عربيتى اتباعت النهاردة ف سوق السيارات

**sayedmsm2** · 19-06-2009 11:27 PM

النهاردة ف سوق مدينة نصر عربيتى اتباعت والحمد لله
مخدتش وقت كتير هى فابريقة بره وجوه شاهين 96
بعتها بالسعر اللى انا عايزه والحمد لله
نصيحة لما تتعامل هناك مع التجار ارفع سعرك علشان تريح دماغك من زنهم وبرود اعصابهم واستنى زبون محترم عايز عربية يسوقها مش يوقف سوقها
التاجر عايز ياخدها ب اقل سعر وهو يبعها با على سعر
ياريت نصيحتى تفيدكم بجد وجرب
يعنى لو عربيتك تجيب 50000 مثلا قول للتاجر 54000 هيبصلك ويمشى
ولا يهمك سيبه يمشى
لحد مايجيلك واحد ومعاه ميكانيكى او سمكرى او صاحبه هو ده اللى هايشترى ب ال 50000 اللى انت طالبها
انا مش بقطع على التجار ولا حاجة بس بصراحة فيه منهم ناس مش كتيرة محترمين وبيقدرو
لكن الاغلبية بشهادة الجميع تطبق مقولة مصلحتى اولا وطظ ف البايع
ونصيحة كمان لما تشترى عربية اشترى حالة نضيفة بره وجوه علشان العربية ف مصر علشان تتباع تانى لازم تبقى كده وبراحتك وبيع وانت مش مستعجل

**Samah AbdAllah** · 19-06-2009 11:39 PM

مبروك عليك البيع بالسعر المناسب ليك

وكلامك كل صحيح عن التجار وطريقتهم

**jisso82** · 20-06-2009 01:47 AM

مبروك البيع أولا و الكلام ده أنا قلته للناس لما بعت عربيتى. ما تستعجلوش و انتوا هتبيعوا بالسعر اللى انتوا عايزينه

**faroukahafeez** · 20-06-2009 01:51 AM

مبروك البيع بالسعر اللى انت عايزه

ممكن تضيف للموضوع معلومات اكثر للى عايز يبيع

مثلاً تروح السوق بالعربية الساعة كام ؟ احسن تعرض العربية فى أول السوق ولا فى اخره ؟

ازاى تعرف اللى بيجى يسألك على العربية اذا كان تاجر او زبون عادى فيه حاجة تانية غير موضوع الزبون العادى بيجى بميكانيكى ؟

تنصح البايع يستنى شوية ولا اول ما يجى السعر اللى عايزه يبيع على طول ؟