[frame="9 10"]
بسم اللة الرحمن الرحيم
الفيات 131 و الشاهين و الدوجان مشتركين فى مشكلة سماعات الصوت الخلفية
والسبب هو وجود تنك البنزين خلف الكنبة و اسفل الصاجة بالقرب منه
ملف مرفق 4160
1- الصورة المرفقة توضح التالى
1- الصاج الفبريكة بفتحات المصنع
2- اسفل سماعة الصوت واضح من اسفل
3- تنك البنزين خلف الكنبة و اسفل الصاج
ملف مرفق 4161
2- الصورة المرفقة توضح التالى
1- ماسورة تنك البنزين
2- الفتحات الفبريكة من جهة جانب ماسورة التنك
طيب هى دى المشكلة ببساطة --- الحل اية ؟؟؟
لازم نعرف الاول ان الفتحات الفبريكة الى فى الصاج مش صح القطع فيها او زيادة قطرها
معنى كدة انة لازم الحل يكون معتمد و مكمل على الفتحات الموجودة
ملف مرفق 4162
3- الصورة المرفقة توضح التالى
كروكى لشكل جميع فتحات الفبريكة
1- فتحة مخصصة لمرور ماسورة البنزين
2- فتحات يتم العمل عليها فى نظام الصوت المقترح
3- فتحة اعلى المساعد الخلفى
طيب اية الصعوبة فى الكلام دة ؟؟؟؟
بسيطة
احنا حنعمل لوح من الخشب المحمل و نفتح في الاماكن المهمة فقط
ملف مرفق 4163
4- الصورة المرفقة توضح التالى
الفتحات فى الخشب المقترح
1- فتحة لمرور ماسورة البنزين
2- فتحات لمرور الصوت الى فراغ الشنطة
مهم جدا طبعا ان الفتحات تكون مطابقة لاماكن فتحات الصاج الفبريكة
٠٧٠٦٢٠٠٩.JPG
5- الصورة المرفقة توضح التالى
اتجاة دخول الصوت الى فراغ الشنطة بزاوية ميل تسمح بالمرور بدون التعرض للتنك
٠٧٠٦٢٠٠٩(٠٠١).JPG
6- الصورة المرفقة توضح التالى
بعد عمل الفراغ فى الخشب
عمل فراغ تانى لرفع منسوب السماعات بميل يسمح بمرور الصوت من خلف تنك البنزين و كمان بدون الاحتكاك بالزجاج

٠٧٠٦٢٠٠٩(٠١٦).JPG
7- الصورة المرفقة توضح التالى
شكل الميول و السماعات و بعد رفع ظهر الكنبة و دخول الموكيت خلف الكنبة
1- الموكيت
2- الشكل المائل للخشب الحامل للسماعات
٠٧٠٦٢٠٠٩(٠١٧).JPG
8- الصورة المرفقة توضح التالى
شكل النظام الصوت بعد تقفيل الشكل و ظهر الكنبة
٠٧٠٦٢٠٠٩(٠٠٦).JPG
9- الصورة المرفقة توضح التالى
شكل ماسورة البنزين الداخل للتنك من داخل الصالون مار بخشبة السماعات
٠٧٠٦٢٠٠٩(٠٠٥).JPG
10- الصورة المرفقة توضح التالى
ماسورة البنزين الداخل الى التنك بعد التشطيب بالموكيت
طيب بعد الكلام الجميل دة حلينا كام فى المية من المشكلة ؟؟؟
عن تجربة لان الصور دى من عربيتى و انا مجرب الحل دة
1- الخشب ميكونش حبيبى او من نوع ضعيف
2- سمك الخشب لايقل عن 2سم
3- رفع الراقات للسماعات بشكل مائل مع مراعاة زاوية الميل و كمان عدم الوصول الى منسوب الزجاج و مكان الفراغ مع استعمال الغراء و المسمار لتقوية الراقات
4- اول راق اسفل السماعات كامل ومفرغ فية مكان السماعة فقط
5- باقى الراقات مجرد خلفية و جناب شكل حرفCمفتوحة فى اتجاة اوطى نقطة
6- بعد تقفيل الخشب ممكن تشطب الشكل بالموكيت
طبعا محتج الموكيت يتفصل عند خياط علشان الشكل يكون كويس
طيب حنوصل لكام فى المية ؟؟؟؟؟؟
ممكن الصوت يتحسن بنسبة لا تقل عن 75%
لان احنا قللنا من اسر وجود تنك البنزين بس بردة حيفضل فية اثر منة بردة
يعنى الكلام دة مع عدة نظيفة بردة حيجسن النسبة
اتمنى اكون افد ووفيت الوعد
م/حسام كمال الدين
مؤسس رابطة الاسطورة فيات 131
[/frame]