ماذا افعل عند استلام الاوبترا؟

**Air Karam** · 21-10-2007 02:03 PM

معلش يا جماعة انا فكرت استنى شوية لحد ما موديل 2008 ينزل بيقولوا نازل فى النصف الاول من نوفمبر.
فقولت استنى و اشوف ايه النظام و ساعتها هيبقى عندى خيارين يا اجيب 2007 او 2008.
لو سعر موديل 2008 زاد قوى - هضطر اجيب 2007.
بس معلش انا لاحظت حاجة فى كل الاوبترا اللى فى الشارع!!!و الحاجة دى ضايقتنى اوى...
لاحظت ان مافيش اوبترا واحدة مافيهاش خبطة...لازم تلاقيها متجرحة او متخرشمة و دى عن ملاحظة عن كثب فى كل اوبترا ماشية فى الشارع او حتى واقفة تحت بيت صاحبها.
الموضوع ده مخوفنى اوى.و مش معقول يبقى كل اللى عندهم اوبترا مش سويقه يعنى ولا ايه!!!

**zoro** · 21-10-2007 03:13 PM

Air Karam اهلا بيك
هي ملاحظة دقيقة فعلا و انا برضه لاحظتها و لكن مثلا انا كنت راكن في عين شمس تحت بيت حماتي الصيف اللي فات
و بعد الغدا و الحلو و الذي منه نزلت لقيت العربيه مخبوطه خبطه محترمه فين بقى في الرفرف الأمامي يسار
مع العلم اني كنت راكن عمودي على الرصيف
يعني اللي خبطني يا اما كان خارج من جمبي و لف الدركسيون كله شمال و رجع بسرعه قام واكل الرفرف الشمال بتاعي
يا اما كان داخل يركن بسرعه و سرحت العربيه منه لغايه ما حضن الرفرف بتاعي

فممكن تكون صدفه فعلا
و ربنا يستر