اهلاك السيارة مع معدل العداد السنوي .. اسئلة

**Haitham10** · 20-06-2009 02:56 PM

السلام عليكم ورحمة الله وبركاته

انا بشوف ناس بتقعد بالسنين في استهلاك 20 الف كيلو .. ناس تانيه بتخلصهم في 5 شهور بالكتير
وفي جداول الصيانة بالتوكيلات تقريبيا يعني ان كل سنة المفروض من 20 ل 30 الف كيلو.
فما هو المعدل الجيد والمتوسط سنويا ً , بتختلف طبعا لكل واحد بس عايزين نعرف في الغالب

وفي حاجة تانية وهي الغش في العدادات دي مشكلة .. لاني كنت اعرف عربيات ايجار وبالاخص لانسر بيتفصل عدادها لدرجة ان العربيه ممكن تعد يوميا اكتر من 500 و 600 كيلو فتخيليوا في الشهر كام كيلو يعني ميقلش عن 10 الالاف . النقطة الي عايز اقولها ان في فصل عداد يعني ممكن تلاقي عربيه عامله 30 الف كيلو حتي لو كانت 08 ولا 07 وهي في الاساس معديه ال100 الف مستريح

هنا نعرف الكلام دة ازاي ونتاكد منه ازاي برضه ؟

**Haitham10** · 20-06-2009 05:06 PM

هو الموضوع تافهه للدرجادي ولا ايه ؟
ياجماعة في عربيات كتير ببتباع علي اساس عداد وارقام متجيش ربع الارقام الحقيقيه له
واعرف ناس دايما فاصله العداد في سفرياتها ولمجرد الهزار وحسبه تقريبيه العربيه 08 وعدادها 41 الف وهي مشيت اضعاف الاضعاف

**blazer** · 20-06-2009 05:44 PM

الاستهلاك المتوسط فى حدود 20 الف كيلو تقريبا
انما انا عربيتى معيا بقالها 3 سنين مكملتش 12 الف كيلو لسه لانى لما بحب اسافر بيبقى بلسوبر جيت مش بلعربيه

**mshamy** · 20-06-2009 05:54 PM

علشان باسافر كتير ممكن يكون المتوسط بتاعي 26 الف كيلو في السنة
موضوع اللعب في العداد وارد بالس انا في رايي الشخصي الحكم بيتم على أي عربية مستعملة على حسب حالتها الفعلية و ليس على حسب العداد
على سبيل المثال في عربية هوندا SiR جايه من المانيا مقطعة كقطع غيار إستيراد العداد عامل 300 الف كيلو ..بس تشوف تابلوه العربيه ولا الطارة و الفتيس الجلد الطبيعي اللي لسه بخشونته و لا الموتور اللي بيبرق .....

**Haitham10** · 20-06-2009 06:24 PM

blazer , mshamy
شكرا لتجاوبكم وبالنسبة للسوبر جيت اعتقد ممكن لو السفريه طويلة لكن غير كدة يبقي ايه لازمة العربيه ماهو عشان تريحك في السفر وتروح بيها المكان الي حضرتك تحبه

وبالنسبة ليك يا استاذ mshamy
26 اعتقد معقولة لو علي افتراض انك بتعمل 100 كيلو يوميا سفر شغل في ناس بتعمل اكتر بسبب عملها في مدينة تانية وبيبقي حالة العربيه كويسة طبعا

بس عموما انا حبيت اقول علي المثال بتاع صاحبي لانه باع العربيه لواحد والعربيه فابريكة من بره وكويسة مفيهاش اي مشكلة بس كانت متباعه علي اساس انها 41 الف كيلو .. ومش عايز اقولك الرقم دة كان بيعمله في اقل من شهرين بالعربيه

**kemo0o** · 20-06-2009 06:29 PM

انا معدل الاستهلاك السنوي 25 الف

**Ashraf_Ashraf** · 20-06-2009 08:41 PM

و الله اعتقد انه مش كل العربيات وبالذات الاتوماتيك تقدر تفصل العداد
انا على نفسى عامل 27 الف فى 3 سنين من غير مالشيل الفيشه تفتكر لما اجى ابيع هيقولى انت لاعب فى العداد
عموما اعتقد ان الحاله العامله للعربيه اهم من العداد

**Haitham10** · 20-06-2009 09:15 PM

لا يااشرف باشا وربنا يباركلك فيها
انا عامل الموضوع لسببين نشوف معدل استخدام الاعضاء السنوي كام كيلو وفنفس الوقت موضوع العداد دة برضه .. وهو مش صعب ولا حاجه لان الامثله الي قلت عليها كلها كانت اوتوماتيك ومبتفرقش

**dode2002** · 20-06-2009 09:33 PM

العربيه الي معايه دلوقتي ياريس 2008 شاريها اول شهر 11 2008 يعني معايه بقالها 8 شهور وعامله معايه 4150 كيلو يعني معدل الاستهلاك بتاعي تقريبا 500 كيلو شهريا لاني دكتور وتحركاتي بسيطه وكمان العياده بنها وبين البيت شارعين والمستشفي علي بعد كيلو تقريبا من البيت

**PoweRPassioN** · 20-06-2009 09:40 PM

اعتقد 25000 في السنه دا الحد الاقصى المقبول
اكتر من كدا هلك !!

بس .. نعرف ازاي ان العداد ملعوب فيه؟؟؟؟؟؟؟

الموضوع: اهلاك السيارة مع معدل العداد السنوي .. اسئلة

LinkBack

أدوات الموضوع

عرض

اهلاك السيارة مع معدل العداد السنوي .. اسئلة - انشر الموضوع فى :

-

-

-

-

-

-

-

المواضيع المتشابهه

اسئلة حول نقل رخصة السيارة من مرور لاخر

اهلاك الملاكى

انا عاوز اسال عن ال واجا شوية اسئلة لمالكى السيارة

معدل أستهلاك السيارة

اسئلة واجاباتها عن جسم السيارة المستعملة

الكلمات الدلالية لهذا الموضوع

المفضلات

المفضلات

ضوابط المشاركة