فيها نهر مش نهر عادى اكبر انهار الدنيا نهر اصله فى السماء كما ذكر فى

الحديث الصحيح ده غير بحور المياه الجوفيه اللى عايشين فوقها و ارض خصبه طول عمرها بتتزرع وبتنتج اجود

المحاصيل من القطن والقمح اللى الله يرحمه والرز وبحرين من اهم واجمل بحار العالم ومركز استراتيجى بين قارتين

واقرب ما يكون للتالته وقناه معظم تجارة العالم بتعدى منها وحضارات عظيمه عاشت وبنت على الارض و كبرت و اثار

ملهاش زى فى الدنيا وعندك مدينه فيها اكتر من تلت اثار العالم لوحدها وعقول العالم كله يشهد بتفوقها خاصة للى

بياخدوا فرصه و بيشتغلوا ويدرسوا بره حتى الاطفال كنت بفتكر ان مقولة الطفل المصرى اذكى طفل فى العالم

اشاعه لغاية ما قريتها فعلا فى الجرنان بدراسه مؤكده انا لو حكيت لك عن بلد فيها كل المواصفات دى واكتر

ومقولتش لك اسمها اكيد ناس كتير هتفكر ان اكيد انا بتكلم عن دوله من العالم المتقدم بكل المواصفات دى

وحتى اللى يقول بلاد البترول غنيه عشان البترول واحنا فقرا عشان معندناش زييهم واحنا اكتر عددا الشيخ

الشعراوى اللى اتشرف انى من نفس بلده قال مره محدش بياخد رزق اكتر من التانى الرزق متوزع بالتساوى على

كل الناس والرزق مش هو الفلوس بس الرزق فلوس وصحه وعلم وايمان واخلاق وذريه صالحه وووووو وبنفس

المنطق اكيد الدول برضه واخده رزقها زى غيرها ولو هنتكلم عن البترول والعدد هل فيه بترول فى اوروبا ؟ انهارهم

بالنسبه لنا ترع , فيه بلاد اعدادها معقوله وبلاد بيتحايلوا على الناس يخلفوا عشان الانسان عندهم هو الهدف و

الوسيله , هو الماضى والحاضر والمستقبل , هو اهم ثروه يمتلكوها فى بلادهم وعشان كده شوف البلاد اللى

مفيش فيها ربع الخير اللى عندنا من اسيا لاوروبا وصلت فين واحنا مش عارفين احنا فين اصلا واللى عاوز يعرف

ارشح له يتصل بكرومبو اشهر واهم الابداعات المصريه لحل كل المشاكل المستعصيه

سلامى للجميع

ايه يا اخواننا فين اراء باقى البروتوناويه احنا عاوزين رايكم فى الفكره حتى لو شايفين انها ملهاش لازمه قولوا برضه انا معنديش حساسيه من النقد خالص فياريت حد ينفعنا برايه عايزين نعرف لو الفكره مش نافعه طب ايه اقتراحتكم عشان نحل مشكلة التخبط والفتى والنصب على المستهلكين ولا الموضوع ده عادى ومفيش مشكله اصلا وانا اللى بيتهيالى او حتى لو قلتوا لى المواضيع دى اصلا مش بتجذب الناس عشان يتشاركوا وصدقونى مش هعملها تانى والله
قوللى حاجه اى حاجه قول كرهتك اى حاجه قول قول
سلامى للجميع

المشاركة الأصلية كتبت بواسطة muhammedsoliman

عندك حق وأكترمن كده كمان وانت من دقادوس بلد الشعراوي ؟؟ ديه جنب اعتقد ديرب نجم ... المهم يا بش مهندس أنا اعتقد أن احسن حل هي التجربه اليابانيه عشان المواضيع تتصلح !!

تحياتى

من ميت غمر تحديدا
الاهم من التجربه اخلاص الناس وصدق اللى بيطبقوا التجربه

المشاركة الأصلية كتبت بواسطة fadynabil

بجد موضوع مهم جدا .. بس أنا مش عايز أحبطكم أنا حاسس إننا بننفخ في إربة مطوعةولو حصل الموضوع ده أكيد هيبقي فيه تحيز لبعض الماركات وإنتوا عارفي بلدنا الجميله وناسها الشرفاء
فمعتقضش إن الموضوع ممكن يتعملزي أوربا في euroncap بتاع إختبارات الأمان فعلا حاجة محترمة جداً
إبتدينا بعد كده يقولك إيشي إختبارات الأمان الصينيه و إيشي أفغانستانيه و كلام فاكس ملوش لزمه
ويروح مطلعلك العربيات الصيني واخده ٩ نجوم من عشرة وكلام أهبل ملوش لزمه .. فتخيلوا الموضوع ده لو إتعمل في مصر هيقولو إيه... بجد ساعتها مستبعدش إنوا يطلع الفيرنا أقوي وأكتر إعتماديه من البي إم .. وسلملي علي غبور :d

انا مع حضرتك ان الموضوع اكيد صعب مش سهل بس احنا بنتكلم عن حاجه تتعمل من الاول صح مره من نفسى

والنبى حاجه تتعمل من الاول صح وعشان كده يبقى بعيد عن رقابة الموظفين يبقى هيئه حياديه مستقلة ولو

هيتعمل عشان يبوظ يبقى قلته احسن