الموضوع: الحمد الله ، امتلك سريون 1300 موديل 2009، ولي شويه اسئله

اولا الف مبروك علي العربيه و ربنا يديك خيرها و يكفيك شرها و هي انشاء الله صفقه رابحه فعلا
انا ممكن ارد علي شوية اسئله ليك
1- بالنسبة للسماعات مينفعشي تجيبها و تركبها او حتي تركبها برة لان الكهربا بتخرج من الضمان انت ممكن تجيب السمعات من عندهم هي كويسة شوية صوتها مش فظيع بس معقوله و تمنها 181 وتركيبها ب 70 جينه يعني كله كله بعد الضريبه ب 281 جينه خلي بالك انا مركبها من حواليشهرين ممكن تكون غليت فسال التوكيل قبل ماتروح
2- الانذار نفس الكلام مش بيركبوا حاجة من برة و مينفعشي تركبه برة علشان الكهربا برضة وفي التوكيل سعره 880 جنيه بالتركيب وسمعت من الاخوة هنا ان نوعه مش اد كدة يعني لو جبته من برة مش هيعدي 200 جنيه و انا لسة مركبتوش لاني مستغليه جدا
3- الفرش فيالتوكيل سعره كويس حوالي 330 جنيه في جلد وفي قطيفه اسود ورمادي بس ركبه برة لان تركيبه في التوكيل بيخش في 200 جنيه اشتريه من هناك و ركبه برة واسال عليه قبل ماتروح لانه ممكن ميبقاش هناك و ممكن تتريه من فرع احمد عرابي
4- صيانه ال 1000 مجانيه وهي لازم تبقي مجانيه لانهم مش بيعملوا حاجة اوي بيطمنوا بس علي العربيه لان مفيش تغيير زيت او كدة
5- بالنسة للسبويلر بصراحة معنديش فكرة ممكن حد تاني من الاخوة يفيدك

وربنا يباركلك فيها انشاء الله

شكرا ليكم جميعا على المرور والرد ، واجابتي تتزامن مع عودتي من صيانه الالف كيلو - اسكندرية - شركه الرزق
وبالنسبه الى الاسئله الى انا سئلتها
وبالنسبه للاستاذ الى بيسئل على ثمن العربية هي ثمنها الان 80000+500= 8.500

1- بالنسبة للفرش انا اخدته هديه مع العربية وركبته بره وكلفني 40 جنيه تركيب
2- بالنسبه للسماعات الخلفية وتركيبها ، انا سئلت فى التوكيل وقالو لي ان معندهمش سماعات لكن ممكن أجيبها من بره النوع الى يعجبني وهما يركبوه والتركيب هيكلفك 150 جنيه مصري
3- بالنسبه للانذار وجدت فى التوكيل نوعين ، النوع الاول 900 جنيه مصري وده الاصلي والنوع الثاني 550 جنيه مصري بالتركيب وده التقليد وممكن اجيب الانذار الى يعجبني واركبه فى التوكيل بمبلغ 150 جنيه مصري
4- بالنسبه الى الاسبويلر ثمنه بس لوحده 2000 جنيه مصري، ولسه منزلش، ومفيش منه تقليد

بالنسبه للصيانه بصراحه ممتازه، طبعا قبل ما اروح اتصلت وحددت ميعاد ورحت تاني يوم الصبح الساعه 10 قابلني مهندس الاستقبال واسمه مجدي وركنت العربية وقلتله على شويه حجات كانت مضايقاني فى الفتيس زي مثلا انه تقيل شويه وبيعمل زي عضه بصوت وفعلا المهندس حس بالعيب واستلم مني العربية ورحت على مكتب تاني سلمت رخصه العربية عشان يعملو لي الدفتر الخاص بالضمان والى هجيبه معايا كل مره وطلعت قعدت فى الكافتريا والجميل فى الكافتريا انها بتطل على ورش الصيانه فكنت شايف العربية وهما بيظبطو فيها ، وبعد ما خلصو شغل ميكانيكا غسلو العربية غسله خلوه محترمه وبعد كده نزلت استلمت دفتر الضمان والعربية واتحركت بسلامه الله وانشاء الله اروح تاني على 5000 كيلو

وتحت امركم فى اي استفسار

I'm pleased to hear that ElRezkk center is flexible in so many points not found in Elouboor in cairo.

As the center (2 options and you can get any one you want from outside)
Elsama3aat
elfarsh elhedyaa