الموضوع: تنبيه مهم

شباب احب انبهكم لحاجه حصلت معايا في مركز صيانه منصور التجمع الخامس
رحت علشان اعمل صيانه 30 الف لعربيتي شيفروليه اوبترا والصنيعي فك فلتر البنزين (مكانه امام العجله الخلفيه للعربيه يمين) علشان ينضفه وينفخه بالهوا ولما ركبه مركبش الخرطوم اللي واصل ليه من تنك البنزين كويس ...مختش بالي من كد الا تاني يوم العربيه وقفت مني علي الدائري فجأه وكلمت صيانه منصور الهرم يبعتوا لي ونش ولا عربيه طوارئ ادوني رقم الطوارئ الراجل قالي مش قبل ساعتين علشان هو في شغل قلت له هستناك ...نزلت اتمشي جنب العربيه لقيت بقعه كبيره تحت العجله اليمين فردت سجاده الصلاه ونزلت بصيت علي العربيه من تحت لقيت خرطوم البنزين واقع وفلتر البنزين مسرب وعمل بقعه الينزين دي ..ركبت الخرطوم وضغطت عليه جامد لحد ما ركب مكانه دورت العربيه دارت معايا وطلعت جري علي مركز صيانه التجمع الخامس زعقت وفضحتهم امام الناس هناك رفعوا العربيه وغيروا كلبس فلتر البنزين وغسلوا مكان التسريب بالمياه وخدت العربيه ومشيت . المهم فكرت ابعت شكوي رسميه لكن العامل صعب عليه وهو واقف زي الفار المبلول وانا بزعق هناك المهم ربنا يسامحه ويكون درس ليه بعد كده
انا عايز كل واحد فيكم يراجع علي الحجات الخفيفه دي قبل ما يمشي يعني ياخد العربيه علي جنب ويراجع الأتي :
1- يفرش حاجه وينزل ادام العجله اللي ورا يمين ويوطي دماغه شويه تحت يلاقي فلتر البنزين وخرطوم سمني كده داخل ليه من الخزان وخرطوم اخر خارج منه للموتور يأكد بايده عليهم ويضغط جامد لحد ما يطمن انهم مثبتين كويس .
2- يفتح كبوت العربيه ويراجع بسرعه علي السوائل (سائل التبريد وزيت الموتور) -زيت الموتور له حكايه هقولها- وزيت الفرامل وزيت الفتيس ويأكد بأيده ان كل الغطيان مقفوله كويس بما فيها غطا زيت المحرك.

انا طبعا سئلت المهندس اللي هناك ايه ضرر ان البنزين يفصل والعربيه ماشيه علي المحرك اعد يأكد لي ان مفيش اي ضرر لكني مش متاكد من كلامه ده غير اني حاولت اشغل العربيه حوالي اربع مرات كل مره 3 ثواني كده لما كانت عطلانه (مكنتش عارف طبعا بالكارئه اللي تسببوا فيها وان البنزين فاصل) المهم ربنا يستر وميكنش فيه ضرر حصل عندي

ده الفصل الأول

الفصل التاني بقه زيت الموتور مكتوب في دليل الصيانه انه حوض الموتور (بالفلتر) للعربيه 1.4 او 1.6 بياخد زيت حوالي 3.75 لتر وبالنسبه للعربيه 1.8 بياخد 4 لتر كاملين
(احنا طبعا بينزل عندنا 1.6) المهم في الصيانه في كل فروع منصور بيحطوا 4 لتر كاملين وقلت للمهندس وللعامل ده الدليل بيقول كذا كذا فكان ردهم ان زيت موبيل 1 او شيل الترا خفيف وبيتبخر منه جزء مع الوقت علشان كده بيحطوا 4 لتر كاملين واكد لي ان ربع لتر زياده ملهمش ضرر علي المحرك رغم انه وريت العامل ان زيت الموتور بقه اعلي من علامه max في المقياس بتاع المحرك وقلت له ان الكتالوج بيحذر ان الزيت يعدي علامه max فأكد لي ان ده صحيح لو الزيت زياده بكميه كبيره لكن ربع لتر مش كتير وده لزوم التبخير (الكلام ده قاله ليه برده مهندس اوتوماستر في صيانه ال20 الف ان الزياده دي لزوم التبخير) المهم انا مقتنعتش بكلامه وطلعت علي محطه بنزين شفط لي الزياده دي وشكلي هعمل كده النهارده لاني بصراحه مش مقتنع بكلامهم ولو ده سليم كان ذكر في الدليل بأي شكل حتي لو سطر زي (يسمح بزياده لا تتعدي ربع لتر لدواعي التبخير او خلافه)
ايه رأيكم يا شباب في موضوع الزيت ده ...لو حد يعرف ميل خدمه العملاء في منصور نبعت لهم ونشوف ردهم ايه يبقي ناقشنا الموضوع ده من كل الجوانب وربنا يستر من التوكيل ونخلص صيانتنا علي خير عندهم

غلط كبير ان الزيت يزيد عن مستواة المفروض يكون تحت علامة ال maxب 3:2 ملى علشان لما عمود الكرنك يخبط فية ما يفصلش مكونات الزيت (الزيت مكون من مركبات خفيفة و مركبات تقيلة علشان يقدر يزيت المسارات الضيقة و كمان يزيت العواميد الى بتلف)
لان لما الزيت يزيد عن المستوى المحدد كدة عمرة يقل