اقتباس المشاركة الأصلية كتبت بواسطة Ahmad Aboul Fotouh مشاهدة المشاركة
يا جماعه خلو بالكو ان الابيزا التيب ترونيك عليها عرض و ثمنها 109900 يعني زي الفابيا التبترونيك, ايه رايكو لو عملنا مقارنه بينهم مين يكسب؟؟
مع العلم ان تيل فرامل الابيزا = 180 جنيه و الفابيا 370 جنيه
والفاوانيس قريبا الاتنين ليهم نفس السعر

يا ريت اسمع الاراء
الإبيزا عربية حلوة جدا طبعا .. بس عاوز ألفت نظرك لحاجة إن الإبيزا و الفابيا الاتنين نازلين بنفس المواتير و الفتيس زيهم زي البولو عشان كلهم تابعين لفولكس .. الفارق كله بيبقى في ال flavor بتاع العربية

يعني واحدة بنكهة سكودا و التانية بنكهة سيات

سكودا بتهتم بالصاج (تقريبا أقوى صاج في السوق) و العفشة و الإتساع مع أناقة هادئة في السيارة
سيات بتهتم أكثر بشكل العربية و أناقة الكابينة و نعومة العربية.

لو بصيت تفصيليا على العربيتين هتلاقي الفابيا بتتفوق أكتر في الكماليات لكن أعتقد الابيزا أفضل في التصميم (شكل العربية) من الفابيا.

انا فعلا قعد أفكر كتير أجيب الفابيا ولا الابيزا -أو الكوردوبا- و بعد الاستخارة ربنا وفقني للفابيا.

عموما العربيتين مميزين جدا و ربنا يوفقك للأفضل بالنسبة لاحتياجاتك و ذوقك.