سؤال مهم للبشمهندس م ممدوح والبشمهندس سمير عياد

**vhkdhkfdg** · 19-06-2009 02:58 PM

لو سمحتم انا عاوزة نصيحتكم في عربيتي شيفروليه لانوس في حد قريبي ركبها وقالي لما بتنقلي النقلة الاولي وبعدين اشيل رجلي من البنزين والدبرياج بلاقيها تمشي قالي العربية فيها عيب ياتري ده فعلا عيب في العربية ياريت حد يشرحلي بسرعة

**Lion_Heart** · 19-06-2009 03:04 PM

و العربية متحركتش اصلا ؟؟
و لا حركتيها شوية و بعد كده شيلتى رجلك من على الدبرياج و البنزين ؟؟

**Samir Elshahawy** · 19-06-2009 04:53 PM

عادي جدا في اللانوس أنها تمشي علي الاول من غير ماتدوسي بنزين مجرد ماترفعي رجلك من علي الدبرياج سنة سنة

**vhkdhkfdg** · 19-06-2009 05:27 PM

لا مجرد مبنقل النقلة الاولي وارفع رجلي من الدبرياج والبنزين سواء كنت محركاها او لا

**akramlail** · 20-06-2009 03:02 AM

مهو لو بعد محركتيها عادى المفروض انها تمشى امال نقلتى وبتدوسى بنزين عايزها تقف اما لو لسة واقفة ويدوبك نقلتى وبترفعى رجلك من الدبرياش وبتتحرك عادى ممكن البنزين عالى شوية وعايزة توطى حبة

**dr_mak** · 20-06-2009 12:29 PM

دا عادي جدعان هي الانوس كدة .....العربية بتمشي لوحدها على الاولاني والتاني من غير مادوس على حاجة ....السلانسية بتاع العربية كدة ،ودي ميزة علشان لو ماشي في طريق زحمة كل الي انت بتعملى انك بتدي الاولاني وترفع رجلك من على كل حاجة وكل الي انتي بتعملة ان رجلك تبقى الفرامل علشان تهدي العربية شوية ......هي رخمة في الاول بس لما تتعود عليها هتلاقي الميزة دي مفيدة في الشوارع الداخلية والزحمة

**MMamdouh** · 20-06-2009 03:44 PM

المشاركة الأصلية كتبت بواسطة vhkdhkfdg

لو سمحتم انا عاوزة نصيحتكم في عربيتي شيفروليه لانوس في حد قريبي ركبها وقالي لما بتنقلي النقلة الاولي وبعدين اشيل رجلي من البنزين والدبرياج بلاقيها تمشي قالي العربية فيها عيب ياتري ده فعلا عيب في العربية ياريت حد يشرحلي بسرعة

مع احترامى الشديد قريبك مبيعرفش فى العربيات

اللى بيحصل دة طبيعى جدا

MMamdouh