اقتباس المشاركة الأصلية كتبت بواسطة Ahmad Aboul Fotouh مشاهدة المشاركة
انهارده زرت توكيل سيات و سكودا و شفت العربيتين والخلاصه هيه:
1- العربيتين صاجهم ,8 مللي وفيهم نفس الموتور والفتيس التب ترونيك
2- الاتنين بنفس السعر بس تخفيض الابيزا هيخلص يوم الجمعه و هترجع تاني ب 113 الف
3- الابيزا بتنزل بجنوط حديد 15 اما الفابيا 14
4-الابيزا فيها abs بس اما الفابيا فيها abs msr asr
5- لبفابيا فيها مثبت سرعه والابيزا لا
6-الفابيا فيها تكيف كليماتيك و الابيزا بكر
7- المهندس في سيات قاللي ان العفشه عنده فولكس الماني اما في الفابيا تشيكي وليست فولكس
8-الابيزا فيها ملتي فانكشن والفابيا لا
9- الكوردوبا نفس الابيزا بس فيها شنطه اوسع ما تتخيل (اوسع شنطة شفتها في حياتي) وفيها فتحت سقف وعليها تخفيض 5 الاف يعني تمنها 115 الف بعد التخفيض(التخفيض اخره يوم الجمعه)

يا ريت اسمع رأيكو بعد المعلومات دي
زي المتوقع تقريبا العربيتين زي بعض لكن كل واحدة بنكهة مختلفة

حسب المعلومات اللي حضرتك قولتها الفابيا تتفوق بالاتي:
- بظام الثبات الشامل (TCS + EDL + ABS + MSR + Dual Rate + Brake Assist) و ده حسب كتالوج العربية.
- مثبت السرعة
- تكييف كليماتك

الابيزا تتفوق بالأتي:
- جنط 15 و ليس 14
- ملتي فانكشن (على فكرة الفابيا في دراع صغير كده بيعمل حكاية الملتي فانكش ورا الطارة).
- العفشة فولكس (رغم إن العفشة المفروض تكون واحدة)

تعليقي إن العفشة الاسكودا ما شاء الله عليها كويسة

بس فيه شوية حاجات كده مش عارف موجودة في الابيزا و لا لأ:
- نظام (TIP) لمراقبة ضغط الإطارات.
- مرايات كهرباء بالسخان.
- Brake Booster
- تصفيح أسفل الموتور و الجيربوكس.
- غلق مصدر الوقود عند التصادم.
- إيموبلايزر.
- رفع و خفض الزجاج كهربائيا وبالريموت و نظام حماية للأطفال.
- باور ستيرنج كهربائي.
- مصابيح أمامية هالوجين بعدسات مع خاصية الحركة الجانبية للفوانيس (مقاومة للكسر).
- راديو دانس 2DIN + MP3 + Audio Socket
- الفرامل الأمامية ديسكات "بمبرد داخلي"
- 2 إيرباج و الإيرباج الخاصة بالراكب ممكن تعطيلها/تشغيلها.

أعتقد معظمها -إن لم يكن كلها- موجود في الإبيزا .. يا ريت لو عندك فكرة تقولنا.

بنفس السعر برضة ممكن تجيب الفابيا سبورت مانيوال و دي هاتزيد الأتي:
- فوانيس شبورة أمامية مع خاصية الحركة الجانبية للفوانيس.
- جنوط 16 ألومنيوم.
- حساس إنتظار Parking Sensor.
- شاشة Maxi Dot لعرض بيانات التشغيل.
- كراسي بتصميم رياضي و خامات مميزة.
- أجزاء من الجلد الطبيعي (التارة + بعض الأجزاء).
- بخاخات غسيل المصابيح.
- لون السقف مختلف (أبيض).
- الفرامل الخلفية ديسكات و ليست إسطوانات.

و بسعر 101900 ممكن تجيب الفابيا سبايس (كومبي) مانيوال و دي شنطها 480 لتر
أو الاوتوماتك بتاعها و دي تقريبا ب 115000.