الموضوع: بتخاف من الحسد في عربيتك ؟

انا لو غسلت العربيه في الشارع عندي لازم يحصلي حاجه
وعلشان كده لما بحب اغسلها بدخلها الجراج واعيش حياتي
وربنا يستر علينا وعلي جميع الناس

المشاركة الأصلية كتبت بواسطة motorizer

أهي دي مشكلة حياتي يا هيما باشا
انا لو فكرت أنزل أدي العربية بولش ولا أغسلها و أدي العجل فوم تلميع
ألاقي بقي المحلات اللي تحت البيت .. إيه ده اللهم صلي عالنبي ده إيه البتاع ده يا باشمهندس!! ده أحسن من الصابون و الفيري (اللي بيضحك بيه عالسكان و يخليهم يغسلوا بيه لحد ما العربيات تجير) ! و ينده واحد من جوه المحل .. أهوه بص !!! اللهم صلي عالنبي اللهم صلي عالنبي !! و بنبرة كدة تحس إنه بيقول إيه يا عم ده إنتوا بترموا فلوسكوا في الأرض .. و أكمل من غير نفس و أطلع و علي بال ما اليوم يخلص بتكون إتخبطت .

ربنا يولع في الحقد اللي بقي في قلوب الناس!

شكلي هعمل زيك كدة و أبقي أشوف مكان أعمل فيه الكار كير بتاعي بنفسي .. جراج ولا حاجة .

الحل عندي
هاتلك جردلين واملاهم مياه وحطهم في الشنطه
وروح لأقرب مكان بعيد عن البيت يكون فاضي
واشتغل وعيش حياتك

المشاركة الأصلية كتبت بواسطة EslaM_NagY

لا دا هو ياخد الجردلين فاضيين ويدور على ماية فى المكان البعيد الهادى اسهل.

لأ هو الأحسن يمسك نفس الجردلين دول و هما مليانين ميه و بدل ما يرشهم على العربية يرشهم على الناس دول و يا ريت تكون كمان ميه نار

طبعا الحسد موجود و الناس حتى اللى مش حسادة بطبيعتهاممكن تحسد و لو من غير قصد لأأن مجرد إعجابك بالشىء من غير ما تقول ماشاء الله و لو فى سرك ممكن تحسده.
و عن اللى حصلى أول ما جيبت العربية السويفت كانت نقلة جامدة بالنسبة لى من ريتمو لسويفت خدت عين محترمة سافرت بيها اسكندرية و أنا جايبها بقالى يومين و أنا راجع اتقطرت عداد الحرارة علق و العربية سخنت من غير ما نعرف و جابت موتور.
و بنت عمى اشترت فيرنا فيفا زيرو مش العربية الوهم يعنى بس التغيير فى حد ذاته الناس كلها كانت عارفة و الدنيا لطيفة ما فيهاش حاجة بس لينا قريبة من بعيد كده ما تتوصاش الحقيقى هى الوحيدة اللى كانت مخبية عنها موضوع العربية و اللى حسبته لقيته أول ما البنى آدمة دى عرفت موضوع العربية حادثة و هى واقفة قعدت تتصلح فى التوكيل 3 شهور.

بس الجامد أوى بقى عمركم ما شفتوا حد بيحسد عربية كارو أهى دى حصلت قدامى و بالتحديد الموتور بتاعها اللى هو الحمار اتنين أخ و أخته كانوا ماشيين قدامى فى وسط البلد و الولد بيقول البنت شفتى الحمار ده أول مرة فى حياتى أشوف حمار شعره ناعم راحت البنت بصة و قالتله آه صحيح ده شكله حلو أوى بعد ما خلصوا الكلمة بثوانى الحمار عدى الشارع و الإشارة كانت خضراء عادى جات عربية جيب سريع خبطت الحمار المسكين و فى الغالب مات.

السلام عليكم
الحسد طبعا موجود ومذكور في القران
اولا ياجماعه موضوع الخرزه الزرقه والحاجات دي حرام
ثانيا لازم نعرف بانه ما أصابك لم يكن ليخطأك وما أخطأك لم يكن ليوصيبك
ثالثا انا حصل معايا حبتة مواقف من دي علي ما فتكر واحد صحبي كان أول مره يركب معايا العربيه فماشي عند القصر الجمهوري وكنت بجري بالعربيه فبيقولي العربيه بتجري حلو اوي خلص من هنا والعربيه بطلت ادور مفيش لقيت واحد كان ماشي معايا في الطريق قالي كان في نار طالعه من عند العجل فتحت الكبوت لقيت المارش مولع ازاي معرفش .
مره تانيه بس دي بعيده عن العربيات
كان واحد صاحبي جتله فتره ميشفش حاجه الا لما تبوظ ففي يوم ايام التنسيق واحد صاحبنا جاتله هندسه فقاله يلا ياعم دخلت هندسه وريحت باباك مفيش نص ساعه واحنا واقفين لقينا عربية اسعاف داخلت عالينا ولقينا ابوا صاحبنا نازل علي نقاله قعد يوم في المستشفي وريح خالص قعد شهرين علي كده لدرجة ان صحبنا كانوا يشوفوه يطلعوا يجروا هو نفسه ايامها تعب نفسيا مبقاش ينزل الشارع معلش طولت عليكم
واخيرا ان الله خير حافظاّ

بس الجامد أوى بقى عمركم ما شفتوا حد بيحسد عربية كارو أهى دى حصلت قدامى و بالتحديد الموتور بتاعها اللى هو الحمار اتنين أخ و أخته كانوا ماشيين قدامى فى وسط البلد و الولد بيقول البنت شفتى الحمار ده أول مرة فى حياتى أشوف حمار شعره ناعم راحت البنت بصة و قالتله آه صحيح ده شكله حلو أوى بعد ما خلصوا الكلمة بثوانى الحمار عدى الشارع و الإشارة كانت خضراء عادى جات عربية جيب سريع خبطت الحمار المسكين و فى الغالب مات.