هاني أدم "AlmAhAtmA"قائد سيارة نايل موتورز للأعضاء

**AlmAhAtmA** · 09-10-2007 05:05 AM

تقبل الله يا شيخ :)
الشيخ حاتم شاب لكن الله اعطي له حلاوه الصوت
ان شاء الله نواظب سوا علي التهجد حتي اخر الشهر الكريم

تعالي نروح نتسحر :lol:
حوديك عند واحد اسمه سويسرا
لبان في كامب شيزار
اديها طاسه بيض مع حته جبنه و الزبادي :shock:

اه انا علي الاخر بس ان شاء الله نجاهد و نصلي الفجر جماعه و ننام
انا ماليش في السهر و بنام بعد العشاء
ايه السبب
انا متعود اذاكر كل يوم بعد الفجر
و علشان اصحي الفجر لازم انام بدري بدري

يااه انت فاكر لما كلمتني و قلت لك سهران مع مديرتي
يا سيدي دي مره في السنه لما مديرتي بتيجي من انجلترا
علي فكره اسمها ساره اسم مصري شويه
هيه انسانه ظريفه و مهذبه و بتحب اسوان و بتحب التفاحه و احلي حاجه مش بتشرب خمر ولا بيره بس في الاكل المصري ما اقولكشي طاحونه :shock:

مولد ايه يا عم اللي انت عايزنا نروحه ده :(
و نزور ميين انا بكره حفسحك فسحه عجب ان شاء الله
لكن ما لهاش لازمه الزياره
بقي تسيب الرب و تتمسح في قبرالعبد
يا راجل بقي الله ياتيك هروله و يمحو لك ذنوبك و لو كانت مثل زبد البحر و انت رايح تكلم لي شاهد وتتمسح في ضريح

يا سيدي الله مش محتاج ولا واسطه ولا وسيط :arrow:
ارفع ايديك و اطلب منه هوه القادر الرحمن الرحيم

يا عم انا ولا شيخ ولا حاجه ده انا مليان بلاوي بس ربك هو الستار

قال رسول الله صلي الله عليه و سلم
تركت فيكم ما ان تمسكتم به لن تضلوا بعدي ابدا كتاب الله و سنتي
صدق رسول الله صلي الله عليه و سلم

الف هنا و شفا
عقبال ما نتسحر في صحن الكعبه :D

الاذان الاول يالا نتوضي و نصلي و نروح ننام
حستناك تكلمني بكره :roll:

**Abdallah** · 09-10-2007 05:08 AM

يا طولة بالك يا ابو ادم, ولو انى زعلان منك بس ما علينا ولا تنسانا من دعائك.

**Chicco** · 09-10-2007 05:20 AM

الأخ الفاضل هاني والله عنيا دمعت وانا بتابع كلامك ربنا يكرمك يا باشا :)

**عاشق الفولفو** · 09-10-2007 06:01 AM

كلامك حلو و مظبوط في الكتابة
واسلوبك عالي وفيه بلاغة
يبقي ما تتاخرش علي الاعضاء الغلابة
وربنا يكرمك علي قد ما في قلبك طيابة

**Dr Ahmed** · 09-10-2007 06:07 AM

مولد ايه يا عم اللي انت عايزنا نروحه ده
و نزور ميين انا بكره حفسحك فسحه عجب ان شاء الله
لكن ما لهاش لازمه الزياره
بقي تسيب الرب و تتمسح في قبرالعبد
يا راجل بقي الله ياتيك هروله و يمحو لك ذنوبك و لو كانت مثل زبد البحر و انت رايح تكلم لي شاهد وتتمسح في ضريح

يا سيدي الله مش محتاج ولا واسطه ولا وسيط
ارفع ايديك و اطلب منه هوه القادر الرحمن الرحيم

طمنتنى....

بس إييييييييييه
مش هسيبك...
تعال هنا وقوللى...

يعنى عمر ما حد من الناس اللى حبيتها خدعك؟ مدّى الأمان للجميع؟ تحب الأول وبعدين تكره؟ وللا تحب وبعدين تبعد؟ وللا تفكر وبعدين تحب؟ وللا تحب وزى ما تيجى؟؟
وليه دايما الحب عندك طوفان؟ وياترى الوالد-رحمه الله، والوالدة ربنا يخليها-ليهم دور فى كده وللا المهاتما ظاهرة بدون مقدمات؟؟؟

**Ahmed Samy** · 09-10-2007 06:31 AM

آخر حلاوة
جميل

**goodwave** · 09-10-2007 10:27 AM

والله كلامك دوا يا هاني وانا أسعد واحد لانك إسكندراني....... كلامك جميل ومسترسل وتحس إنه نابع من القلب علشان كدة بيدخل القلب على طول........بس قولي لاحظت فيك حاجة وهي مش حاجة دي نعمة وهي إن وجهك دايما بيضحك :lol: مش ضحك هبل او إستخفاف لا سمح الله ولكن بشاشة في الوجة..... ربنا يديمها عليك نعمة ولعلمك عندما يحب الله العبد فإنه يوضع له القبول في الارض وإنت بسم الله ما شاء الله حبايبك كتييييييييييييييير.......يوو� �ووه كنت حنسى السؤال :roll:

ايوة ......... هو البشاشة الدائمة والوجه الضحوك دول سببهم إيه؟ والله لو عندك وصفة إسكندراني تقولي عليها........... وشكرا يا جميل

**mido777** · 09-10-2007 11:37 AM

هانى يا ابن منطقتى يا جامد قوى قوى....

مش حقولك غير جملة واحده

"بسم الله ماشاء الله" عليكم وعلى اسلوبك بجد والله انا لما اتعرفت عليك حسيت انى كنت اعرفك من زمان قوى وربنا يدمها صداقة واخوة

سؤالى ....

طبعا كلنا (الأسكندرانية) لما بنيجى ناخد وندى مع البحر كل واحد بيحب يروح مكان معين فى البحر .... انت بتروح تفضفض فيييييين ؟؟

- حددت ميعاد فرحك امتى وفين ؟؟؟
- ليك فى الكورة ؟؟ وبتشجع مين ؟؟

**pippo3k** · 09-10-2007 12:03 PM

Really Really MaHaTMa, you are a good guy. I could feel that in your simple words.

المره دي فرحت قوي علشان اللي بيتاجر مع الله عمره ما يخسر ابدا

I may Ask Allah to accept your fasting, praying & Doaa for you, your family and all Muslims.

All people, I'd like to say that I like this community so much. however I don't send topics or replay for requests, but I'm sorry my experience in Cars just like my experience Talking Japanese :D
I hope i could be able to attend one of your monthly meetings, I'm working on Fridays :roll:

@ the end, I apologize for writing in English but if i wrote this message in arabic it may take minimum 1 hour to write all what I wanted to say.
I'm proud of being member of Nile Motors